Arkiv-Lajme të përditësuara

Premtimet se rrugët e qytetit të Vlorës nuk do të përmbyteshin nga uji në kohë reshjesh mbetën vetëm në letër.

Reshjet e ditëve të fundit treguan se qyteti i Vlorës vijon të përballet ende me problemin e përmbytjeve të rrugëve të brëndshme.

Lidhur më këtë situatë drejtori i bordit të kullimit në qytetin bregdetar, Apostol Qirjo, pohon së reshjet e ditëve të fundit i gjetën të papërgatitur, dhe se në hidrovrin e qytetit pati avari dhe për këtë janë marrë masa ndëshkuesë karshi punonjësve të institucionit që ai drejton.

15-familje të një lagjeje të fshatit Gryk Manati në Komunën e Kolshit në Lezhë janë izoluar plotësisht përshkak të shembjes së urës.

Prurjet e përroit nga reshjet e dendura të shiut 20 ditë më parë e shkatërruan plotësisht urën që ishte ndërtuar me kontributn e vetë banorëve, ndërsa askush nuk ka marrë asnjë masë për të ndërtuar një urë tjetër.

Kur po i afrohemi gjithnjë e më tepër festave të fundvitit, dhe ku të gjithë kërkojnë ta festojnë atë pranë të afërmve, Drejtori i Burgjeve Artur Zoto ka theksuar se për këtë vit nuk do të ketë asnjë amnisti për të burgosurit.

Në ndryshim nga vitet e tjera, Zoto u shpreh se amnisti për këtë vit nuk do të ketë për të burgosurit, dhe madje as për festa.

Gjeneral Majori i Forcave të Armatosura të Shqipërisë, Jeronim Bazo përmes një letre të dërguar ka uruar FA me rastin e 102 vjetorit të krijimit të saj.

Në letrën e dërguar, Bazo shpreh mirënjohjen dhe vlerëson sakrificat e bëra ndër vite nga trupat e Forcave të Armatosura brenda dhe jashtë vendit. Duke e cilësuar si shumë të rëndësishme sakrificën dhe djersën e derdhur nga brezat paraardhës të shqiptarëve që u bënë pjesë e FA, Bazo thekson se pa këtë kontribut, shteti shqiptar nuk do të ekzistonte.

Pas Italisë, Ministri i Brendshëm, Saimir Tahiri, ka nisur tur takimesh me autoritetet më të larta të luftës kundër krimit dhe terrorizmit në Britaninë e Madhe. Ditën e djeshme, është takuar në Londër me drejtuesit më të lartë të Antiterrorit Britanik, si dhe drejtorin e përgjithshëm të Agjencisë Kombëtare të Antikrimit.

Një 39-vjeçar në kërkim ndërkombëtar ka rënë në pranga të policisë. Lulzim Ademi i dënuar me 12 vjet e tre muaj burg për “Pjesemarrje në organizatë kriminale për trafikim lëndësh narkotike” nga drejtësia italiane është arrestuar nga efektivët kundër narkotikëve.

Specialistët e Sektorit të Operacioneve Speciale në Drejtorinë e Përgjithshme të Policisë së Shtetit kishin marrë informacion se në një spital privat në Tiranë kishte shkuar për të kryer vizitë mjekësore një person i shpallur në kërkim ndërkombëtar.

Dorëheqja e kreut të përgjithshëm të Operatorit të Shpërndarjes se Energjisë Elektrike Arben Seferi është pasuar edhe nga dorëheqja e kreut të OSHEE-së për qarkun e Kukësit, Astrit Cengu.

Ky i fundit ka lajmëruar vetë për dorëheqjen, teksa ka sqaruar se ka patur mosmarrëveshje me kreun e ri të OSHEE-së, Ardian Çela, i cili u vendos pak ditë më parë në këtë post në vend të Seferit.

Qarku i Kukësit është radhitur ndër më problematikët sa i përket lidhjeve të paligjshme të energjisë elektrike, teksa performanca e Cengut ka qënë pozitive sa i përket rritjes së arkëtimeve.

Gafat me simbolet tona kombëtare nuk kanë të mbaruar. Rasti më i fundit është shënuar në institucione të larta të drejtësisë, ku emblema e flamurit të Republikës së Shqiëprisë është vendosur përmbys.

Kjo foto është shkrepur në ambientet e brendshme të Gjykatës Adminsitrative, ku shqiponja dy krenare është vendosur kokëposhtë.

Edhe në përkujtim të 70-vjetorit të Çlirimit në Shkodër, u shënua një tjetër incident ku shqiponja ishte vendosur horizontal në flamur.

Dy persona kanë mbetur të plagosur rëndë pasi motori me të cilin ata udhëtonin doli nga rruga duke u përplasur me barrierat mbrojtëse.

Aksidenti ndodhi në orët e pasdites të së mërkurës në dalje në hyrje të qytetit të Lezhës, ndërsa të plagosur kanë mbetur Kastriot Marku 43-vjeç i cili ishte drejtuesi i motorit si dhe Ndue Nekaj 52-vjeç.

Ata janë dërguar menjëherë në spitalin e Lezhës, nga ku është bërë e ditur se pasagjeri Ndue Nekaj ndodhet në gjendje kritike për jetën nga plagët e marra në kokë dhe pritet të dërgohet në spitalin e Ushtarak të Tiranës.

13 subjekte që shfrytëzojnë mineralin e kromit në zonën Bulqizës janë gjobitur me 2 milionë lekë të reja nga Inspektoriati Shtetëror i Mjedisit, Pyjeve dhe Ujërave pasi nuk kishin leje mjedisore.

Ky Inspektoriati ka nisur një aksion për të gjitha subjekete që shfrytëzojnë mineralin e kromit, e ndërsa në rrethin e Bulqizës janë 86 subjekteve minerare që ushtrojnë aktivitetin e tyre.

Gjatë inspektimit të ditës së sotme janë kontrolluar18 subjekte ku vetëm 5 prej tyre kishin leje mjedisore, ndërsa 13 subjektet e tjera janë gjobitur me 2 milionë lekë të reja për çdo subjekt.