Shpipëri Hesapi

Lexoni pak llogarinë që publikon faqja lapsi.al për tarifat që duhet të paguajë një student me rregullat që janë në fuqi:

I paburrë për t'i përballur me banorët e Astirit që kundërshtojnë prishjen e shtëpive që preken nga zgjerimi i Unazës, kryebashkiaku Veliaj po bën çmos për të krijuar përshtypjen se minoranca bllokuese siç e quan ai nuk do ia dalë të pengojë përparimin sipas një vizioni që po gjen mirëkuptim te një shumicë të ardhurish që tashmë i kanë mbledhur plaçkat. Bashkia përcolli në media një material ku Veliaj është gdhirë nga Astiri për të pirë kafen dhe rakinë e mëngjesit me progresistët e Astirit.  

Autoriteti i Medias Audiovizive ka dalë sot me një reagim kundër deklaratës së OMONIA-s, e cila një ditë më parë sillte në vëmendje edhe të AMA-s, situatën e krijuar në raportet mes pakicës greke dhe shumicës shqiptare në Jug të Shqipërisë. OMONIA trajtonte në deklaratën e vet edhe faktin se një emision i përcjellë në Top-Channel, me autor gazetarin Marin Mema, kishte ushqyer ndjenja negative ndaj pakicës duke çuar në dëmtimin e memorialit të Thimjo Lolit.

Drejtori i Agjencisë së Legalizimit dhe Urbanizimit të Zonave Informale, Artan Lame, ka deklaruar sot në Komisionin e Ligjeve se situate e regjistrimit të pronave në Shqipëri është alarmante. Sipas tij, nga më shumë se 4.4 milionë prona të regjistruara, 2.5 milionë janë me probleme. Situate vijon edhe më tej me faktin se edhe vetë shteti shqiptar nuk i ka të regjistruara.

Vetë shteti shqiptar nuk e ka të regjistruar pronën e vet në ZRPPP. Në një farë mënyre, kadastra është godina më e rëndësishme në një shtet modern

Për tri javë shtëpia e Vullnet Shabajt në Postribë ka marrë udhën e rindërtimit. Pamjet i ka shpërndarë kryeministri që po t’i besojmë gazetës “Panorama” ka premtuar edhe krijimin e shoqërisë së Zahos, djalit të tij me njërën prej vajzave të vogla të familjes Shabaj. Natyrisht për këtë të fundit ky është një bekim, nëj fat i madh, për qeverisjen në vetvete dhe për të gjithë, një mjerim. Sepse varfëria nuk luftohet me lëmoshë.

Kush bën ndonjë xhiro nga faqja online e “shqiptarja.com” mund të vërë re thuajse në mënyrë të përditshme, në ndonjë prej rubrikave njoftimin: Ekskluzive. Nën këtë term publikohen lajme që nuk i ka kush tjetër, e të cilat media në fjalë pretendon se i ka zbuluar me burimet e veta.

Erjon Veliaj është në politikë dhe atij i duhet që të manovrojë me shumëçka për të arritur objektivat e tij. Kjo kuptohet edhe pse marifetet e këtij pinoku politik janë komike aq sa zbardhin se ai jeton dramën e mosrealizimit të vetes. Por politika politikë. E keqja, apo qesharakja, komikja, groteskja, çfarë të duash mund ta quajmë këtë, është me median. Me një pjesë të saj, mes të cilave edhe dy televizionet Tv Klan dhe top-Channel. Ky i dyti është më origjinal, ndërkohë që i pari dallon që e ka për “hall” hosananë ndaj kreybashkiakut.

Personazhi, Erion Veliaj  ka tejkaluar prej kohësh çdo normë qëndrueshmërie të karakterit dhe përgjegjësie në raport me publikun. Veç mashtrimeve publike me zë dhe me figurë dhe manipulimit sistematik me zyrën e tij të propagandës në Bashki, zotëria në fjalë ka adoptuar një tjetër rol për t’i ikur të vërtetës.

Erjon Veliaj deklaroi dje - e bashkë me të edhe mediat që i shkojnë nga pas - se pas një takimi me banorë të Unazës së Re, ishte gjetur zgjidhja. PD-ja sot pretendon se në fakt në takim kanë qenë punonjës të Bashkisë së Tiranës dhe këtu duhet shtuar edhe një fakt: Takimi nuk ka qenë Live, por me regjistrim. Lali i ka të zakonshme këto gënjeshtra që i zgjasin vetëm një ditë.

Po qarkullon së fundmi një njoftim që po kalon si lajm sipas të cilit Erjon Veliaj ka bërë paqe me banorët e zonës së Astirit. Nëse lexon njoftimin-lajm, që nga Top-Channel e më tutje në mëhallën socialiste, kemi të njëjtin tekst, identik. Pra praktika e copy paste me direktivë bashkiake është vënë në lëvizje. Teknikisht njoftimi është kopsitur trashë, pasi nëse përfaqësia e banorëve ka qenë e zgjeruar siç thuhet, me siguri dikush prej tyre aty ka folur.