terrorizmi

Thomas Piketty gjurmon një shprehje të re të pasojave që mund të sjellë pabarazia në të ardhura. Një shkrim i tij në francezen “Le Monde” është rimarrë në vështrim nga “Washington Post”, që cilëson se argumentet e ekonomistit francez janë kontroversale. Sipas tij, pabarazia në Lindjen e Mesme është faktori kryesor pas terrorizmit, përfshirë këtu sulmet e ISIS në Paris.

Pamjet e mëposhtme paraqesin vrasjen e Tahir Elçi, shef i shoqatës së avokatëve në Diyarbakir, në jug-lindje të Turqisë, një zonë me shumicë kurde. Reagimi i drejtuesve të Turqisë, Prësidentit Erdogan dhe kryeministrit Davutoglu, ishte i menjëhershëm: “Shënjestra ishte Turqia”, tha Davutoglu. Elçi u qëllua pasi mbaroi një deklaratë për shtyp pasi një plumb e kapi atë pas koke. Ai kishte bërë disa komente kundër PKK-së, Partia e Punëtorëve të Kurdistanit, por ende nuk ka një version se kush qëndron pas atentatit.

Shteti Islamik ka meritën se i ka dhënë Tiranës një rëndësi që me gjasë as do ta merrte për shekuj me radhë. Tv Klan raporton sot se kryeqyteti rrëzë malit të Dajtit është i rrezikuar nga sulmet terroriste të sponsorizuara dhe organizuara nga ISIS, po aq sa edhe Moska e Rusisë. Tv Klan raporton se ky vlerësim ka ardhur nga raporte të shërbimeve sekrete të huaja dhe që i janë përcjellë Shërbimit Informativ Shtetëror.

Pas sulmeve të Parisit, Europa ndodhet në udhëkryqin e vendimmarrjes për reagimin që duhet të ndjekë dhe strategjitë që duhet të adoptojë. Ndërkohë që Franca është angazhuar në një fushatë ushtarake, në Bashkimin Europian, ka mbërritur një propozim që mund të vlejë për harmonizimin e përpjekjeve kundër terrorizmit dhe në rritjen e sigurisë. Komisioneri për Migrimin, Çështjet e Brendshme dhe Qytetarinë, Dimitris Avramopoulos, ka propozuar në takimin e ministrave të Brendshëm të BE-së në Bruksel, krijimin e një shërbimi sekret europian.

Presidenti sirian Bashar Al Assad nuk zhgënjen asnjëgerë kur është puna për t’i thënë gjërat direkt, siç i mendon, në media. Kësaj radhe, gjatë një interviste për francezen “Valeurs Actuelles”, Assad e cilëson aleatin dhe mbështetësin e vet, presidentin rus, Vladimir Putin, si të vetmin që me të vërtetë po mbron sot kristianizmin. “Kur shoh sesi janë punë aktualisht në botë, kuptoj se Vladimir Putin është i vetmi mbrojtës i qytetërimit krisitan që dikush mund të mbështetet”, tha Assad.

“Për të luftuar terrorizmin, të gjitha shtetet duhet të kontribuojnë!”… Jo… Jo. Sepse sot me mënyrën se si drejtohen shumica e shteteve është utopi të presësh një kontribut të tillë. Terrorizmi gjen hapësira të blerta të kullosë kur ai luftohet nga shtetet që kanë një regjim të ngjashëm me vetë atë dhe, në kësi rastesh, humbjen më të madhe e pësojnë të pafajshmit.

Aktet e fundit terroriste në Paris për Papa Françeskun janë momente nga Lufta e Tretë Botërore në të cilën është futur njerëzimi.
"Ishte një veprim Çnjerëzor, nuk ka asnjë justifikim. Nuk mund ta konceptoj atë që ka ndodhur, e kam të vështirë të konceptoj që veprime të tilla mund të bëhen nga njerëzit"-deklaroi Papa për një televizion italian. "Është një nga momentet e luftës së III Botërore" ka shtuar ai teksa u është drejtuar mediave.

Hidhërim të thellë dhe shok në mbarë botën kanë shkaktuar aktet terroriste në Paris ku në 6 sulme mbetën të vdekur 153 persona.
Bilanc tragjik i një kasaphane që duket se ka si autor Shtetin Islamik që përmes një postimi kanë kanë marrë përsipër përgjegjësinë e sulmeve. është hera e parë që perëndimi goditet nga sulme kamikaze që tronditën jo vetëm Francën.

Qeveria shqiptare ka marrë më datën 21 tetor të këtij viti një vendim ndryshues i vendimit në fuqi për listën e personave apo organizatave që janë financues të terrorizmit. Lista, siç thuhet në vendim, azhurnohet në përputhje me listat e konsoliduara të OKB-së dhe në emrat e shtuar figuron si person “anëtar, ose bashkëpunëtor me organizatën Al-Qaida” edhe Lavdrim Muhaxheri. Kosovari që është bërë i njohur ka hyrë më lista të tilla që në tetor 2014, por në këtë vit raportohet se është ndarë zyrtarisht edhe Shteti Islamik me organizatën Al – Qaida.

Rusia ka vendosur të informojë edhe publikun shqiptar për arsyet dhe ecurinë e operacioneve ushtarake në Siri. Përveë lajmërimit në murin e ambasadës, sot ambasadori rus në Tiranë, Alexander Karpushin, i ka dhënë një intervistë "Top-Channel", ku ka theksuar se operacionet janë në përputhje me parimet e të drejtave ndërkombëtare. Më poshtë materiali ashtu siç përcillet nga TCH: