terrorizmi

Sulmet terroriste u rritën në vendet e BE-së gjatë vitit 2022, krahasuar me një vit më parë. Raporti i fundit i Europolit flet për 28 sulme të planifikuara, 16 prej të cilave janë realizuar.

Më 31 korrik 2022, një sulm me dron i SHBA-së vrau liderin e Al Kaedës, Ayman al-Zawahiri, në një bujtinë talebanësh në Kabul. Një vit më vonë, Al Kaeda ende nuk e ka shpallur pasardhësin e Zawahirit.

Parlamenti francez ka miratur një vendim përmes të cilit e konsideron grupin "Wagner" si entiet terrorist. Votimi ka marrë unanimitet të plotë, nga 331 të pranishëm të gjithë kanë votuar Pro. Rezoluta e parlamentit francez nuk ka karakter detyrues, por i bën thirrje BE-së të listojë grupin në fjalë si pjesë të grupeve terroriste.

Po kështu, media të ndryshme, raportojnë se në rrugën e këtij vendimi është edhe Britania e Madhe, një qasje kjo politike që paralajmëron konfrontim global, për shkak se grupi në fjalë operon në disa vende të botës.

Google është duke zhvilluar një instrument për moderim të lirë kundër përmbajtjeve me karakter terrorist për faqe të vogla uebi.

Kjo është një përgjigje ndaj legjislacionit të ri në Mbretërinë e Bashkuar dhe BE që detyron kompanitë e mëdha të teknologjisë të bëjnë më shumë në gjurmimin e terrorizmit.

Kremlini ka përshëndetur së fundmi qëndrimin e presidentit amerikan Joe Biden, i cili ka deklaruar se është kundër deklarimit të Rusisë si vend sponsorizues i terrorizmit. 

Zëdhënësi Dmitry Peskov deklaroi se kjo është një gjë pozitive, pasi sipas tij, “vetë formulimi i një çështjeje të tillë është monstruoze”. 

Peskov po ashtu ka bërë një lidhje mes deklarimeve të Biden dhe misionit ndërkombëtar në Zaporozhie, impiantin bërthamor që ndodhet në Ukrainë. 

Parlamenti letonez ka miratuar një rezolutë përmes së cilës e ka shpallur Rusinë si shtet që sponsorizon terrorizmin. Sipas dokumentit të miratuar në datën 11 gusht, parlamenti i cilëson aktet e ushtrisë ruse në Ukrainë si terrorizëm, ndërkohë që ka bërë thirrje për të gjitha vendet e BE-së që të ndalojnë lëshimin e vizave turistike për shtetasit rusë dhe bjellorusë.

Arabia Saudite ekzekutoi brenda një dite të vetme 81 persona të dënuar me vdekje për krime të lidhura me “terrorizmin”. Numri e tejkalon atë të të gjitha dënimeve me vdekje të ekzekutuara në mbretëri vitin e kaluar, raporton Le Monde.

Tërheqja e Shteteve të Bashkuara nga Afganistani mund t'i shtojë gjasat për sulme terroriste brenda Shteteve të Bashkuara dhe jashtë saj, thuhet në një raport të inteligjencës, i shpërndarë të premten në qeveri dhe agjencitë e zbatimit të ligjit.

Administrata Trump ka ripërkufizuar Kubën si një vend që financon terrorizmin. Vendimi është njoftuar nga sekretari i Shtetit, Mike Pompeo duke arsyetuar se Kuba strehon persona të kërkuar nga SHBA si dhe mbështet kreun venezuelian, Nicolas Maduro.

Vendimi zhbën një akt të adminstratës Obama që mendonte të përmirësonte marrëdhëniet me fqinjin e vështirë jugor.

Atentati i Vjenës ka nxjerrë në pah se një ndër autorët është shqiptar me origjinë. Ky është një fakt që ka vënë në siklet elitën politike-mediatike në Tiranë e më gjerë, që nuk dihet për cilën arsye kanë rendur të sqarojnë një pozicion të shqiptarëve në raport me këtë situatë.