Arkiv-Lajme të përditësuara

Autoritetet kineze kanë dënuar një avokate të paralizuar dhe bashkëshortin e saj, sërish pasi ata ishin mbajtur për një vit në gjendje burgimi. 

Avokatja Ni Yulan është dënuar me dy vjet e 8 muaj burg, ndërsa bashkëshorti Dong Jiqin vetëm me dy vjet. Çifti është i njohur se u ka ofruar asistencë ligjore personave të cilëve qeveria u kishte sekuestruar shtëpitë. 

“Ata janë dënuar për një sërë akuzash si pjesëmarrje në trazira, shkaktim të trazirave dhe shkatërrim të pronës private e publike”, ka deklaruar zëdhënësi i gjykatës. 

Partia Demokracia e re e Antonis Samaras organizoi në Athinë një konferencën me temë, “Vorio Epiri, e shkuara, e tashmja, e ardhmja", ku merrnin pjesë përfaqësues të lartë të kësaj partie, deputetë, akademikë, ish konsulli grek në Korçë si dhe përfaqësues nga minoriteti grek në Shqipëri. 

Solistët e TKOB-së, nën dirigjimin orkestral të Zhani Cikos, do të interptetojnë nesër në skenën e këtij teatri, vepra të kompozuara nga autorë shqiptarë në shekullin e XIX-të, disa prej të cilave ekzekutohen për herë të parë. 
Pas kërkimesh në arkiva, Zhani Ciko ka përzgjedhur në koncertin “Pena e muziktarëve rilindas" vepra që prej vitit 1881 e deri në vitet 1940, të kompozuara nga Palok Kurti, Fan Noli, Lec Kurti, Martin Gjoka, Thoma Nasi, Murat Shehu, Mikel Koliqi, Prenk Jakova dhe Kristo Kono. 

Në një seancë dëgjimore në Komisionin Kuvendor të Shëndetësisë, shefi i pavionit të onkologjisë në QSUT, doktor Agim Sollaku dha alarmin e rritjes së numrit të pacientëve me 6 mijë raste çdo vit. 

Zoti Sollaku ka kërkuar vëmendjen e deputetëve për problemet që hasin specialistët në trajtimin e të sëmurëve me kancer, ku më kryesori janë mungesat e theksuara të barnave dhe mungesa e onkologëve në spitalet rajonale. 

Korea e Veriut duket e palëkundur për të provuar raketën e saj me rreze të gjatë veprimi pavarësisht paralajmërimeve të ndërkombëtarëve. 

Penjani deklaroi se raketa do të lëshohet këtë javë, por në bordin e saj do të vendoset vetëm një satelit për parashimin e motit, ndërkohë që Korea e Jugut dhe Shtetet e bashkuara te Amerikes deklarojnë se lëshimi i raketës është një test për raketat balistike, aktivitet ky i ndaluar nga sanksionet e OKB-së. 

Konsumatorët thonë se detyrohen të blejnë në këtë treg vetëm se cmimet janë të lira.  Kushtet higjeno-sanaitare vazhdojnë të lënë për të dëshiruar, pasi në këtë treg shiten jo vetëm produkte ushqimore, por dhe rroba të përdoruara.

"Në krahasim me Gjermaninë, më mirë këtu se sa atje për kushtet", thotë një blerës.

"Shumë pis është, që nga ushqimet e deri këtu. Çtë bëjmë, po qe pa punë do vish të marrësh dhe mbeturinën", tha një blerës. "Këtu janë çmimet një cik më të lira", thotë një tjetër.

Dy kandidatët kryesorë në zgjedhjet presidenciale franceze, presidenti Nicolas Sarkozy dhe Francois Hollande, janë përfshirë në një betejë të ashpër për votat e të rinjve. 

Për të bërë për vete votuesit nën 25 vjeç, secili prej kandidatëve ka përfshirë në axhendën e tij një reformë për mënyrën se si akordohen lejet e drejtimit për automjete, me autoshkollën që konsiderohet si tepër e ndërlikuar dhe e kushtueshme për t’u kaluar.

Qindra të vdekur brenda një jave: bilanci i viktimave në Siri është rënduar frikshëm, pikërisht në një kohë, kur vetem pak ore kane mbetur nga afati i dhene regjimit te Bashar al Assadit per te ndaluar luftimet. 

"Vdekje për shqiptarët”, është grafiti i ri antishqiptar që mbulon një sipërfaqe të madhe në periferi në Shkupit. 

Agjencia e lajmeve INA informon se grafitet e tilla janë vënë re edhe në lagjen Draçevë të Shkupit, në rrugën kryesore që lidh fshatrat e banuara me shqiptarë të zonës së Karshiakës, por edhe në lagje të tjere. Në mbishkrim shkruhet në maqedonisht: Vdekje shqiptarëve, ndërkohë që vërehen edhe kryqe, të cilat simbolizojnë fenë e krishterë. 

12 policë dhe dy qytetarë u plagosën në përleshjet e së djelës midis policisë serbe dhe të qytetarëve në Resnik, një qytezë afër Beogradit. Përleshja ndodhi gjatë protestës së qytetarëve të këtij vendbanimi kundër vendosjes së romëve në lagjen e tyre dhe kjo pikërisht në Ditën Ndërkombëtare të Romëve. Policia ka arrestuar 15 të dyshuar për shkaktimin e trazirave dhe plagosjen e policëve. Sipas sindikatës së policisë, policët janë sulmuar pa asnjë shkak nga banorët vendas si dhe nga tifozë të skuadrave C. Zvezda dhe Rad, të cilët kanë hedhur gurë e mjete të forta në drejtim të policëve.