pergjimi

Prokuroria e Tiranës ka administruar në dosjen e saj disa dëshmi, që duket se tregojnë faktin se pajisja “Imsi Catcher”, e cila ka hyrë “pa doganë” në vendin tonë, më 12 mars 2016, gjurmonte telefonat celularë.

Bazuar në dëshmitë te oficerëve të policisë F.A. dhe O.D. të cilët  kanë pohuar se kanë kryer ushtrime praktike me pajisjen “Imsi Catcher”, duke përdorur numrat e tyre celularë, dilet në përfundimin se paisja ka qenë e aftë të gjurmonte apo kryente përgjime.

Reforma në drejtësi i heq shumë kompetenca thelbësore për hetimin, Prokurorisë së Përgjithshme. Me ndryshimet që pritet të materializohen në ligjet përkatëse, Byroja Kombëtare e Hetimit dhe Struktura e Posaçme Antikorrupsion, fitojnë të drejta esenciale në përgjimin dhe vëzhgimin e subjekteve që dyshohen për veprat e korrupsionit.

Sot paradite u bë e njohur se kryeministri i vendit Edi Rama ka kryer një vizitë në zyrën e aleatit të tij, Ilir Meta. Zyrtarisht shtë raportuar se është diskutuar për reformën, ndonëse mes dy parnerëve në koalicion nuk ka mbetur më çfarë të diskutohet për këtë çështje, pasi PS-ja dhe LSI-ja kanë rënë dakord për draftin. Çfarë është negociuar apo diskutuar mes të dyve? Kjo mbetet e panjohur.

Ndërkohë që vijon hetimi për pajisjen përgjuese që supozohet se ka qarkulluar jashtë rregullave dhe ligjit në Shqipëri, televizioni “Klan” raporton se nga dëshmitë e oficerëve të Policisë së Shtetit zbulohet se ka edhe një pajisje të dytë. Lajmi përcillet me burime dhe asgjë nuk është zyrtare, por sipas këtij raportimi, pajisja është parë pasi ndodhi ngjarja e farmacisë në posedim të bababit të ministrit të Brendshëm, Sajmir Tahiri.

Arrest shtëpie për dy punonjësit e policisë së shtetit, Artion Duka dhe Entiol Xhelilaj. Kjo masë sigurie është rikonfirmuar nga Gjykata e Tiranës për dy oficerë policie që akuzohen se kanë kryer veprime të paligjshme me pajisjen përgjuese dhe kanë patur kontakt me këtë aparaturë.
Javën që vjen pritet që të shqyrtohet në Apel masa e sigurisë për për ish-drejtorin e Policisë, Haki Çako. Politika ka reaguar duke e cilësuar kriminale vendimin e gjykatës. Mbetet për t’u parë se cili do të jetë reagimi nëse masa e sigurisë për Çakon do të konfirmohet.

PS: Korrigjuar

Partia Demokratike ka shpërndarë sot fjalën që mbajti sot në Parlament deputeti Flamur Noka, njëkohësisht nënkryetar i Komisionit të Sigurisë Kombëtare. Duke e parë si një qëndrim zyrtar të PD-së në një seancë ku mungonte ish-kryeministri Sali Berisha, po sjellim këtu pikën kryesore të fjalës së tij që ishte ajo e akuzës për implikim të ministrit të Brendshëm, Sajmir Tahiri, në çështjen e përgjimeve.

Sot u raportiua se kreu i Shërbimit Informativ Shtetëror, Visho Ajazi Lika është takuar me Prokurorin e Përgjithshëm, Adriatik Llalla. Në takim kanë qenë të pranishëm edhe Prokurori i Krimeve të Rënda, Besim Hajdarmataj dhe ai i Tiranës, Petrit Fusha. “Vizion Plus” referon burime nga organi i akuzës sipas të cilave, “kreu i SHISH i dorëzoi një raport të imtësishëm Llalles, për informacionet e mbledhura në terren dhe lëvizjet e automjetit në të cilin mbahej pajisja përgjuese “IMSI Catcher”.

Ministri i Brendshëm Sajmir Tahiri ka kohë që nuk ka çehre të mirë në fytyrë. Dy ditët e fundit e kanë vënë atë para faktit të shkarkimit të arrestimit të dy vartësve, shkarkimit të drejtorit të Policisë, Haki Çako, që pranoi përgjimin në prokurori. Zhvillime që janë tjerrur edhe nga politika me gjithfarë spekullimesh: ish-kryeministri Sali Berisha deklaroi sot se kryeministri po i bën presion të madh ministrit të Drejtësisë për këtë çështje.

Haki Çako ka apeluar vendimin për shkakrimin e tij nga detyra, ndërkohë që sot ka dëshmuar në Prokurori. Sipas Tv Klan, Çako ka pranuar se pajisja përgjuese identifikon numrin IMEI të çdo aparati celular. “Gjatë marrjes së tij në pyetje për këtë çështje, numri një i Policisë ka sqaruar se pajisja është në gjendje të identifikojë numrin IMEI të çdo aparati telefonik. Ai ka thënë gjithashtu se nuk ka asnjë dijeni për regjimin doganor të hyrjes së pajisjes në vendin tonë.

Tre zyrtarë të lartë të Policisë së Shtetit po hetohen dhe gjykohen për përgjim të paligjshëm dhe sado që qeveria po deklaron se bëhet fjalë për një proces politik, fakt është se prokuroria po vijon punën. “Top-Channel” citon sot burime të organit të akuzës, sipas të cilave, ky i fundit, i ka kërkuar ambasadës italiane dhe Ministrisë italiane të Drejtësisë informacione mbi pajisjen përgjuese.