Arkiv-Lajme të përditësuara

Komisioni i Ekonomisë miraton vetëm me votat e mazhorancës kandidaturat e Ardian Fullanit, Elizabeta Gjonit dhe Petraq Milos në krye të Këshillit Mbikëqyrës të Bankës së Shqipërisë. Miratimi i tyre ka ardhur pas dy orësh mbledhje ku nuk kanë munguar debatet, por edhe akuzat nga ana e opozitës. Gjatë mbledhjes së komisionit opozita ka kundërshtuar kandidaturën e Fullanit, duke e akuzuarpër njëanshmëri politike, ndërsa dy kandidaturat e tjera e kanë kaluar më lehtë përballjen në komision, edhe pse nuk kanë marrë votat e opozitës.

Pas denoncimeve të njëpasnjëshme, në Top Channel të shkatërrimit të shtratit të lumit Erzen, ditën e hënë, firmat e inerteve kanë pezulluar punën.
Nga burime jo zyrtare mesohet se firmat e inerteve përgjatë gjithe lumit kanë pezulluar gërmimet, por zyrtarisht nuk dihet ende nëse pezullimi është cështje kohe apo eshte ndalim perfundimtar i shkaterrimit te Erzenit.

Vazhdojnë polemikat mes Shoqatës së Botuesve dhe shtëpisë botuese “Dudaj” për pjesëmarrjen e kësaj të fundit në Panairin e Librit, që do të nisë në Tiranë më 9 nëntor.
Shkak është bërë një shkrim në gazetën Shekulli, ku pretendohet se “Dudaj” është lënë jashtë panairit, për shkak se është botuese e librit “Kurban” të kryesocialistit Edi Rama.

Dita e sotme ka shënuar edhe mbylljen zyrtare te procesit te censusit, pra regjistrimit te popullsisë dhe banesave në Shqipëri.

Në një deklaratë për shtyp, ku edhe njoftoi mbylljen e procesit, drejtoresha e Institutit të Statistikave (INSTAT), Ines Nurja, falënderoi të gjithë ata që janë bërë pjesë e procesit të regjistrimit të popullsisë dhe banesave.

‘Ky proces ishte i rregullt dhe sipas parashikimeve. Do të ketë edhe një procedurë post-Census, i cili do të bëhet gjatë muajit nëntor”- tha Nurj, duke shtuar se do të ketë verifikime.

Disa herë rresht qyteti i Patosit ka mbetur pa ujë të pijshëm sepse kablli elektrik që furnizonte pompat e Ujësjellësit vidhej.
Një ditë me parë ndodhi i njëjti fenomen dhe drejtori i Ndërmarrjes së Ujësjellësit Baftjar Gropa akuzoi kompaninë CEZ, se po linte pa ujë qytetin, por policia të hënën e shpalli atë në kërkim, si të dyshuarin kryesor për organizim të vjedhjes së përsëritur të kabllit që e shiste për skrap.
Akuza e Gropës vinte pas grabitjes se nje dite me pare te gati 1 kilometer kabell qe perdorej per furnizimin me uje te qytetit.

Tanimë çdo vizitë e presidentit të Republikës shihet në kontekstin e deklaratave të rikthimit në politikë. Megjithatë, edhe në vizitat e mëparshme që ka zhvilluar presidenti Topi, një gjë nuk i ka munguar, pritja e mirë. Në disa sondazhe, figura e Topit është vlerësuar ndjeshëm nga qytetarët. Por, fakti që presidenti bën vizita në disa zona që quhen si bastione të qeverisë, sidomos kur shkon në Pukë, e cila mbulohet në fushata zgjedhore nga zonja Topalli, atëherë sulmi i qeverisë nuk mund të mungojë. Dhe e kanë sulmuar për arsyen më të çuditshme, pse atë nuk e presin zyrtarët e PD.

Raporti "Dick Marty" përplas Shqipërinë dhe Serbinë në OKB. Dokumenti i senatorit zviceran, që përmban akuza lidhur me trafikun e organeve të serbëve në territorin shqiptar gjatë dhe pas luftës së vitit 1999-të në Kosovë, ka nxitur debate të ashpra mes ambasadorit shqiptar në Kombet e Bashkuara, Ferit Hoxha dhe përfaqësuesit të Beogradit në këtë organizatë, Feodor Starçeviç. Gjithçka ndodhi gjatë një prej seancave të komitetit për mbrojtjen dhe promovimin e të drejtave të njeriut në OKB, javën e kaluar. 

Glauk Konjufca e ka ngarkuar veten me një mision. Po do që ta shtyjë Qeverinë e Kosovës “me zor” që ta bëjë një gjë, të cilën ajo s’po e bën vullnetshëm: të raportojë për përpjekjet e saj për të vënë kontroll në tërë hapësirën shtetërore konform kërkesës së lëvizjes “Vetëvendosje” që Kuvendi i Kosovës e kishte miratuar me shumicë votash më 5 maj të këtij viti.

Ai ka thënë se do të bëjë të pamundurën që gjatë nëntorit ta sjellë Qeverinë në Kuvend për të dhënë raport.

Aktivistë të Lëvizjes “Vetëvendosje” të dielën e kanë ndalur kamionin me targa serbe SJ 001-UO, ndërsa pas verifikimit të prejardhjes së mallit e kanë rrotulluar atë. Kjo është bërë e ditur përmes një njoftimi të kësaj lëvizjeje dërguar medieve.

Njoftohet se kamioni transportonte grurë nga Serbia dhe se aksioni është zhvilluar në kilometrin e parë të magjistrales Arllat-Malishevë.

Dy ditë pasi opozita mbajti tryezën mbi reformën në drejtësi, Pardia Demokratike ka reaguar duke e cilësuar veprimtari propagandistike që synon bllokimin e reformave në vend.
“Në fakt zoti Rama kishte përgatitur nje veprimtari propagandistike, me të cilën qartazi synon të pengoje edhe me tej procesin e reformave dhe te angazhimeve intergruese të Shqipërise”, u shpreh sot në një deklaratë shtypi, deputetët demokratë në Komisionin e Ligjeve.
Deputetët demokratë u shprehën se Rama duhet t’u kërkonte falje shqiptarëve për bllokimin 3 vjecar që i ka bërë reformave në vend.