Arkiv-Lajme të përditësuara

Opozita nuk do të jap votën në Kuvend për ndryshimin e ligjit për shtetësinë. Propozimi i fundit i Kryeministri Sali Berisha për dhënien e shtetësisë shqiptare për të huajt, që investojnë mbi 100 mijë euro në Shqipëri nuk do të konkretizohet në Parlament për shkak se Partia Socialiste refuzon të bashkojë votat me demokratët për miratimin e këtij ndryshimi. 

Sipas Kushtetutës, ndryshimi i ligjit për shtetësinë kërkon domosdoshmërisht 84 vota në Kuvend.

Po zhvillohet në parlamentin grek debati për marrëveshjen e kredisë së re, në një klimë të tensionuar dhe dorëheqjesh në mesin e deputetëve të dy partive më të mëdha. 

Deputetët e Parlamentit janë nën presion sepse Jorgos Papandreu dhe Antonis Samaras kërkuan disiplinë partiake, por ka shumë prej tyre, që kanë deklaruar se do të votojnë kundër kontratës së re. Ndërkohë janë zëvendësuar deputetët e dorëhequr në të dyja forcat politike. 

Pavarësisht uljes së Normës Bazë të Interesit, dhënia e kredive pritet të jetë më e ulët gjatë këtij viti. Banka e Shqipërisë në raportin më të fundit për aktivitetin kreditues në vend ka bërë me dije se pritshmëritë nuk janë pozitive. Vrojtimi i tregut bankar dhe të dhënat e marra në 16 bankat e nivelit të dytë  tregojnë se individët dhe bizneseve që kërkojnë kredi do të përballen me kërkesa më të vëshitra në sportelet e bankave.

Në qendrën kombëtare pritëse të viktimave të tarfikut nuk qëndrojnë vetëm gra dhe vajza shqiptare, por dhe të huaja. Edhe pse vitet e fundit, numri i tyre është në ulje, fenomeni ende është prezente.

Vetëm vitin e shkuar u strehuan rreth 56 gra, fëmijë dhe burra. Përkatësisht 22 vajza dhe gra, 9 minorenë dhe 17 fëmijë. 48 prej tyre kanë qënë viktima trafikimi ose në rrezik trafikimi, 2 të tjëra të huaja dhe 8 viktima të dhunës në familje. Drejtori i Shërbimit Social Shtetëror, Mihal Naço sqaron se çfarë trajtimi marrin këta përsona në institucione.

Obama të përdorë modelin e Kosovës për Sirinë. Është kjo ideja qe hedh prestigjozja ‘Wall Street Journal’ në një shkrim mbi situatën në Siri dhe përpjekjet e ndërkombëtarëve për t’i dhënë fund krizës atje.

Gazeta shkruan se presidenti Obama, në ballafaqim me situatën në Siri, bën mirë që të shqyrtojë mënyrën e përdorur nga ish-presidenti Klinton për krizën në Kosovë në vitin 1999.

Sistemi aktual i pensioneve nuk ofron asgjë, si për kontribuesin, pensionistin, ashtu dhe për vetë shtetin, i cili çdo vit nxjerr nga arka qindra milionë dollarë për të kryer kompensimet e nevojshme.

Të dhënat tregojnë se me ecurinë e deritanishme nuk mund të shkohet shumë gjatë, ndërsa zërat për një reformim të skemës po shtohen nga të dyja kampet politike, por me këndvështrime të ndryshme.    

Danubi ka ngrirë plotësisht në afërsi të portit bullgar "Silistra", në veriperëndim të vendit, për herë të parë që prej 25 vjetësh, njoftuan sot Agjencitë bullgare.

Hera e fundit kur pjesa bullgare e lumit kishte ngrirë plotësisht ishte gjatë dimrit të viteve 1984-1985.

"Ne presim që ngrirja e plotë e lumit të shtrihet gjatë ditës në një pjesë më të gjerë të lumit'',bëjnë të ditur agjencitë bullgare. 

Një shtresë e trashë dëbore, shoqëruar me stuhi polare ka ngrirë çdo gjë në Bulqizë. Bora ka mbuluar edhe malet e stoqeve të kromit ku rrëmojnë tërë vitin për të mbijetuar pjesa më e madhe e banorëve. Të tilla stuhi nuk janë të rralla për këtë krahinë, e cila dallohet për një mot të egër. 

E shtuna dhe e diela janë dy ditë me rëndësi jashtëzakonisht të madhe, në nivelin politik dhe ekonomik për Greqinë.

Qeveria greke e miratoi mbrëmë marrëveshjen me faturën e masave financiare, të cilën e dorëzoi menjëherë në parlament, ku do të ketë edhe provën më të vështirë. Përpara së të mbërrijë aty, marrëveshja do diskutohet sot në komisionet parlamentare. Paketa do miratohet me shumicën relative, por në asnjë rast me më pak se 120 vota. Parlamenti do të votojë edhe marrëveshjen për shkëmbimin e bonove (PSI) dhe rikapitalizimin e bankave.

Dëbora dhe akulli mbajnë të mbërthyer Europën me një numër në rritje të viktimave të të ftohtit. Janë të paktën 500 viktimat në total. Në Itali një valë e re të ftohti goditi qendrën dhe jugun. Njëzet mijë forca shpëtimi dhe 3000 mjete janë përdorur për tu përballur me emergjencat. Stuhi bore kanë goditur vendin në një shtrirje nga rajoni i Marche deri në Campania.