Lajme

Korporata Energjetike Shqiptare duket se ka humbur të drejtën e importit të energjisë. Enti Rregullator i Energjisë thotë se kjo e drejtë do t’i kalojë Operatorit të Shpërndarjes së Energjisë, që deri më tani ka kryer këtë veprimtari vetëm për të mbuluar humbjet në rrjet. “Deri tani OSHEE ka kryer importe vetëm për të mbuluar humbjet në rrjetin e energjisë, dhe pjesën tjetër që i duhej, edhe nëse nuk kishte prodhim të mjaftueshëm, KESH duhet ta blinte jashtë.

Debati për armët dhe mbajtjen e tyre është kthyer në qendër të vëmendjes në SHBA. Disa ngjarje të rënda të ndoshura së fundmi ka nxjerrë në sipërfaqe idenë për kufizimin e të drejtës për të mbajtur armë, që është traditë në SHBA. Si një vend pjellor për teori konspirative, në SHBA nuk mungojnë shpjegimet alternative për shumëçka, mirëpo intensiteti i ngjarjeve ka çuar në konkluzione të pazakonta që duhen marrë në konsideratë.

Ismail Morina u arrestua në flagrancë me dy pistoleta dhe gjykata dha msën e sigurisë “arrest me burg”. Arrestimi i tij u bë pak para ndeshjes Shqipëri-Serbi dhe Morina kishte siguruar 36 bileta. Ndërkohë që gjykimi duhet të zbardhë se çfarë kishte ndërmend Morina, sot disa protestues kanë kërkuar lirimin e tij. Arsyeja? “Ne kërkojmë liri për Ballist Morinën, sepse ai na bëri krenarë. Në Beograd ai ngriti flamurin tonë, ndërsa në Shqipëri kryeministri ynë nuk na la ta ngremë flamurin tonë. Liri Ballistit.

PNAS publikon një studim bazuar mbi sondimin konkret në SHBA, sipas të cilit ndonëse promocioni në fusha të ndryshme, perceptohet njësoj i arritshëm, është më pak i dëshirueshëm nga femrat sesa nga meshkujt. Kjo pasi siç thuhet në studim, femrat perceptojnë se me rritjen në karrierë do të ketë më shumë pasoja negatigve, çka i bën ato më pak të angazhuara. “Vihet re një diferencë e madhe dhe e qëndrueshme gjinore në qëllimet kryesore të njerëzve.

Mediat ndërkombëatre raportojnë se një konvoj mjetesh dhe trupash i Shtetit Islamik është goditur nga forcat irakene në perëndim të Anbarit. Ka disa raportime të pakonfirmuara se konvoj ishte edhe kreu i ISIS-it, Abu Bakr al Baghdadi, për të cilin nuk jepet një version zyrtar nëse është gjallë apo ka vdekur. Sipas përfaqësuesve ushtarakë irakenë, konvoji i Abu Bakr al Baghdadit ishte drejtuar për në Karabla ku do të mbahej një takim i komndantëve të ISIS.

Gazeta “Shqip” raporton se biznesi shqiptar dhe ai i huaj që operon në Shqipëri ka përpiluar një paketë kërkesash të cilat ia ka dërguar Ministrisë së Financave me synim marrjen parasysh të tyre në hartimin e paketës fiskale. Duhet thënë se nga paketa e kërkesave që raporton “Shqip” politika fiskale e qeverisë kontestohet gjerësisht dhe me gjasë ajo ka ndikuar në krijimin e një klime jo pozitive. Më poshtë kërkesat e biznesit:

Fasonët: Të mos paguhet tatimfitimi kur bëhet investim në makineri

Shqipëria do të goditet nga përmbytjet këtë vit, por edhe vitin tjetër. Kështu dekalroi në “Tema Tv”, ministri i Bujqësisë, Edmond Panariti, sipas të cilit duhet të merren masat që stacionet e hidrovoreve të furnziohen me energji elektrike. “Shqipëria ka një infrastrukturë tashmë të ndërtuar  të hidrovoreve, kanaleve të para dhe sistemit të kullimit dhe është në gjendje  të përballojë situata emergjente. Situata  të jashtëzakonshme krijojnë probleme jo vetëm në Shqipëri, por edhe në vende të tjera.

Nuk është propagandë ruse, por një fakt që po ndryshon realitetin politik në Lindjen e Mesme. Shumë irakenë, madje edhe kryeministri, Haider al-Abadi, po deklarojnë se fushata ajrore ruse është e mirëpritur. Mjafton që ajo të asgjësojë Shtetin Islamik, përgjegjës për luftën e tanishme dhe për zhvendosjen e miliona njerëzve në Siri dhe në Irak. NBCNEWS ka realizuar një reportazh nga Baghdadi, për të kuptuar se përse irakenët duan që Rusia të bombardojë vendin e tyre. Përgjigja ngado është ISIS?

Situata në Partinë Demokratike është e rënduar dhe po reflekton mosaprovimin për manovrat e kryetarit të saj. Shenjat e para u dukën që pas zgjedhjeve lokale, ku PD-ja mori një goditje shumë të fortë; u mbulua me heshtje pasi Lulzim Basha, kryetari, shtyu analizën e humbjes me idenë e fitimit të kohës, dhe del sot në sipërfaqe pasi është momenti i përballjes. Shkak është bërë raporti i sugjeruar për analizën e humbjes i cili ka shkaktuar probleme.