Arkiv-Lajme të përditësuara

Britania paralamëron një tjetër luftë të ftohtë me përmasa të paparashikueshme.

Greqia mbylli këtë javë linjën e interkonjeksionit me Shqipërinë. Shkak është bërë emergjenca energjitike në shtetin fqinj, cka ka bërë që autoritetet të marrin vendimin për ndalimin e importit dhe ekportit të energjisë. Kjo do të thotë se tashmë Shqipëria po importon vetëm nga dy linjat e tjera të interkonjeksionit në veri, kryesisht me Serbinë e Malin e Zi. 

Protesta me moton "Jemi të gjithë grekë" u zhvilluan në sheshet jashtë ambasadave dhe konsullatave greke, në 20 qytete në mbarë Evropën në shenjë solidariteti me popullin grek, i cili po provon masa më shtrënguese financiare në këmbim ndihmave nga BE dhe FMN. 

Qytetarë nga Parisi, Roma, Londra, Edinburgu madje edhe nga Berlini i janë përgjigjur thirrjes së lëvizjes mbarëevropiane “Ne jemi grekë” për të protestuar kundër masave antikrizë dhe problemeve akute të shoqërisë greke. 

Të paktën një francez në dy, ose 49 për qind sipas një sondazhi të institutit IFOP, mendon se Franca në muajt ose në vitet e ardhshme do të përjetojë një situatë të ngjashme me atë të Greqisë. 

Sondazhi, i publikuar në edicionin e fundit të së përditshmes “Sud-Ouest”, tregon se shumica e francezëve mendojnë se vendi i tyre do të falimentojë, njësoj si vendi helen. 

Sipas anketës, 17 për qind e të intervistuarve e konsiderojnë “të kryer” faktin se vendi do të përfundojë si Greqia, ndërsa 32 për qind e konsideron si “të mundshëm”. 

Pavarësisht se ka katër ditë që nuk ka reshje dëborë, 9 komuna në Qarkun e Shkodrës me rreth 30 mijë banorë, vazhdojë të jenë totalisht të izoluar nga pjesa tjetër e vendit. 

Banorët e këtyre komunave thonë se po përballen me mungesa të theksuara në ilaçe dhe ushqime. Zonat më problematike vazhdojë të mbeten në Komunat e Dukagjinit, të cilat siç raportohet nga kryetarët, nuk është dërguar ndihmë pavarësisht kërkesave të përsëritura nga banorët.

Kushtet ekstreme me të cilat përballen shumë zona në Shqipëri, veç dëmtimeve aktuale do të sjellin dhe vonesa në prodhimet bujqësore. Duke parë situatën dhe parashikimet për javët e ardhshme, drejtues në Ministrinë e Bujqësisë thonë se në zonat e ulta serat janë përfshirë nga temperatura të ulta për sezonin. 

"Në Ultësirën Perëndimore të vendit për shkak të rënies së temperaturave do kenë ndikim në prodhimin në sera. Prodhimi i këtij viti mund të jetë 7- 10 ditë më i vonë dhe do vijë më vonë se sa sezoni normal në vitet e kaluara"- tha zëvendësministri i Bujqësisë Ndoc Fasllia.

Gazeta gjermane "Der Spiegel":Falimentimi, zgjidhja e vetme për Greqinë

Në numrin e saj të fundit gazeta gjermane “Der Spiegel” shkruan se falimentimi është zgjidhja e vetme për Greqinë. “Eshtë koha për një rrëfim politik. Nuk mund të aplikohet më ideja se vendi mund të clirohet nga barra e borxhit me programe shtrënguese”, shkruan gazeta. 

Autori i shkrimit pretendon se paketa e masave dhe programi i ndihmës do të shtojnë problemet dhe do të dëmtojnë më shumë qytetarët grekë. 

Situata e rënduar e transportit hekurudhor ka bindur njërin prej donatorëve më të rëndësishëm për të ndihmuar qeverinë shqiptare për rikthimin e traditës për të udhëtuar me tren. 

BERZH është institucioni që ka pranuar të asistojë Ministrinë e Transportit për hartimin e dy studimeve, në mënyrë që të identifikohet më qartë forma sesi do të ndërhyhet, dhe më pas vënia në zbatim të opsionit për dhënien me koncesion. 

Zv/ministri i Transporteve, Ernest Noka, thotë për “Shqip”, se projekti është tepër i rëndësishëm për zhvillimin e transportit në vend.

Demonstrata në favor të Greqisë janë duke u përgatitur të zhvillohen nesër pas mesdite në shumë vende evropiane, në përgjigje të krizës ekonomike dhe problemeve akute të shkaktuara nga shoqëria greke. Demonstratat do të zhvillohen nesër në 18 shkurt, në ora 14:00 në cdo vend të Evropës. 

Me moton «Ne jemi të gjithë grekë» një lëvizje mbarevropiane përmes rrjeteve sociale i ka bërë thirrje publikut ndërkombëtar, në një mobilizim masiv të shtunën 18 shkurt 2012, për t’u solidarizuar dhe mbështetur popullin grek në këto momente të vështira, që po kalon ai. 

Franca dhe Britania e Madhe kanë nënshkruar nëj marrëveshje për të rritur bashkëpunimin në zhvillimin e energjisë bërthamore. Qeveria tha se marrëveshja përsërit përkushtimin britanik për energjinë nukleare si pjesë e një rruge tjetër për prodhimin e energjisë.