Lajme

"Dellaportaeditori" publikon së fundmi një intervistë me Maria Romana De Gasperi, vajza e ish-kryeministrit të parë italian të pas Luftës së Dytë Botërore, Alcide De Gasperi. Një intervistë e gjatë dhe me interes për shkak të lidhjeve të ngushta të saj me të atin,  që e bën atë dëshmitare të dorës së parë, por edhe sepse ajo ka qenë dikur sekretarja e tij. Hollësi familjare, të punës, marrëdhëniet me personalitete të tjera, raporti me publiken, publikun dhe paranë.

Shpallja e personave “non grata” apo dhe raporti i DASH mbi zyrtarë të korruptuar në të gjitha nivelet e qeverisjes duhet të kishin vënë në lëvizje disa struktura të drejtësisë, përfshi edhe Byronë Kombëtare të hetimit. Kështu ka deklaruar për MCN ish-kryeprokurori Arben Rakipi, teksa komenton arrestimet e fundit për çështjen e incineratorëve dhe reformën në drejtësi.

Nëse lexon sot mediat e pavaruara pranë qeverisë, të bie në sy një gërshetim i shkrimeve raportuese me ato “analitike” për Kuvendin e PD-së së Sali Berishës. Një video që jep Berishën që rrëzohet, pasataj një shënim i mllefosur i Roland Bejkos që bën moral, më tej Frrok Çupi që dihet se çfarë do thotë për dekadën e ardhshme, Berisha që lëshon gjuhën e kështu me radhë. Është ai që mund ta quajmë raportimi stigmatizues që luan me marifetet e titujve, incidenteve, konteksteve, si e si për të karikaturizuar një zhvillim politik.

Thuhet se Edi Rama ka paguar 80 mijë dollarë për një foto me ish-presidentin amerikan Barack Obama. Ne mund të shtojmë duke besuar se “ku ka zë nuk është pa gjë” se Edi Rama me siguri i ka harruar këto para. Përtej kësaj, lajmi i mirë për marrëzi të inferioritetit është se Shtëpia e Bardhë nuk ka më atë interes që kishte dikur.

Ambasadori i SHBA në Greqi, Geoffrey R. Pyatt është propozuar së fundmi nga presidenti Joe Biden në postin e ndihmës sekretarit për Burimet Energjetike. Lajmi është dhënë prej vetë Pyatt në një intervistë për gazetën greke “Kathimerini” gjatë së cilës ka folur për një rol të Greqisë në ripërcaktimin e hartës ndërkombëtare energjetike. Sipas tij Greqia përbën një alternativë ndaj shantazhit rus për energjinë, për shkak të pozicionit por edhe rreshtimit.

Bashkimi Europian ka vendosur të shkarkojë nga detyra kreun e Agjencisë për Kufirin, Fabrice Leggeri. Lajmi bëhet i ditur nga agjencia “Reuters” që referon burime nga brenda unionit. 

Vendimi vjen pas akuzave të shumta për shkelje të drejtash të FRONTEX ndaj imigrantëve dhe një vit pasi agjencia e BE-së kundër mashtrimit, nisi një hetim për akuzat e abuzimit me të drejtat e njeriut. 

Media të ndryshme raportojnë për sulmin më të madh ajror të Rusisë që nga nisja e luftës në Ukrainë. Sulmi është përqendruar mbi impiantin më të madh të çelikut në Europë, Azovstal, ku janë dislokuar trupa ukrainase dhe civilë. Mdiat citojnë raporte për mbi 50 goditje ajrore kryer nga avionë bombardues Tubolev dhe Sukhoi. Lidhur me këtë situatë, zëdhënësi I Kremlinit Dmitry Peskov ka deklaruar se për Azovstal ka vetëm një negociatë: civilët mund të largohen ku të duan, kurse trupat ushtarake duhet të dorëzojnë armët.

Organizata Botërore e Ushqimit dhe Bujqësisë paralajmëron se kriza në Ukrainë mund të sjellë rritjen me 22% të çmimeve të ushqimit në harkun kohor të 2 viteve të ardhshëm. Monika Tothova, ekonomiste në FAO, thotë për gazetën greke “Kathimerini” se varësia e shumë vendeve nga linja e furnizimit me grurë nga Ukraina dhe Rusia përcaktojnë prirjen e rritjes së çmimit.

Në Turqi duhet të paguash dritat se t’i presin. Madje edhe po të jesh drejtues partie. Mediat raportojnë se liderit të Partisë Republikane Popullore, Kemal Kiliçdaroglu iu pre energjia elektrike për një javë pasi refuzoi të paguante faturën për shkak të rritjes së çmimit. Energjia iu rikthye pasi ai pagoi faturën duke përfunduar kështu edhe protestën e vet.

Ne do jetojmë për një javë në errësirë

Presidenti i Serbisë, Aleksander Vuçiç e ka cilësuar ditën e sotme si të veçantë për vendin e tij. Dhe me gjasë kjo do të jetë një ditë e veçantë edhe për rajonin në kushtet kur çdo individ tanimë orientohet nga kërkesa për mirëqenie dhe punë. Vuçiç ka njoftuar firmosjen e një marrëveshjeje me kompanianë Stellantis për prodhimin e makinave elektrike në Serbi, proces që do të nisë në vitin 2024.