rama

Diskutim mes socialistësh dhe rilindësish, dje në mbledhjen e Grupit Parlamentar, pas ikjes së ambasadorëve, Lu dhe Vlahutin.

DEBATI

Dy ambasadorët aktivë në Tiranë, ai i Shteteve të Bashkuara të Amerikës, Donald Lu dhe Romana Vlahutin e Bashkimit Europian, kanë marrë pjesë sot në mbledhjen e Grupit Parlamentar të Partisë Socialiste. “Jemi në një udhëkryq të pazakonshëm”, tha Donald Lu, ndërkohë që Vlahutin, e cilësoi prezencën e tyre në mbledhje si pjesë të dialogut dhe jo shkelje të sovranitetit. Nga ana e vet, kryeministri Edi Rama, ka synuar ta arsyetojë si të dobishëm prezencën e ambasadorëve në mbledhjen e Grupit Parlamentar të PS-së, duke shtuar madje se reforma në drejtësi është interes edhe i BE-së.

Edhe qeveria shqiptare festoi sot Ditën e Europës me një aktivitet në sheshin Nënë Tereza dhe një fjalim të kryeministrit Rama. Kreu i qeverisë e lidhi 9 Majin me reformën në drejtësi, miratimi i së cilës sipas tij do të çelë dyert e Europës për shqiptarët. Nisur nga debati për nenin 25 të draftit të ekspertëve të huaj për përjashtimin e ish-ministrave nga hetimi për korrupsion, Rama ripërsëriti se turbullira që u krijua erdhi si pasojë e një lapsusi të ndërkombëtareve dhe se të dyja palët janë në fazën e një ekuilibri linear që në gjuhën mekanike njihet si konvergjencë.

Kryeministri i Shqipërisë, Edi Rama, prej disa ditësh tashmë,  ka nisur një fushatë të vetën në profilin në Facebook, për punësimin. Me disa video promocionale, kryeministri sjell shembuj të njerezve që kanë gjetur punë përmes Zyrave të Punës, duke sugjeruar se në të gjithë vendin ka 31 mijë vende pune. Bashkë me logon “Punë ka, kërkohen profesionistë”, kjo minifushatë synon të sqarojë dhe të ulë peshën negative të perceptimit se në Shqipëri nuk ka fare punë.

Ka një analogji që i bën të ngjashëm Behgjet Pacollin me Donald Trump kur flitet për binomin biznes dhe politikë. Lideri i AKR-së dhe ish-presidenti i Kosovës, Behgjet Pacolli, ka folur për njohjen e tij me kandidatin republikan për president të Shteteve të Bashkuara të Amerikës, Donald Trump. Përkundër miqësisë me Trumpin, ai ka thënë se përkrah demokraten Hillary Clinton në një përballje të mundshme me të në zgjedhjet presidenciale në Shtetet e Bashkuara në muajin nëntor. Megjithatë shqiptarët do ta respektojnë edhe Trumpin, nëse ai bëhet president i SHBA’së, ka thënë Pacolli.

Zgjedhjet në universitete ishin një shans i mirë për ta lehtësuar reformën duke i hequr asaj një nga pengesat, drejtuesit e tetë viteve të fundit, veçanërisht ata në Universitetin e Tiranës. Ky moment, bashkë me “të drejtën” e qeverisë për të përcaktuar rregullat e lojës zgjedhore, kishte rëndësi për tri arsye:

Sali Berisha, ish-kryeministër i vendit ka vijuar edhe sot akuzat e rënda ndaj një prej oficerëve kryesorë të Policisë së Shtetit, Ardian Çipa. Në një intervistë për emisionin “Fakt”, në “syri.net”, Berisha e ka cilësuar Çipën si “një ushtar i Emiljano Shullazit”. Kjo një ditë pas një statusi që Berisha hodhi në Facebook ku akuzonte sërish Çipën. Nuk ka një deklaratë as reagim nga Policia e cila e gjen veten në pozicionin kur një nga drejtuesit e saj akuzohet direkt.

Ministri i Jashtëm i Shqipërisë, Ditmir Bushati, ka zhvilluar një vizitë në Gjermani ku ka takuar homologun Steinmeier. Lidhur me vizitën dhe axhendën, Bushati ka folur në një intervistë për “Deutsche Welle” ku përcjell qëndrimet dhe komentet e veta. Ai është pyetur për situatën në Maqedoni, “ku Shqipëria ka interesa legjitime”, e cila sipas ministrit shqiptar po ndiqet me vëmendje. Po kështu, Bushati ka deklaruar se për çdo iniciativë kundrejt Maqedonisë , Shqipëria do të sinkronizohet me Berlinin, një qasje për të cilën nuk ka shpjegime.

Politikës nuk i mungon solidariteti dhe protagonizmi kur bëhet fjalë për festa fetare, madje duke i njohur vetes atrubutin e ruajtjes dhe promovimit të tolerancës mes besimeve. Në funksion të këtij protagonizmi, kryeministri mori me vete në Paris katër klerikë për t'i treguar botës që është politika ajo që udhëheq kohezionin mes feve në Shqipëri.

Teksa rreth projektit për ndërtimin e stadiumit të ri kombëtar po ngrihen hije të mëdha dyshimi që lidhen me ndërtimin e kullës së biznesit dhe kontratën me kompaninë AlbStar, kryeministri lavdëron veten për çka ka bërë në mbrojtjen e trashëgimisë kulturore dhe sportit. “Sot është Dita e Trashëgimisë Kulturore dhe Sportit, e cila na gjen kryelartë për gjithçka kemi bërë e po bëjmë, për të mbrojtur trashëgiminë dhe mbështetur sportin, duke investuar në këto dy drejtime ne 30 muaj, më shumë energji e fonde se sa në njëzet e kusur vite të marra së bashku!