Java mbyllet me pro-amerikanizëm. Qeveria shton me 60% prezencën ushtarake në Afganistan

Dy ditë pas vendimit të Shqipërisë kundër nismës së ShBA për njohjen e Jeruzalemit si kryeqytet të Izraelit, qeveria shqiptare ka bërë një kthesë korrigjuese. E vënë përballë një presioni mediatik dhe institucional se me këtë qëndrim ka konsumuar një akt politik antiamerikan, Tirana zyrtare ka njoftuar se do të shtojë me 60% prezencën ushtarake në misionet e NATO-s në Afganistan, ministrja e Mbrojtjes Olta Xhaçka e ka bërë të ditur këtë gjë me rastin e pritjes së kontigjentit të ushtarakëve shqiptarë që shërbejnë në Afganistan.