Arkiv-Lajme të përditësuara

Mesazhi i plotë i presidentit grek Karolos Papulias, për 21 vjetorin e krijimit të “Omonia-s”. 

“Të dashur miq, bashkatdhetarë të nderuar! 

Jam veçanërisht i kënaqur që përshëndes përvjetorin e 21-të "Omonia-s", përfaqësuesi historik i grekëve të Shqipërisë. 

Atdheu ynë po kalon kohë të vështira. Eshtë e mbushur plot me sfida edhe për vazhdimin e pranisë së grekëve në shtëpitë e tyre stërgjyshore në Shqipëri, pavarësisht vështirësive, madje edhe tani që Shqipëria ka filluar procesin e integrimit në familjen evropiane. 

Hashim Thaçi, kryeministër i Kosovës një ditë pasi etiketojë Vetëvendosjen në të njëjtën mënyrë siç bëri Berisha me aleancën Kuqezi, ka shkuar më tej duke krahasuar nismën e VV për 14 janarin me ngjarjen e 21 janarit në Tiranë.

Fondi Monetar Ndërkombëtar po shqyrton mundësinë që ndihma për Greqinë të jetë më shumë se 130 miliardë euro.

Lajmin e bën të ditur gazeta greke "Ta Nea", sipas të cilës opsioni në fjalë është pjesë e marrëveshjes së arritur në takimin e fundit të vendeve të Eurozonës.

Gazeta shkruan se në bisedimet mes kancelares gjermane Angela Merkel dhe shefes së FMN-së, Christin La Garde është shqyrtuar mundësia e rritjes së pakos së ndihmës për Greqinë.

Ata që prisnin lajme pozitive nga qeveria e re lidhur me politikën e emigracionit, sot morën sinjalin e parë. 

Gjatë një seance në Dhomën e Deputetëve ministri për Kooperacionin ndërkombëtar dhe për Integrimin Andrea Riccardi, deklaroi se duhen marrë nisma në ndihmë të emigrantëve që duhet të përtërijnë lejëqëndrimet e që ndërkohë kanë humbur vendin e punës për shkak të krizës. 

Nga Berlini në Bruksel janë mbajtur protesta kundër burgut të Guantanamos, në dhjetëvjetorin e hapjes së tij. Qindra protestues u mblodhën përpara Shtëpisë së Bardhë në Washington dhe marshuan drejt Gjykatës Supreme për të shënuar 10- vjetorin e hapjes së kampit ushtarak amerikan të paraburgimit në bazën detare amerikane Guantanamo në lindje të Kubës.

 Niveli i borxhit publik në Shqipëri është ndër më të lartët në rajon. Ky shqetësim është shprehur sot në Tiranë nga Ron Hood-ekspert i Bankës Botërore, i cili e theksoi si problematik qoftë nivelin e borxhit publik ashtu edhe deficitin buxhetor. 

Ai deklaroi se Shqipëria ka varësi të madhe nga ajo që ndodh në Evropë dhe është e prekshme nga zhvillimet në vendet evropiane. 

Dhjetëra banorë të Lagjes 5 Maji në Elbasan u ngritën në protestë, pasi që prej dhjetë vjetësh, atyre u duhet të bashkëjetojnë me ujërat e zeza. Sikur të mos mjaftonte ndotja industriale dhe ajo që vjen nga fusha e plehërave, atyre u duhet të jetojnë edhe me fekalet, që kalojnë rrëzë mureve të shtëpive të tyre. Në kanalin kryesor të kësaj lagjeje, 3 kilometra të gjatë, derdhen ujërat e zeza të 20 mijë banorëve, të cilat përshkojnë gjithë lagjen për tu derdhur më pas në lumin Shkumbin. 

 Kryeministri britanik, David Cameron dhe lideri i opozitës, Ed Miliband janë bashkuar në apelin drejtuar Skocisë të refuzojnë pavarësimin, nëse një referendum do të mbahet për këtë qëllim. Kreu i Ekzekutivit u tha deputetëve se beson në mënyrë pasionante tek Unioni Britanik, ndërsa lideri i laburistëve tha se një ndarje e mundshme do të dëmtonte ekonominë e vendit. 

Njësia Task Force mbyll hetimet dhe dërgon në gjykatë dosjen, për një tjetër skandal që ka lidhje me karburantet. 

Dy punonjes te Forcave te Armatosura, Dali Koka, magazinier i karburantit dhe llogaritarja Engjëllushe Demce, në Repartin Ushtarak të Brarit janë dërguar si te pandehur, për mashtrim me sasine dhe cilesine e karburantit, qe blenin për llogari të mjeteve të ushtrise. 

Rritje dramatike e numrit të vetëvrasjeve vihet re në Greqi, gjatë viteve të krizës, sipas të dhënave të paraqitura nga Ministria e Mbrojtjes së Qytetarëve, në parlament.  

Në mënyrë të veçantë, nga viti 2009 deri në 10 dhjetor 2011, në Greqi ka pasur 1 727 vetëvrasje dhe tentativa për t'i dhënë fund jetës. 

Në vitin 2009 numri i vetëvrasjeve arriti në 507, në vitin 2010 shkoi në 622, ndërsa 11 muajt e vitit 2011 u kryen 598 vetëvrasje.