Politikë

Lulzim Basha do të udhëheqë sërish një protestë për rrëzimin e Edi Ramës, ku në rendin e pakënaqësive është një listë e gjatë me parashtesën kundër.  Teorikisht presupozohet se opozita përfaqëson pakënaqësinë popullore ndaj qeverisjes dhe në këtë listë teoricienët e PD-LSI-së i kanë përfshirë të gjitha kauzat për të cilat kërkohet mobilizimi i popullit.  Aq sa në 27 Janar do të protestohet edhe kundër kurbetit, siç deklaroi kryetari i PD-së, Lulzim Basha.

Qeveritë shqiptare të pas vitit 1990 i janë përmbajtur në përgjithësi qëndrimit se ligji i luftës me Greqinë është një pengesë objektive në raportet mes të dyjave vendeve. Qeveritë greke nga ana e tyre kanë lexuar te kërkesa shqiptare një manovër për të aktualizuar politikisht çështjen çame, e cila lidhet parimisht me pronat, por patjetër që ka rrjedhoja politike të paparashikueshme.

Çështjet organizative të Partisë Socialiste vijojnë të trajtohen si lajme që lidhen me fatin e Shqipërisë.  Interesi i medias që është në inflacion të dukshëm me rëndësinë e procesit politik që përfaqëson sot kjo parti, i jep mundësinë elitës së komanduar të epokës Rama të afirmojë me komoditet parrullat për timonierë që mendojnë vetëm për  integrimin e Shqipërisë.

Mikrofonët janë në dispozicion ashtu dhe zëdhënësat e kësaj politike, një prejt të cilave Elisa Spiropali, ish-drejtoreshë  e Doganave. Pas mbledhjes së kryesisë së Partisë Socialiste ajo dha këtë prononcim:

LSI-ja nuk është në koalicion me PD-në. Të paktën këtë thotë kreu i republikanëve, Fatmir Mediu që në një intervistë për Tema TV Mediu është shprehur se "LSI nuk është në koalicion me PD-në, por është vetëm një pozicion politik me qëllimin e përbashkët  largimin e Kryeministrit Rama.

"Programi i koalicionit të djathtë me LSI është i ndryshëm", shton Mediu.

Kisha e prishur, e Shën Thanasit, në Dhërmi, do të rindërtohet, ashtu siç ka qenë. TemA TV ka realizuar një reportazh në fshatin jugor, ku banorët shprehen të kënaqur për këtë lajm, po ashtu edhe priftërinjtë. Drejtoresha e Monumenteve të Kulturës, Arta Dollani thotë se projekti i ri është në fakt ai që ka qenë dikur, ndërkohë që kisha premtohet se do të përfundojë në fund të vitit 2018. 

Kryetari i Gjykatës së Lartë, Xhezair Zaganjori, ka deklaruar përmes një interviste për “Gazeta Shqiptare” se ka patur ndërhyrje politike për anullimin e vendimeve penale.

Një vendim merr një gjyqtar apo prokuror, e kur ai nuk i pëlqen apo prek interesat e politikës, zbulohet menjëherë e shkuara, deri tek gjeneza personale e ndoshta edhe familjare e gjyqtarit apo prokurorit. Edhe për sa i përket çështjeve konkrete, nuk mund të them se nuk ekziston fenomeni i ndërhyrjes.

Pak ditë më parë Ilir Meta u shfaq i shqetësuar për atë që e konsideroi si linjën antiamerikane të qeverisë, nisur nga vota e Shqipërisë në OKB për çështjen e Jeruzalemit.  Shqetësim të cilin e konkretizoi dhe me një letër drejtuar presidentit amerikan, Donald Trump. Mund të quhet pa rezerva një nga ato lëvizje boshe në politikë që ekspozoi si amator Ilir Metën, ndonëse një politikan me përvojë, aq më tepër që ai ka qenë në dijeni të qëndrimit të Shqipërisë në OKB. Të paktën këtë pretendon ministri i Jashtëm Ditmir Bushati, në një intervistë për Ora News.

Opozita zyrtarizoi datën 27 Janar për protestën e rradhës. Data u vendos nga Lulzim Basha e Monika Kryemadhi pas takimit që kishin mbrëmjen e së dielës. Fundi i muajit u pa si koha më e përshtatshme për të zhvilluar protestën, pasi kryetari i Partisë Demokratike të ketë përfunduar edhe turin në rrethe. 

Drejtori i Përgjithshëm i Policisë së Shtetit, Haki Çako, ëstë liruar nga detyra. Vendimi është marrë nga Këshilli i Ministrave, me propozim të ministrit të Brendshëm, Fatmri Xhafaj dhe ai është njoftuar nga ky I fundit gjatë një takimi me drejtues të policisë.

Çako ikën nga kjo detyrë si drejtuesi kryesor i mbetur nga periudha kur Ministrinë e Brendshme e drejtonte Saimir Tahiri. I lavdëruar shpesh si njeri me profesionalizëm të lartë, Çako nuk arriti ndonjë gjë, sidomos gjatë epokës së kanabizimit që e vendosi Shqipërinë në listën kryesore të kultivimit dhe trafikimit.

1002 medaje dhe dekorata lëshoi Presidenti Bujar Nishani gjatë mandatit të tij presidencial në periudhën  korrik 2012-qershor 2017. Një shifër rekord kjo, që veç të tjerash u shoqërua edhe me debate se shumë personalitete nuk e kanë merituar dekoratën dhe të tjerë janë lënë jashtë qëllimisht ose jo.