raporti

Covid-19 ka shumë mundësi të ketë rrjedhur nga laboratori kinez në Vuhan. Nënkomiteti i Përzgjedhur i Kongresit Amerikan për Pandeminë e Koronavirusit, ka dalë në një konkluzion të tillë në raportin prej 520 faqesh, i përgatitur pas një investigimi dyvjeçar.

Sipas ekspertëve, virusi zotëronte një karakteristikë biologjike që mungon në natyrë dhe të dhënat treguan se të gjitha rastet e Covid-19 buronin nga një hyrje e vetme te njerëzit, duke përforcuar teorinë e 'rrjedhjes laboratorike'.

Bashkimi Evropian duhet të hapë agjencinë e vet të inteligjencës. Ideja është hedhur nga ish-presidenti finlandez Sauli Niinistö.

Në mars, Niinistö - i cili ka qenë president i Finlandës për më shumë se një dekadë – u ngarkua nga presidentja e Komisionit Evropian, Ursula von der Leyen, me detyrën për të hartuar një raport të detajuar mbi gatishmërinë e bllokut për luftë dhe mbrojtje civile, së bashku me propozimet për përmirësim.

Irani ka bërë publike rezultatet e hetimit të aksidentit ajror që i mori jetën presidentit të vendit dhe shtatë personave të tjerë disa javë më parë.

Televizioni shtetëror iranian njoftoi sot se shkak për rrëzimin e helikopterit me të cilin udhëtonte presidenti Ibrahim Raisi janë bërë kushtet sfiduese klimatike dhe atmosferike.

Raporti përfundimtar në përfundim të hetimit është hartuar nga Bordi i Lartë i Shtabit të Përgjithshëm të Forcave të Armatosura.

Shtetet e Bashkuara janë gati 15 vjet pas Kinës në zhvillimin e energjisë bërthamore të teknologjisë së lartë. Kjo pasi qasja teknologjike e mbështetur nga shteti kinez dhe financimi i gjerë prej tij i japin përparësi.

Kina ka 27 reaktorë bërthamorë në ndërtim, me afate mesatare kohore të ndërtimit prej rreth shtatë vitesh, shumë më shpejt se vendet e tjera, thuhet në një studim të kryer nga Fondacioni i Teknologjisë së Informacionit dhe Inovacionit, një institut kërkimor jopartiak me bazë në Uashington.

Përgjatë dekadës së fundit kanë qenë me qindra tragjeditë që kanë përfshirë emigrantët në përpjekje për të arritur brigjet e Europës.

Agjencia e Emigracionit në Kombet e Bashkuara (IOM), përllogarit në raportin e fundit se që nga viti 2014 janë më shumë se 27 mijë njerëz të vdekur ose të zhdukur në ujërat pranë kontinentit të vjetër.

Më shumë se një miliard vakte ushqimore hidhen çdo ditë, ndërkohë që më shumë se 730 milionë njerëz jetojnë në kushtet e urisë në mbarë botën.

Rreth një e pesta e ushqimit shpërdorohet, shpesh për shkak të mbingopjes ose të planifikimit të dobët, ndonjëherë nga mungesa e kushteve të ruajtjes.

Këto janë disa nga rezultatet e një raporti të OKB-së për mbetjet ushqimore, të cilat në total arrijnë një kosto prej rreth 1 trilion dollarë në vit.

Prodhuesit e lëndës së djegshme në botë po planifikojnë zgjerime që do të dyfishojnë buxhetin e karbonit në rang botëror. Gjetjet e një raporti të OKB-së, ekspertët i quajtën "çmenduri" që mund të vënë “në pikëpyetje të ardhmen e njerëzimit".

Dhjetë vjet pasi nisi luftën kundër ndotjes, Kina po sheh rezultatet e para. Nëse dhjetë vjet më parë, kryeqyteti kinez shihej i mbuluar nga një re e dendur smogu, sot situata është përmirësuar.

Nivelet e ndotjes së ajrit në Kinë kanë rënë me 42% në periudhën 2013-2021. Në raport i publikuar së fundmi tregon se “lufta kundër ndotjes”, për të cilën Kina ka investuar miliarda dollarë, ka rezultuar e suksesshme. Ndërkohë, në vendet fqinje të rajonit, gjendja po përkeqësohet.

Komisioni Europian ka publikuar raportin vjetor të parashikimit përmes të cilit zbulon edhe rreziqet ndaj të cilit ekspozohet. Mediat kanë vënë në dukje faktin se BE-ja ka sjellë në vëmendje gjeopolitikën e re globale, brenda së cilës definohet edhe roli i saj. Bota sot ndahet mes Perëndimit nga njëra anë dhe Kinës nga tjetra, në garën për të tubuar rreth vetes vender në zhvillim. 

Nga ana tjetër, BE-ja ka pranuar se aktualisht modeli perëndimor i demokracisë liberale është sfiduar ndjeshëm. 

Krahas kokainës, një treg i lulëzuar në mbarë botën, edhe metamfetamina po zgjeron hartën e përdoruesve. Krahas tregjeve të konsoliduara, për metamfetaminën po krijohen zona të reja interesi, ndërsa Afganistani është shtuar në listën e vendeve prodhuese.

Sipas raportit të fundit të OKB-së, numri i njerëzve që marrin drogë është rritur me 23% gjatë dekadës së fundit. Në vitin 2021, viti i fundit për të cilin ka të dhëna, rezultonin përdorues të drogës plot 296 milionë njerëz, ndërsa në vitin 2011 ishin 240 milionë përdorues.