Arkiv-Lajme të përditësuara

Ka nisur në Shëngjin prishja e 200 ndërtimeve pa leje të identifikuara nga Inspektoriati Ndërtimor Urbanistik. 150 prej këtyre objekteve janë në bregdet ndërsa 50 të tjera në qytet, të cilat kanë bllokuar rrugët e kalimit për 40 familje. 
Edhe pse aksioni ishte i paralajmëruar, ka patur përplasje ndërmjet pronarëve të ndërtesve të shembura dhe forcave të ndërhyrjes së shpejtë.

Sipas kryetarit të komunës, ndërtimet ku ka ndërhyrë INUK kanë dëmtuar rëndë infrastrukturën e Shëngjinit.

18 kompani vendase dhe të huaja ofrojnë mundësi punësimi për të rinjtë. Gjatë panairit të punës, të organizuar nga Dhoma Amerikane e Tregtisë, një numër i madh të rinjsh kanë aplikuar për të gjetur një vend pune pranë kompanive të telefonisë, sistemit bankar, prodhimit të cigareve, etj. 

Këto shoqëri ofrojnë 100 vende pune për të rinjtë. Drejtuesit e Ministrisë së Punës e kanë vlerësuar të rëndësishëm për punësimin e të rinjve zhvillimin e këtij panairi, i cili është shndërruar në traditë, pasi organizohet cdo vit.

Ballkanweb.com

Pas Francës, edhe Turqia kërcënoi të enjten Sirinë me përdorimin e forcës, nëse një zgjidhje për krizën në vend nuk do të gjendet së shpejti. 

Ditën e mërkurë, Ministri i Jashtëm i Francës, Alain Juppe, tha për herë të parë se “forca ndërkombëtare është një opsion”, për të detyruar qeverinë e Bashar al-Assad që të tërhiqet nga masakrat që realizon ndaj civilëve.

 Fituesi i 4 medaljeve olimpike, Pirro Dhima përmes faqes së tij personale në Facebook, shpjegon arsyet që e bënë të pranojë propozimin e kryetarit të PASOK-ut për të kandiduar në zgjedhje. 

Ai iu përgjigj në këtë mënyrë edhe disa komenteve ironike, në rrjetet sociale menjëherë pas lajmit se ai kryeson listën e kandidatëve të PASOK. “Pirro hyri në politikë që të mbajë peshën e borxheve”, “Pirro shpreson të ngreje PASOK-un nga llumi ku është futur”, "Pesha e borxheve është e madhe edhe për Pirron", shkruajnë komentuesit në blogje të ndryshme. 

 Në qershor të këtij viti, Këshilli i Bashkimit Evropian do të miratojë zgjatjen e mandatit të Misionit Europian për Sundimin e Ligjit në Kosovë, EULEX. Në raportin e saj më të ri, organizata Amnesty International (AI) apelon që ky mandat të përfshijë masa specifike, të cilat sigurojnë se EULEX-i, si çështje me urgjencë, do të konsiderojë hetimin dhe ndjekjen penale të krimeve, përfshirë krimet e luftës dhe krimet kundër njerëzimit. 

Komunitetet fetare kërkojnë përfshirjen në shkollat publike të arsimit parauniversitar të një lëndë me njohuri për fenë. Përfaqësues të katër besimeve fetare në vend, parashtruan propozimet e tyre, në komisionin parlamentar të Edukimit, ku po shqyrtohet drafti ligjor për arsimin parauniversitar. Myslimanët kërkuan gjithashtu që të mos ndalohet me ligj shprehja e identitetit fetar  në shkollat publike. 

Eksportet janë reduktuar ndjeshëm gjatë vitit 2012, duke ndikuar në thellimin e deficitit tregtar. Ky fakt është pohuar nga guvernatori i Bankës së Shqipërisë, Ardian Fullani, gjatë prezantimit të politikës monetare për 3 mujorin e parë 2012.

Fullani tha se thellimi i deficitet tregtar ka ardhur si rezultat i efekteve të krizës së eurozonës në ekonominë shqiptare. 

Bashkimi Europian, vetëm gjatë gjashtë viteve të fundit ka dhënë 100 milionë euro, për mbështetjen e mjedisit në vendin tonë. 

Kreu i Bashkimit Europian në Tiranë, Ettore Sequi tha se vetem ne janar jane alokuar 4 milionë euro.