Lajme

Me ardhjen e stinës së vjeshtës, numri i të infektuarve të rinj me Covid-19, është shtuar dukshëm. Në një lidhje Skype me edicionin e lajmeve në TvT, mjeku epidemiolog Ilir Alimehmeti, thotë rritja e shifrave reflekton edhe rritjen e numrit të testimeve.

“Padyshim që reflekton edhe numrin e testimeve, sepse gjatë javës së kaluar  përqindja e pozitivitetit është luhatur mes 18 dhe 25 për qind, nëse do kjo do të ishte edhe në muajt gusht, kjo është rrjedhojë e rritjes së testimeve, njerëzit izolohen  për të mos infektuar të tjerët”.

Kryeministri i Greqisë Kyriakos Mitsotakis ka deklaruar dje gjatë një konference për shtyp në Bruksel se Greqia ruan të drejtën të mbrojë sovranitetin e vet kombëtar që sipas tij shkon në 12 milje detare. Qëndrimi i tij duket se ka më shumë vlerë retorike pasi ai korrigjon një qëndrim të një dite më parë të ministrit të Shtetit, Girgios Gerapetrits sipas të cilit ujërat territoriale të Greqisë shtrihen në 6 milje detare.

Presidenti turk Reccep Tayyip Erdogan ka bërë një dalje tjetër kundër ndikimit rus në rajonin e Detit të Zi duke forcuar bashkëpunimin ushtarak me Ukrainën. Në Stamboll raportohet se bashkë me homologun e tij ukrainas, Volodymyr Zelenskiy, Erdogan ka nënshkruar marrëveshjen e bashkëpunimit ushtarak, që shkon qartë kundër interesave ruse, një vend që ka aneksuar një pjesë të territorit ukrainas.

Turqia e sheh Ukrainën si një vend kyç për vendosjen e stabilitetit, sigurisë, paqes dhe përparimit në rajon

tha Erdogan.

“Gjurmime filologjike mbi latinitetin dhe shkrimet e vjetra shqipe” është botimi më i ri studimor me autore Evalda Pacin. I përbërë prej kontributesh gjuhësore dhe tekstologjike, të cilat pasurojnë ndjeshëm kërkimet në fushë të gjurmimeve albanologjike, këto studime janë botuar në revista shkencore të ndryshme, mes të cilave edhe te “Hylli i Dritës, ku studiuesja bashkëpunon që prej viti 2008.

Aktorët politikë të Kosovës kanë nxituar të sqarojnë sipas tyre komentet e të Dërguarit Special të BE-së për Dialogun Kosovë-Serbi, Miroslav Lajçak, që kërkoi ndryshimin e Kushtetutës së Kosovës në mënyrë që të përmbushet detyrimi për krijimin e Asosacionit Serb. Isa Mustafa p.sh i ka quajtur “komentet” e Lajçak si të pamatura.

Revista gjermane “Spiegel” raporton së fundmi për ato që i cilëson si “përgatitje për skenarin më të keq” të zgjedhjeve presidenciale në SHBA. Dhe ky skenar më i keq është mosnjohja e rezultatit nga presidenti aktual Donald Trump, çka ka vënë në lëvizje autoritetet europiane që do të duhet të kenë një qëndrim mbi atë që mund të ndodhë.

Autoritete japoneze kanë vendosur të hedhin në oqean 1 milion tonë ujë të përdorur në ftohjen e reaktorit bërthamor të Fukushimas. Lëshimi i ujit të përpunuar për t’i minimizuar radioaktivitetin  do të nisë në fillim të vitit 2022.

Nuk mund ta shtyjmë vendimin për planin e trajtimit të ujit të procesuar

Një studim i ri novator i imazheve satelitore me rezolucion të lartë ka zbuluar se, ndryshe nga sa mund të mendohet, ka të paktën 1.8 miliardë pemë në shkretëtirat Sahel dhe Sahara.

Një ekip prej 24 shkencëtarësh nga e gjithë Evropa, SHBA dhe Afrika zbuluan se zona është çuditërisht e mbushur me bimë, çka do të thotë se do të duhet të rishikojmë atë që dinim për dy shkretëtirat kryesore të botës dhe madje edhe politikën publike për shpyllëzimet.

Organizata Botërore e Shëndetësisë deklaron se Remdesivir ka pak ose aspak efekt në trajtimin e CoVid-19 dhe përmirësimin e pacientëve të prekur prej tij. OBSH-ja ka kryer teste për të vlerësuar katër medikamente që aktualisht jepen për të trajtuar pacientët e prekur nga koronavirusi, Remdesivir, hidroksiklorokinë, interferon dhe një kombimin antiviralësh si lopinarvir dhe ritonavir. Testimi u krye me 11 266 pacientë të rritur në 500 spitale të ndryshme në 30 vende.

Kryeministri Rama është përballur sot me një panel gazetarësh në studion e "Opinion" ku në pjesën më të madhe ka zhurmuar emisionin dhe replikuar pa sens në një proces riafirmimi të vetes. Më poshtë video: