Arkiv-Lajme të përditësuara

Braktisja e shkollës nga fëmijët, të cilët detyrohen të punojnë për të ndihmuar familjen, tashmë po kthehet në fenomen pothuajse në të gjitha rrethet e vendit. 

Rusia paraqiti në Këshillin e Sigurimit në OKB një rezolutë që synon të zgjidhë krizën në Siri, një lëvizje që zuri në befasi shumë vende perëndimore. 

Dokumenti i zbuluar të premten dënon dhunën në Siri, si atë të ushtruar nga qeveria dhe nga opozita, por nuk parashikon sanksione.

Në reagimin e parë, Uashingtoni dhe kancelaritë perëndimore konsideruan që rezoluta nuk ishte e fortë sa duhej, por shprehën gatishmërinë për të punuar mbi bazën e asaj që paraqiti Moska.

Presidenti i Shteteve të Bashkuara Barak Obama tha se qeveria federale nuk duhet të mbyllet sepse kongresi nuk mund të gjejë një marrëveshje për një problem mbi taksat.

Sot, në Uashington, Presidenti u kërkoi ligjvënësve të zgjasin lënien në fuqi të taksave të ulura para se të marrin pushimet e fundvitit, sepse përndryshe, tha ai, 160 milionë punonjës amerikanë do të duhet të paguajnë taksa më të larta prej datës 1 janar.

Banorët e Kënetës së Durrësit kanë mbetur pa ujë, pas një aksioni të Ndërmarrjes së Ujësjellësit. Në një protestë të zhvilluar gjatë paradites, ata kundërshtojnë dënimin kolektiv dhe thonë se i kanë paguar faturat e ujit, ndërsa linjat brenda lagjes i kanë ndërtuar me paratë e tyre.
 
"Ka katër ditë që është prerë. Njëlloj si për ata që kanë paguar, si për ata që nuk kanë paguar",-thotë një banor. 

"Ka 15 vjet që rrimë me tuba sa andej-këtej. Taksën shtetit ia paguajmë. Drita e ujë, të gjitha i kemi paguar", -shprehet një tjetër. 

Islanda njoftoi njohjen formale të shtetit të Palestinës, duke u bërë kështu vendi i parë perëndimor që njeh shtetin palestinez. 

Ky është vendimi i marrë nga parlamenti islandez pas seancës ku u shqyrtua kërkesa palestineze për njohje të shtetit. 

“Në këtë ditë ju prezantoj deklaratën e pavarësisë së Palestinës e cila përputhet me vullnetin e parlamentit islandez”, tha Ministri i Jashtëm islandez, Ossur Skarphedinsson gjatë një takimi me homologun e tij palestinez, Riyad al Maliki.

Komuniteti i biznesit kërkon shtyrjen me 6 muaj të zbatimit të Amnistisë Fiskale. Kjo pasi ka fluks nga sipërmarrja dhe qytetarët për të përfituar nga kjo nismë që përfundon ligjërisht më datë 31 dhjetor.

“Ka pasur një reagim të vonshëm, për mos të thënë që vetë amnistia në fillim ishte çorientuar dhe nuk kishte udhëzimet e duhura dhe procedurat e kërkuara, në mënyrë që të kishim pritshmërinë e dukur, por vihet re që në muajt tetor, nëntor por edhe dhjetor ka një radhë për të qenë pjesë e kësaj amnistie dhe legalizimit të aseteve”, tha Kryetari i Dhomës së Tregtisë Nikolin Jaka.

Kryeministri Rus, Vladimir Putin lëshoi akuza ndaj Uashingtonit duke deklaruar se Shtetet e Bashkuara të Amerikës kërkojnë të dominojne vendet e tjera dhe se bota është e lodhur, duke marrë urdhëra nga Amerika.

“Ndonjëherë mua më duket se Amerika nuk ka nevojë për aleatë, por peër vasalë”,-u shpreh kryeministri Putin gjatë një fjalimi televiziv. 

Prej tre vjetësh avokatët e caktuar nga shteti nuk po paguhen për seancat që ata kanë asistuar, për të mbrojtur interesat e atyre shtetasve që nuk kanë patur mundësi financiare, për të marrë një mbrojtës me lekët e tyre. 

Por pervec ketyre avokateve qe te pandehurve ua ofron shteti falas edhe psikologet, qe duhet te paguhen nga gjykata dhe qe marrin pjese ne seancat ku ka te mitur, kanë gjashtë muaj që nuk marrin lekët që u takojne. Shqetësimin e bejne publike per Top Channel vetë avokatët.