LSI

Po qarkullon një lajm së fundmi se Ilir Meta dhe LSI kanë shtuar kushtet për PS-në me kërkesën e presidentit konsensual. Nuk dihet se çfarë do të thotë kjo në kushtet kur me Kushtetutën e re, presidenti nuk ka më kompetencat e dikurshme mbi sistemin e drejtësisë. Nga ana tjetër, nuk është e qartë nëse çështja e presidentit del tani në sipërfaqe, apo është trajtuar që në marrëveshjen e 1 prillit 2013. Në çdo rast, lojëra të tilla provojnë se LSI-ja e Ilir Metës po vepron për të mbushur torbën e vet dhe asgjë më shumë.

Ajo çfarë po ndodh aktualisht me PD-në dhe sidomos kreun e saj Lulzim Basha provon se zotëria në fjalë nuk është në gjendje dhe në lartësinë e detyrës që i është dhënë. Për më tepër që drejtimi i opozitës është parë përherë si mision më shumë sesa detyrë, duke invokuar këtu nevojën e përmbajtjes ndaj parimeve në politikë si prerogativë bazë dhe premisa për kultivimin e cilësive të liderit dhe suksesin afatgjatë të Politikave. Përgjigja e tij pozitive sot ndaj “ofertës” dinake të Ilir Metës, e cila është më shumë diversion ndaj Ramës, na jep një ilustrim të ri të faktit se z.

Darka e djeshme mes drejtuesve të koalicionit qeveritar ka përcjellë disa mesazhe, por asnjë qëndrim zyrtar. Së pari ai ka konfirmuar vijimin e bisedimeve për rikonfirmimin e aleancës, në emër të pushtetit dhe zbatimit formal të programit të dakordësuar. Ky është versioni empirik që rrjedh nga fakti i takimit informal. Mesazhi i dytë lidhet me shoqëruesit: Erjon Veliaj pranë kryeministrit Edi Rama është evidentuar si njeriu më afër kryeministrt dhe kryetarit të PS-së, me nënkuptimin e pasuesit të tij.

Zgjedhjet e Kavaajës po shndërrohen në një test përgatitor për zgjedhjet e përgjithshme që mbahen së afërmi. Kjo mund të shihet në qëndrimet e Lëvizjes Socialiste për Integrim që vlerëson te përballja e vetme PS-PD në një zonë që konsiderohet tradicionalisht bastion i së djathtës po që në vitin 2015 ndryshoi kah, një mundësi për të evidentuar peshën që ka.

Edi Rama mohoi që të ketë përplasje me LSI-në për Bashkinë e Kavajës, duke i quajtur me tepër çështje mediatike, sesa një çarje që preokupon vërtet dy partitë në pushtet. Në një intervistë për emisionin "Opinion" ai tha se procesi i përzgjedhjes së kandidaturave është ende në fazën e propozimeve dhe se vendimi për këtë çështje do të merret në ditët në vijim. 18 qershori sipas kryeministrit është një datë e panegociueshme dhe përë këtë arsye mazhoranca do të shfrytëzojë kohën e mbetur për të bërë ndryshimet e nevojshme në Kodin Zgjedhor.

Ilir Meta ashtu si Partia Demokratike nuk do të garojë me kandidat në zgjedhjet për bashkinë e Kavajës. Nënkryetari i LSI-së Luan Rama foli për një mungesë bashkëpunimi me Partinë Socialiste, ndaj vendosi dhe LSI sipas tij vendosi të bojkotojë zgjedhjet e pjesshme për këtë bashki. 

Në vende me tendenca autoritare si Shqipëria ka një ide se beniaminët e atij që ka pushtetin janë të pacenueshëm në ambiciet e veta politike. Shembuj konkretë: Lulzim Basha u zgjodh në krye të PD-së thjesht se kështu donte Sali Berisha. Një tjetër: Erjon Veliaj u bë kryetar bashkie në Tiranë dhe po  lejohet të kultivojë ambicien për kryetar PS-së dhe kryeministër me lejen e qartë dhe bekimin e Edi Ramës.

Prej dy ditësh socialistët janë përfshirë në një minidebat me LSI-në për hyrjen ose jo në zgjedhje pa PD-në dhe partitë e opozitës. Por sot, Balkanweb citon burime nga LSI-ja sipas të cilave kjo parti ka dorëzuar tashmë kërkesën për t’u regjistruar në KQZ për pjesëmarrje në zgjedhje. Agjencia në fjalë publikon edhe dokumentin zyrtar të kërkesës që shqyrtohet dhe pritet të miratohet nesër.  Dokumenti I jep fund hamendësimeve duke lënë vetëm opozitën e djathtë me një deklaratë politike për mospjesëmarrje në zgjedhje.

Edi Rama rrezikon të hyjë i vetëm në zgjedhje, pasi LSI duket se nuk do e ndjekë nga pas pasi i qëndron parimit për zgjedhje me opozitën. Një ditë pasi Edi Rama ose partneri në koalicion tha se nuk e tremb një vetëpërjashtim i Partisë Demokratike nga sistemi, shfaqet LSI dhe nënkryetari i saj Luan Rama që deklaron se zgjedhjet pa opozitën do ishin farsë dhe do cënonin standardet demokratike të vendit.

Debatin mes dy partive kryesore të kualicionit qeverisës e ka vijuar edhe deputetja e qarkut të Lezhës e Lëvizjes Socialiste për Integrim, Monika Kryemadhi. Teksa ishin në një takim me gjimnazistë të Lezhës së bashku me zv/ministren e arsmit Nora Malaj, ajo tha se miratimi i ligjit për arsimin e lartë ishte një kompromis politik i gabuar i forcës politike që ajo përfaqson, duke shtuar se gjithçka ndodhi për hir të kualicionit.