Lajme

Ambasadori i Bashkimit Europian në Tiranë, Luigi Soreca ka deklaruar sot nga Vlora se marrëveshja e 5 qershorit mes pozitës dhe opozitës duhet miratuar sa më shpejt, por nuk ka përjashtuar të drejtën e parlamentit që të shtojë elementë të saj.

Një tjetër medikament ekzistues raportohet se jep efekte shumë pozitive në luftën ndaj CoVid-19. Kërkues të universitetit hebraik në Jeruzalem dhe Qendrës Mjekësore Mali i Sinait në Izrael deklarojnë se një barnë që përdoret kundër niveleve të lartra të kolesterolit, quajtur – Fenofibrate(Tricor) – mund ta neutralizojë virusin në mushkëri. Sipas kërkuesve hebrenj koronavirusi ka nevojë për një akumulim yndyrnash në mushkëri në mënyrë që të riprodhohet, ndaj edhe medikamenti në fjalë e eliminon shkakun e shumimit të tij dhe për pasojë komplikimeve që jep.

Një studim i ri i publikuar së fundmi ka ndryshuar projeksionet demografike të parashikuara nga OKB për vitin 2100. Sipas këtij studimi në fillim të shekullit të ri, popullsia e botës mendohet të jetë 2 miliardë më pak nga projeksionet e deritanishme, diku te 8.8 miliardë njerëz. Vende si Japonia, Italia, Tajlanda, Portugalia dhe Polonia mendohet se do të kenë një popullsi të përgjysmuar në raport me tani.

Bashkimi Europian ka hequr Serbinë nga lista e vendeve të sigurta për shkak të rasteve të shtuara të të infektuarve me CoVid-19. Bashkë me këtë vend nga lista është hequr edhe Mali i Zi, vende të cilave u vendoset bllokim qarkullimi drejt BE-së për të paktën 2 javë. Sipas agjencisë serbe Tanjug propozimi është bërë nga Gjermania që mban presidencën e radhës të BE-së dhe është mbështetur nga vende si Franca, Spanja dhe Hollanda. 

Presidenti i Republikës ka deklaruar sot përmes zëdhënësit të tij se Parlamenti përbëhet nga deputetë ilegjitimë. 

Lidhur me lajmet e fundit për disa ndryshime kushtetuese, Presidenti i Republikës Sh.T.Z Ilir Meta thekson se Kuvendi aktual ka vetëm 82 deputetë legjitimë, ku përfshihen edhe tre deputetët të cilët nuk pranuan të dorëhiqeshin pas vendimit të Opozitës së Bashkuar

tha zëdhënësi Tedi Blushi. 

Çka do të thotë se çdo akt që miratohet me shumicë mbi 82 deputetë për presidentin është jokushtetues. 

Presidenti i Italisë, Sergio Mattarella dhe ai i Sllovenisë, Borut Pahor kanë nderuar të dy, dorë për dore, viktimat e foibes në Basovica të Sllovenisë. Foibet janë një njollë e rëndë në raportet italo-jugosllave pasi sipas përshkrimit të historiografisë italiane, në foibet e Istrias partizanët jugosllavë vranë me qindra qytetarë të kombësisë italiane.

Meecedez-Benz ka prezantuar vizionin e ri të autoveturës, huazuar nga Avatar. VISION AVTR është një makinë elektrike që ushqehet me bateri të një tipi të ri dhe skafi i saj ndërtohet me materiale të riciklueshme. 

Koronavirusi duket se ka depërtuar edhe në një institucion tjetër shtetëror. Sot në Autoritetin e Mediave Audiovizive ka rezultuar një punonjës pozitive me CoVid-19 ndërkohë që është kryer edhe dezinfektimi i mjediseve.

Dy ditë më parë doli lajmi se ishte prekur edhe Gjykata e Apelit, ndërkohë që Tatimet janë prej kohësh një institucion i infektuar.

Ish-myftiu i Tiranës, Ylli Gurra, thotë se në Shqipëri veprojnë mbi 600 organizata fetare. Duke komentuar rastin e Kombinatit në studion e emisionit “Në fokus”, në TvT, Gurra tha se këto grupime hyjnë në vendin tonë përmes Komitetit Shtetëror të Kulteve. 

“Të gjitha këto grupime që hyjnë në Shqipëri, hyjnë përmes miratimit të Komitetit Shtetëror të Kulteve. Ka mbi 600 e disa organizma e grupime fetare që veprojnë brenda kornizës fetare në Shqipëri. Në momentin e parë kanë një datë regjistrimi”, tha Gurra.

Sekretari për Çështjet Ligjore në Partinë Demokratike, Çlirim Gjata ka dhënë sot një intervistë për AbcNews. Intervistë e cila jep sadopak të kuptojë se në ç’gjendje është opozita e sotme shqiptare. Megjithë skandalet e qeverisë, dështimin dhe korrupsionin, opozita detyrohet të gënjejë. Ose për të mos e akuzuar padrejtësisht: detyrohet të besojë gjëra që në asnjë rrethanë nuk mund të besohen. Thotë ndër të tjera, z. Gjata: