Arkiv-Lajme të përditësuara

Presidenti francez, Nicolas Sarkozy i cili po bën fushatë për t'u rizgjedhur në postin e kreut të shtetit, ka thënë se reformat që ai ndërmori bënë që Franca të mos kishte të njëjtin fat si Spanja, ku papunësia po lulëzon e recesioni sa vjen e bëhet më i thellë. 

Në një intervistë për radion France Info, Sarkozi tha se reforma e tij të polemizuara  të sistemit të pensioneve dy vjet më parë dhe një ligj që ndalonte zëvendësimin e më shumë se 50 për qind të të punësuarve publikë në prag pensioni, kishte ndihmuar Francën të kontrollonte defiçitin e saj buxhetor. 

Industria e birrës kundërshton pr/ligjin peër akcizën. Me anë të një letre të hapur, drejtuar Komisionit të Ekonomisë përfaqësuesit e biznesit rendisin të gjithë argumentet pse ky ligj do të dëmtojë thelbësisht aktivitetin e tyre. 

Shoqatat tregojnë se ka më shumë se një muaj që kanë kërkuar një takim me ministrin e Financave Ridvan Bode, por ky i fundit ende nuk i është përgjigjur, duke e kthyer marrëdhënien me biznesin në një situatë fyese. 

Rreth 850 të papunë në 12 rajonet e Shqipërisë kanë aplikuar për t'u punësuar në Itali, në bazë të marrëveshjes, e cila sapo ka nisur të zbatohet, pas firmosjes mes dy qeverive tre vjet më parë. 

Procesi i aplikimit për punë në shtetin fqinj është mbyllur në datën 10 prill dhe sipas të dhënave të shërbimit kombëtar të punësimit, pjesa më e madhe e kërkesave i përket grupmoshës 30-40 vjeç.

Ministria greke e Financave ka vendosur të sekuestrojë pasuritë e patundshme apo depozitat bankare të personave që kanë detyrime të pashlyera ndaj shtetit dhe që shlyerjes së tyre iu ka skaduar afati. 

Ky vendim do të zbatohet kur shuma e detyrimit të pashlyer është mbi 300 euro. Sekuestro nuk parashikohet vetëm në rastet kur paga apo pensioni i debitorit janë nën në 1000 euro. 

Masa përfshihet në udhëzuesin analitik të ministrisë së financave, ku përshkruhen masat e vjeljes së detyrueshme të detyrimeve, si dhe të drejtat që kanë debitorët. 

Rrymat detare dhe mostrajtimi i mbetjeve urbane ne vend po shkaktojne situata emergjente mjedisore ne bregdetin e Adriatikut. 

Zona e Currilave dhe shetitorja bregdetare jane zgjuar, kete marte, nen pushtetin e plehrave. E njejte ka qene situata ditet e fundit edhe ne plazhin e madh te Durresit. Sasi te konsiderueshme mbetjesh urbane jane nxjerre nga rrymat detare ne breg, duke krijuar pirgje mbeturinash pergjate brigjeve te Adriatikut, pasoje e prurjeve te shumta te lumenjve gjate diteve me reshje. 

9 mijë ton patate të Kukësit rrezikojnë të flaken. Mungesa e tregut ka bërë të pamundur shitjen e të vetmes kulturë bujqësore të fermerëve të zonës. Fermeret e Shishtavecit kanë vendosur ti kërkojnë qeverisë subvencionimin e shpenzimeve që kanë bërë për kultivimin e patates, pasi sipas tyre, nëse nuk do të lejohej futja e kësaj kulture nga Kosova ata nuk do të falimentonin. Kreu i Komunës Shishtavec, thotë se patatja është i vetmi burim të ardhurash në këtë zonë.

Shoqata e Ndërtuesve të Shqipërisë ka deklaruar se sektori i ndërtimit po kalon momente të vështira si pasojë e krizës ekonomike, e cila ka përfshirë pothuajse të gjithë bizneset që operojnë në këtë fushë. 

Kreu i Shoqatës së Ndërtuesve, Luigj Aleksi u ndal kryesisht në dy drejtime, rënien e tregut të shitjes së banesave gjatë vitit 2011 dhe moslikuidimin e firmave të rrugëve nga bashkitë, të cilat sipas tij po çojnë drejt falimentimit shumë biznese në këtë sektor të rëndësishëm të ekonomisë.

25 familje rome në qytetin e Beratit rrezikojnë përmbytjen e banesave të tyre sa herë që bie shi. Mbushja e shtratit të lumit Osum me mbeturina urbane e nxjerr atë nga shtrati duke përmbytur gjithçka pranë brigjeve. Përvec rrezikut të vazhdueshëm të përmbytjes, mespërmes lagjes së tyre kalon një kanal i hapur i ujërave të zeza, çka është një burim i pashtershëm epidemie.

Ndryshimi i stilit të jetesës, por edhe ndotja ambjentale kanë çuar në rritjen e sëmundshëmrisë, veçanërisht të tumoreve. 

Sëmundjet tumorale përbëjnë dhe shkaktarët e dytë të vdekjeve në vend, pas sëmundjeve kardiovaskulare. "Çdo vit në Shqipëri regjistrohen 6 000 raste nga kanceri, duke shënuar një rritje prej të rasteve me 20 % vetëm vitin e fundit", tha Shefi i Shërbimit Onkologjik në Qendrën Spitalore Universitare “Nënë Tereza” në Tiranë, Agim Sallaku, në Komisionin Parlamentar të Shëndetësisë. 

Plazhet e Durrësit dhe të Currilave pushtohen nga pirgje me plehëra. Per shkak te rreshjeve te shumta të ditëve të fundit, prurjet e lumenjve  kane depozituar ne det sasira te medha mbetjesh urbane, te cilat jane perhapur ne nje gjatesi te madhe te bregdetit. Drejtori i ndërmarrjes komunale të plazhit ka bërë të ditur se janë pastruar rreth 200 ton mbetje kryesisht plastike.