Shqiperia

Ish-kryeministri i Italisë, Romano Prodi, ka komentuar zhvillimet politike rajonale duke u shprehur se për Shqipërinë nuk sheh një të ardhme joeuropiane.

Përmes një interviste të datës 19 dhjetor për "Osservatorio Balcani e Caucaso", Prodi, ka pranuar se ndikimi i Turqisë në Shqipërisë është shumë i madh, por se deklaratat e kryeministrit aktual, Edi Rama, nuk janë diçka e re, sa kohë nuk pasohen nga veprime konkrete.

Rrjeti i hotelerisë “Sheraton” do të largohet nga Shqipëria. Kjo njoftohet nga Shoqata Shqiptare e Turoperatorëve & Agjencive Turistike (ATOA) që shton se Sheraton ikën që më 1janar 2018.

Ballkani po kalon një klimë pozitive dhe kjo po konstatohet gjerësisht jo vetëm nga shtypi, por edhe nga qaqet politike që ndjekin zhvillimet. Udhëheqja politike në trekëndëshin, Shqipëri, Greqi, Maqedoni po investohet për të zgjidhur mosmarrëveshjet në një garë me kohën siç thotë gazeta “Rizospastis”, organ i së majtës ekstreme në Greqi, ose thënë ndryshe zëdhënëse e qëndrimeve të Partisë Komuniste.

Revista “Monitor” sjell sot një shkrim të shkurtër mbi turizmin shqiptar. Apo më mirë mbi vlerësimet e të huajve, në këtë rast – Tripadvisor- për turizmin në Shqipëri. Nga vlerësimi në fjalë, rezulton se Butrinti është stacioni më i preferuar i Shqiëprisë nga turistët e huaj. Një rekord që qyteti antik në fjalë e mban prej dekadash.

http://www.monitor.al/tripadvisor-butrinti-mbreti-destinacioneve-per-tur...

Dy ditë pas vendimit të Shqipërisë kundër nismës së ShBA për njohjen e Jeruzalemit si kryeqytet të Izraelit, qeveria shqiptare ka bërë një kthesë korrigjuese. E vënë përballë një presioni mediatik dhe institucional se me këtë qëndrim ka konsumuar një akt politik antiamerikan, Tirana zyrtare ka njoftuar se do të shtojë me 60% prezencën ushtarake në misionet e NATO-s në Afganistan, ministrja e Mbrojtjes Olta Xhaçka e ka bërë të ditur këtë gjë me rastin e pritjes së kontigjentit të ushtarakëve shqiptarë që shërbejnë në Afganistan.

Zhurma e krijuar me votimin e Shqipërisë në OKB duket se po fryhet politikisht më shumë nga pesha reale e këtij qëndrimi për marrëdhëniet shqiptaro-amerikane.

Ndonëse qeveria shqiptare nuk ka qenë bindëse në argumentimin që i ka bërë votës së saj, ajo thotë se ka informuar për qëndrimin që do të mbante ndaj rezolutës për Jeruzalemin të gjitha institucionet që kanë kërkuar të kenë dijeni për këtë proces.

Paraditen e së enjtes diplomacia amerikane mori një “shuplakë” jo të lehtë nga Asambleja e Përgjithshme e Kombeve të Bashkuara, e mbledhur kjo e fundit urgjentisht pas kërkesës së iniciuar nga Turqia dhe Jemeni. Projekt-rezoluta me numër A/ES-10/L.22 u mbështet procedurialisht mbi Rezolutën 377A të vitit 1950 – e njohur ndryshe me emrin “Të bashkuar për paqe” (United for Peace) – pasi delegacioni amerikan vendosi veton në Këshillin e Sigurimit dy ditë më parë.

Shqipëria ka votuar pro projekt-rezolutës së paraqitur në Asamblenë e Përgjithshme të OKB-së që rikonfirmon vullnetin e shumicës së vendeve anëtare se Jeruzalemi nuk është kryeqytet i Izraelit. ShBA i vuri veto draftit në Këshillin e Sigurimit dhe në këtë kuadër edhe Shqipëria i është bashkuar shumicës.

Vendimi i fundit i qeverisë shqiptare për varrezat e ushtarëve grekë në Shqipëri, parë qoftë edhe në dritën e ligjit në fuqi dëshmon se negociatat mes dy vendeve po shoqërohen me lëshime reale. Madje të tepruara. 

Abrogimi i ligjit të luftës, siç njoftoi ministri i Jashtëm, grek, Kotzias, duhet pranuar se është arritje për Shqipërinë, të paktën në kuptim të interpretimit të deritanishëm të Tiranës zyrtare. 

Sot ministri i Jashtëm dhe për Evropën, Ditmir Bushati, ka dhënë një prononcim për televizionin e tij të preferuar – Top-Channel – përmes të cilës ka “sqaruar” me pak fjalë se çfarë është arritur në takimin e Kretës. Bushati është përqendruar në cështjen e ligjit të luftës, të varrezave për ushtarët e rënë grekë gjatë LIIB dhe për marrëveshjen e detit.

Ministri Bushati, në vijim të kapacitetit të tij mediatik për të mos qenë asnjëherë lajm, ka sqaruar hapat procedurialë, por pa patur kurajon të zbulojë diçka më shumë se kaq për publikun shqiptar.