terrorizmi

Në Francë është rikthyer frika e sulmeve terroriste. Ministri i Brendshëm, Gerald Darmanin, thotë se kërcënimi terrorist në Francë është "shumë i lartë" dhe për këtë do të shtohet prania e trupave policore në vendet fetare. Në një intervistë në France-Inter Radio, Darmanin tha se operacionet e sigurisë do të rriten në vendet ku grumbullohen besimtarë, ndërsa shtoi se duhet trajtuar "islamizmin e shfrenuar që po armatos njerëzit në mënyrë ideologjike".

Shqipëria nuk ka dorëzuar pranë autoriteteve turke asnjë person që sipas Ankarasë zyrtare është anëtar i organizatës FETO, të themeluar nga filantropi Fetullah Gulen. ResPublica iu drejtua Ministrisë së Jashtme dhe për Evropën me disa pyetje për këtë çështje duke qenë se që nga njoftimi zyrtar i dorëzimit të listës nga autoritetet turke, nuk ka patur ndonjë deklarim për ekstradim personi.

Një vitë e gjysmë pas festës së Sulltan Novruzit, Drejtori i Policisë së Shtetit, Ardi Veliu bëri publike një organigramë personazhesh që sipas tij kishte për qëllim të prishte festën e ashures në mars 2018 në Shqipëri.

Ministri i Jashtëm rus, Sergey Lavrov ka dhënë në datën 29 qershor një intervistë për Channel 4 në Rusi. Tema e intervistës është ajo që Lavrov e përkufizon si Rendi i ri Botëror Post-Perëndimor. Një tezë e njohur që propagandohet prej tij, por që së fundmi po merr kuptim me realitetet e reja shpërbëresë në BE dhe në NATO. Të dyja organizata të Perëndimit janë në krizë të thellë, për to madje flitet edhe për shpërbërje.

Këshilltari për Sigurinë i kryeministrit Edi Rama, ka deklaruar gjatë një interviste për TemaTv se lajmi për krijimin e një kampi për luftëtar të ISIS që janë kthyer nga Siria është i rremë dhe është përhapur nga përfaqësues të Lëvizjes Socialiste për Integrim.

Bashkimi Europian nuk do të pranojë kërkesën turke për ekstradimin e pjesëtarëve të organizatës FETÖ nëse Turqia nuk paraqet prova thelbësore. Kjo është bërë e qartë nga Koordinatori i BE-së për Terrorizmin, Gilles de Kerchove i cili viziton Ankaraë. 

Mediat greke raportojnë se administrata e burgut të Korydalos në Greqi ka miratuar kërkesën për dy ditë leje për Dimitris Koufontinas, një nga figurat kyçe të grupit të majtë terrorist, “17 nëntori”.  Vendimi ka provokuar reagime të mëdha politike, për shkak se grupi në fjalë ka organizuar vrajse politikanësh, atashesh, biznesmenësh që nga themelimi i vet. Ai e mbante Greqinë prej kohësh në listën e vendeve me burim terrorizmi politik, ndërkohë që për vite të tëra autoritet nuk mundnin të arrestonin celulën vepruese.

Kërcënimi terrorist i brendshëm në Shtetet e Bashkuara të Amerikës barazohet me atë të përfaqësuar nga Shteti Islamik. Drejtori i Byrosë Federale të Hetimit, Chris Wray deklaroi para Senatit se numri i çështjeve nën hetim që tratojnë akte të terrorizmit të aktorëvë të brendshëm në SHBA arrin në 1000. Po kaq është sipas tij edhe numri i çështjeve që lidhen me Shtetin Islamik. Ndërkohë sipas kreut të FBI-së, vetëm vitin e fundit në SHBA janë arrestuar 176 persona të akuzuar për akte terrori motivuar nga synime të brendshme politike.

Dhjetëra liderë fetarë kanë nisur një tur europian në përkujtim të atentateve terroriste në Francë, Belgjikë, Britani e Madhe. Turi synon të japë një mesazh kundër sulmeve dhe të denoncojë. Nisma u mor nga disa imamë, teologë të Islamit nga Franca, Belgjika, Britania e Madhe dhe Tunizia, të cilëve iu bashkuan edhe përfaqësues të komuniteteve të tjera fetare. Turi  përfshin Berlinin,  ku organizatorët do të takohen me kancelaren Angela Merkel, Brukselin, Nisën dhe kthimi në Paris, më 14 korrik,  që përkon me 1 vjetorin e sulmeve në Nisë.

Në samitin e fundit të BE-së në Bruksel, mbajtur më 22 qershor, është miratuar në parim thyerja e kodimit të komunikimeve elektronike përmes shërbimeve si Whatsapp. Kjo në emër të luftës kundër terrorizmit që po imponon rregulla dhe reduktim të hapësirës së lirisë së qytetarëve. Sipas drejtuesve të shteteve anëtare ky privilegj që u lejon terroristëve të komunikojnë nën perden e enkriptimit dhe privatësisë duhet të adresohet, pasi po ekspozon vendet ndaj goditjeve terroriste.