Arkiv-Lajme të përditësuara

Gazeta greke “To Vima” e pas saj edhe shumë site të tjera greke, kanë botuar sot dëshminë tronditëse të një shqiptari, mbi torturat që ka provuar në policinë greke. 

Nën titullin titullin ”Abu Ghraib në policinë greke” gazeta ka sjellë rrëfimin e shqiptarit: “Më vunë një qese plehrash në trup, të mbushur me jashtëqitje. Më kërcënonin se do të më vrisnin dhe më rrihnin. Më qëllonin në njërën këmbë dhe më detyronin të ecja vetëm me tjetrën, e më rrihnin përsëri… “ 

Francois Hollande, që sipas sondazheve do të  fitojë  zgjedhjet presidenciale në Francë duke u bërë i pari lider i majte në Elize pas rreth 2 dekadash, bëri paraqitjen e tij të fundit të programuar në televizionin kombëtar. Hollande garon aktualisht kokë më kokë me presidentin francez Nikolas Sarkozi për raundin e parë të votimit më 22 prill. Sondazhet e fundit i kanë  dhënë atij 29 për qind të mbështetjes ndërsa Nicolas Sarkozy mbetet në nivelin e  24 për qind.

Ekspertë të trashëgimisë kulturore shprehen kundër kursit që po ndjek ministria e Kulturës për menaxhimin e monumenteve dhe siteve arkeologjike. 

Nga viti 2005 numri i të prekurve me kancer gjiri është dyfishuar në qytetin e Korcës. Vetëm në vitin 2011 u shënuan 32 raste të reja duke e renditur Korcën qytetin e tretë pas Tiranës dhe Shkodrës për numrin e grave të prekura nga kanceri i gjirit . Ky numër sipas specialistëve llogaritet të jetë shumë më i madh pasi një pjesë e pacienteve i drejtohen direkt pas konstatimit Tiranës ose trajtimit jashtë vendit. 

Kuba e cilësoi si një rebelim ndaj Shteteve të Bashkuara të Amerikës, samitin e vendeve të Amerikës, ku shtetet latine dhe ato të Amerikës Qëndore protestuan kundër mospjesëmarrjes së përfaqësuesve kubanezë. 

Në një deklaratë, Havana zyrtare akuzonte presidenti Barack Obama se kishte vendosur kundër vullnetit të shumicës dërrmuese, duke vendosur një “veto perandorake”, kundër heqjes së sanksioneve në fuqi prej disa dekadash kundër shtetit komunist.

Rezultatet e sondazhit më të fundit para zgjedhjeve të 6 majit, ravijëzojnë një parlament me 10 parti në Greqi. 

Nga sondazhi, që u krye për llogari të televizionit Alpha, rezulton se Demokracia e Re do t’i fitojë zgjedhjet me 22,3% të votave, duke siguruar 110 vende në parlament, e ndjekur nga PASOK-u me 17,8% dhe 48 vende. 

Shërbimi social shtetëror ka shkurtuar listën e familjeve që përfitojnë ndihmë ekonomike duke e cuar atë në 97 mijë e 341 familje nga 98.930 që ishte në fund të vitit 2011. 

Drejtori i këtij institucioni Mihal Naco tha se ky vendim u mor pas një kontrolli në mbarë zyrat rajonale të shërbimit social në periudhën janar-shkurt të këtij viti.

Mijëra emigrantë shqiptarë po largohen nga Greqia”, “Emigrantë në Greqi, biznesmenë në Shqipëri”, “500 mln euro dërguan emigrantët në Shqipëri”, apo “Kthehen në shtëpi për shkak të krizës”, këto janë disa nga titujt e shkrimeve që media greke i kushton situatës së emigrantëve shqiptarë në Greqi, në kushtet e krizës që po përjeton ky vend. 

Sindikatat e pavarura të arsimit kanë kundërshtime për dy nenet e projektligjit për arsimin parauniversitar, që lidhen me emërimet dhe shkarkimet e mësuesve në këtë sistem. 

Ato kanë kërkuar ndryshim të nenit 61, në të cilin thuhet se një mësues largohet nga puna kur rezultatet e tij janë të ulta në krahasim me kolegët e tjerë. 

Kryetari i Federatës së Arsimit, Xhaferr Dobrusha tha se, formulimi i nenit për shkarkimin e mësuesit nga drejtori, nëse klasa e tij nuk arrin rezultate të mira në mësime në raport me kolegët e tjerë, lë vend për abuzime. 

Masive të tëra dheu jane shembur në lagjen varosh të qytetit të Lezhës, duke rrezikuar të pakten 13 banesa. Fatmiresisht shembja nuk ka demtuar asnje shtepi, megjithatë mesohet se rreshqitjet e dheut arrijnë masen e 10 mije metra kub. 

Kreu i Inspektoriatit Ndertimor në Bashkine e Lezhës Bilal Maldi tha gjatë nje prononcimi për mediat se një situatë e tillë është fenomen natyror i favorizuar nga reshjet e rena ditet e fundit, por sipas tij ndikues për kete rreshqitje janë bere edhe hedhja e mbetjeve apo dherave nga firma ndertuese e rruges së kalase.