Shpipëri Hesapi

Fatmiri iku. Me ndërgjegje të qetë siç tha. I qeshur si përherë. Me siguri po të shkëmbehesh në rrugë të flet njësoj si dikur kur ishte vetëm deputet. Tani ka nisur puna e mediave që të gjejnë arsyet dhe shkaqet, të shpjegojnë intrigën e pushtetit, të ndërtojnë alibitë, të rishpikin pra Shqipërinë normale. Atë që nuk ka qeder nga pisllëqet. Dhe alibia e sotme e pushtetit është se ministri i Brendshëm iku vetë. Ai dha dorëheqje sepse është njeri i lirë. Nuk a patur tensione, as përplasje në qeveri. Jo. Në kulmin e sukseseve ministri iku sepse ka parime.

Kur hyn në një parti nuk i bën do të gjitha.Unë që kur hyra në parti hoqa dorë nga ideja që mund të shkoja prapë në plazh nudo. Nuk shkoja dot më, se mbaroi. Po ka dhe të tjera, diskutojmë ne me njëri tjetrin dhe kemi ndonjë shok që thotë jam njeri i lirë. Jo mo se nuk je njeri i lirë, je i lirë ta thuash këtu dhe ta diskutojmë këtu, por nuk je i lirë të dalësh atje e të gjuash me gurë shtëpisë ku jemi bashkë se nuk ka kuptim. Nëse do të dalësh ti gjuash me gurë shtëpisë, ik se nuk je pjesë e shtëpisë

“Mbrojtësit e detit”, një faqe në Facebook, raporton sot një denoncim të një qytetari, sipas të cilit në fshatin Zaroshkë të Korçës, krapi gjuhet me sfurk, në sezonin e lëshimit të vezëve. Video e përcjellë më poshtë, më së paku jep një pamje që nuk do shumë komente, teksa një prej personave në të, i nxjerr peshqit disa kilësh sikur të ishte duke nxjerrë guralecë.

Policia nuk ka veçse pak ditë që ka njoftuar kryerjen e një operacioni që i ka vënë emrin Vol-Vo, kur në media kanë shpërthyer elementë të dosjes hetimore. Me këtë operacion në pranga kanë rënë edhe dy ish-deputetët, Ndoka dhe Çuko, ndaj edhe procesi po pritet me interes.

Jam i vetëdijshëm që në në çdo qark, çdo rreth, në çdo bashki ka drejtorë që po na nxjerrin bojën

Kshtu shprehej kryeministri në maj të vitit 2015 gjatë një mbledhjeje me zyrtarë të administratës në Shkodër. Asokohe ky material rrodhi si audiopërgjim dhe as u mohua ndonjëherë nga Edi Rama.

Sot në mbledhjen e Grupit Parlamentar, z. Rama përsërit të njëjtën akuzë:

Kemi ca drejtorë legenë që po na nxijnë fytyrën me korrupsion e keqmenaxhim

Është bërë shumë e vështirë të marrësh seriozisht kryeministrin e këtij vendi. Nuk është hera e parë që ndodh kjo. Sali Berisha nga mesi i qeverisjes së dytë e mbushte ligjërimin e vet me arrorët dhe ullirin, ndërkohë që në vend ndodhnin ngjarje të rënda. Mënyra e vetme për të bërë diversion. 

Kryeministri i sotshëm po do të marrë rolin e gaztorit sepse ka halle të njëjta: nuk dihet si e qysh është ngatërruar me këmbët e veta në çështjet “Xhisiela” dhe “Babale”, që janë manifest I kësaj bashkëqeverisjeje me krimin. Dikush mund ta quajë shpifje këtë, por ky tanimë është fakt. 

Kryetari i Komisionit Parlamentar të Ekonomisë, Erjon Braçe ankohej dje në rrjetet e sociale se e kërcënojnë nga burgu për shkaqe të ndryshimeve ligjore me bixhozin. Sot këtë ankesë e ka përsëritur kryeministri Edi Rama që tha në Parlament:

Jam shumë i keqardhur që një pjesë e deputetëve, dhe posaçërisht deputetët e Komisionit të Financave dhe të Ekonomisë, janë kthyer në një shënjestër të e një sulmi vulgar, të orkestruar nga burgu 313

Absurdi i një pjese të medias shqiptare, shërbimi i saj si prej skllavi ndaj politikë po thyen çdo kufi. Sot në disa faqe është shërbyer një paçavure që merr në mbrojtje me “logjikë” primati Taulant Ballën e Partisë Socialiste. I cili ka përfituar statusin e politikanit të privilegjuar dhe të njeriut me peshë e që pikërisht për këto arsye po sulmohet.

Shkas për këto sqarime servile është bërë pyetja e qarkulluar këto ditë se përse nuk sulmohet apo është sulmuar në këtë mënyrë Pandeli Majko, apo ta zëmë Musa Ulqini?

Mjekëve të familjes u është vënë një normë për të përmbushur në planin e check up-it, në të kundërt ata gjobiten. Vetë mjekët pohojnë pwr emisionin ivestigativ “Stop” se kjo është e shkruar në kontratat e punës dhe mosplotësimi i normës u rrezikon madje edhe vendin e punës.

Mjekja 1 - E kemi domethënë një ligj, që duhet…

Gazetari –Wshtë i detyrueshëm?

 Gazetari –Nuk është e detyrueshme. Kjo nuk është e detyrueshme për pacientin?

Mjekja 1 Ne nuk i detyrojmë në asnjë moment, të bëjnë check up-in, pavarësisht se ne me ligj e kemi që duhet?

Kryeministri Edi Rama ka përgatitur i pari padinë për shpifje. Sipas një mesazhi në Twitter Rama do padisë Berishën, i cili përmes një statusi në Facebook ka shkruajtur si mesazh të një qytetari dixhital se Rama blen 23 mijë dollarë këmisha në Neë York në një dorë. Kryeministri zbulon se ai i qep këmishat dhe rrobat e veta te një rrobaqepës në Tiranë:

Hugo Bossi im quhet Arjan, qepja si në Nju Jork, çmimi si në Tiranë