irani

Në Aleppo filloi të enjten në mëngjes operacioni për largimin e  civilëve dhe rebelëve pas konsultimeve të vështira mes Damaskut, Rusisë, Turqisë dhe Iranit, mbështetjen e të cilit kanë grupe shiite që luftojnë së bashku me Asadin. Në këtë poker diplomatik Turqia duket se ka vepruar e pavarur nga Perëndimi, çka nuk përjashton një ndryshim kursi të Ankarasë në raport me Moskën.Kontaktet e tendosura mes palëve çuan në riafirmimin e marrëveshjes për një armëpushim që do të lejojë largimin e luftëtarëve nga zonat lindore të Aleppo- raportuan shërbime afër Hezbollahut

Bota po dëshmon dy dimensione të asaj që po ndodh në Halep të Sirisë: së pari dështimin e një politike të frenimit dhe destabilizimit të regjimit sirian të Bashar al-Assad përmes përdorimit të militantëve me para dhe armë nga Perëndimi.

Marrëveshja e re mes vendeve të OPEC – eksportuesit e naftës – ka provokuar rritjen e menjëhershme të çmimit të arit të zi. Mediat kryesore dje përcilllnin lajmin se marrëveshja për kufizimin e prodhimit të naftës bruto ishte arritu përkundrejt të gjitha dyshimeve. Kjo sepse brenda OPEC-ut veprojnë anëtarë që kanë antagonizma të mëdha si Irani dhe Arabia Saudie, të cilët duket se i kanë kapërcyer ato në funksion të një interesi më të madh. Kufizimi i çmimive solli rritjen e çmimit dhe mandej rivlerësimin e aksioneve në bursë.

Rusia ka rënë dakord që t’i shesë Iranit njësi të sistemit S 300 deri në fund të vitit 2016. Lajmi bëhet i ditur nga agjencia “Interfax” duke njoftuar kështu nevojat e Teheranit për të forcuar mbrojtjen nga ajri. Sistemi S 300 është efektiv ndaj raketave kruiz, dronëve si dhe avionëve strategjikë dhe atyre taktikë. Më herët Irani ka blerë edhe njësi të sistemit S-300PMU2 “Favorit” për një vlerë prej 1 miliardë dollarësh.

Sistemi është dislokuar së fundmi edhe në Siri duke neutralizuar çdo tentativë për operacione nga ajri nga koalicioni i drejtuar nga SHBA. 

“DcLeaks.com”, faqja që publikoi kohë më parë materiale të fondacionit Soros, publikon së fundmi disa e-maile të Colin Powell, ish-sekretari amerikan i Shtetit. Në një prej tye, ai dërguar donatorit të Partisë Demokratike, biznesmenit, Jeffrey Leeds, Powell zbulon se Izraeli posedon 200 koka bërthamore dhe të gjitha i ka drejtuar nga Irani. Sipas Powell, Irani nuk do ta përdorë bombën atomike edhe nëse e prodhon atë sepse “në Teheran e dinë që Izraeli ka 200, të gjitha drejtuar drejt Teheranit, kurse ne kemi me mijëra”.

Beniamin Netanyahu, kryeministër i Izraelit, thotë shpesh se rreziku dhe kërcënimi më i madh për vendin e tij është Irani. Aq sa jo rrallë Netanyahu ka bërë presion dhe lobim edhe në Washington për të orientuar politikën e Jashtme amerikane drejt qëllimeve të TelAvivit zyrtar. Por ish-shefi i shërbimit sekret izraelit, Tamir Pardo, larguar nga detyra në qershor të këtij viti, thotë se kërcënimi më i madh në fakt është potenciali i një lufte civile në Izrael.

Turqia e Reccep Tayipp Erdogan duket se ka krijuar koniunkturën për të luajtur mes dy portave të mëdha: Perëndimit dhe Rusisë. Pak ditë pas takimit të sekretarit amerikan të Shtetit John Kerry me presidentin turk Erdogan, agjencia shtetërore ruse e lajmeve "Sputnik" publikon një intervistë me Ismail Hakki Pekin, ish-shef i Shërbimit Sekret në Shtabin e Përgjithshëm të ushtrisë. Sipas këtij zyrtari janë zhvilluar pesë takime informale mes palës turke dhe shërbimit sekret sirian të Bashar Al Asad, dy prej të cilëve në vitin 2015.

Katër anije të shpejta iraniane i janë afruar në distancë të afërt destrojerit amerikan Nitze në ngushticën e Hormuzit. Burime ushtarake amerikane i deklaruan “Fox News” se sjellja e forcave iraniane ishte kërcënuese për sigurinë dhe joprofesionale, duke krijuar situata të rrezikshme që mund të precipitonin. Destrojeri Nitze shoqërohej në atë që ushtria e amerikane cilësoi si lëvizje rutinë në ujëra ndërkombëtare nga destrojeri Mason. Sipas po të njëjtave burime Nitze kërkoi kontakt me radio 12 herë por pa përgjigje, ndërkohë që lëshoi edhe sinjalin e rrezikut.

Irani është i përfshirë aktualisht në tre fronte ku zhvillohen luftime: Irak, Siri dhe Jemen. Për të përmbushur objektivat e vet, Teherani zyrtar ka konceptuar strategjinë e Ushtrisë Çlirimtare, e cila ngrihet mbi trupat vendase në vendet ku ka kriza. Gjithnjë Irani operon në vendet myslimane ku tensionet për pushtet mes shiitëve dhe sunitëve janë aktive. Ushtria është krijuar nga Garda Revolucionare, e cila sipas kreut të saj, Mohammad Ali Al Falaki, në Siri operon nën komandën e Qassem Soleimani.

Nga territori i Iranit u ngritën avionë luftarakë rusë për të bombarduar pozicionet e forcave antiqeveritare në Siri. Një zhvillim që tregon se Moska dhe Teherani po bashkëpunojnë ngushtësisht për të luftuar "armiqtë" e Asad. Siç njoftoi Ministria ruse e Mbrojtjes avionë bombardues Tupolev-22M3 dhe avionë luftarakë Sukhoi-34 u ngritën nga baza ushtarake e Hamedan në Iranin Perëndimor dhe bombarduan pozicione të Shtetit Islamik dhe organizatës Al Nusra në Alepo.