Lajme

Inxhinieri kanadez Charles Bombadier ka prezantuar një projekt që synon të shkurtojë në mënyrë radikale kohën e udhëtimit me avion. “Antipode” është emri i projektit që konsiston në një avion me shpejtësi deri në 24 Mach. Sipas asaj që prezantohet avioni merr 10 pasagjerë dhe distancën mes Londrës dhe New Yorkut e kryen për 11 minuta. Ai lëshohet në ajër nga një sistem i ngjashëm me atë të një treni që del nga një tunel nën ndikimin e fushës magnetike dhe mandej me karburante si oksigjen i lëngshëm apo kerosen arrin deri në 10 Mach.

Përballë kritikave brenda partisë dhe presionit politik të aleatit të tij kryeministri Rama duket se do të riformatojë kabinetin e tij qeveritar. Lapsi.al raporton për një mbledhje urgjente mbrëmjen e së martës të kreut të qëverisë me ministrat e tij, ku ka paralajmëruar ndryshime ministrash. Sipas të njëjtave burimeve kryeministri u ka deklaruar se shumë shpejt disa prej tyre do të duhet të largohen dhe t'i hapin rrugë ndryshimeve.

Rreth 100 ish-punonjës kanë protestuar para bashkisë së Tiranës, me pankarta në duar i kanë bërë thirrje kryebashkiakut Erion Veliaj që ti rikthejë në punë, pasi shkarkimi i tyre është bërë me pa motivacione. “O Erion, dil, zbrit e jepi llogari të pushuarve nga puna. Janë qytetarët e tu që kërkojnë të drejtat. Zbrit e mos u fshi, jep llogari. Na trego vendimet, na ktheni në punë”, kështu i është drejtuar me megafon një nga protestuesit. Para pak kohësh u shkarkuan rreth 600 punonjës nga UKT-ja. “Nuk mundeshit të ishim të gjithë sot këtu. Protestojmë për heqjen tonë të paligjshme nga puna.

Veç Parkut "Rinia" 9 lulishte në kryeqytet do të funskionojnë si patkingje nëntokësore. Bëhet fjalë për zona si lulishtja pas Pallatit të Kulturës, që aktualisht shërben si vend pushim e kënd lojërash për fëmijë.
Pak më tutje është parashikuar një tjetër parking te sheshi “Avni Rustemi”, i cili po i nënshtrohet një ndryshimi tërësor, i cili, me sa duket, prek dhe nëntokën. Sipas gazetës "Panorama"Në planet e Bashkisë për të ndërtuar sa më shumë parkingje ka rënë dhe një copë toke mes Bankës dhe Muzeut Kombëtar, madje dhe lulishtja pas Kryeministrisë.

Qeveria mund të paguajë në faqet e prestigjozes "The Economist" për ta prezantuar Shqipërinë si një vend atraktiv dhe lider i reformave në Ballkan, por në dy raporte të fundit Shqipëria vazhdon të perceptohet si një vend me regjim hibrid dhe shkallë të lartë korrupsioni. Agjencia britanike e kërkimeve dhe analizave “The Economist Intelligence Unit” ka publikuar indeksin e demokracisë për vitin 2015, ku nga katër ndarjet e niveleve të demokracisë: Demokraci e plotë, Demokraci me defekte, Regjime hibrid dhe Autoritarizëm mbetet ne grupin e vendeve të cilësuara si me “regjime hibrid”.

Shteti Islamik ka ndryshuar mënyrën e operimit dhe sipas informacioneve ka arritur kapacitetin e veprimit në shkallë ndërkombëtare. Kjo rezulton nga një përmbledhje e takimit mes ekspertëve të Europol, mbajtur në datat e 29 dhjetor-1 dhjetor 2015, e cila evidenton po ashtu se ISIS ka ngritur kampe stërvitore të vogla në Europë, por edhe në vende të Ballkanit.

Bashkia e Tiranës dhe kryetari i saj, Erion Veliaj janë zyrtarisht objekt i një hetimi për një vepër penale që ka konsumuar aparati drejtues i policisë bashkiake, me aprovimin e eprorëve. Prokuroia pritet të thërrasë për të pyetur disa zyrtarë te bashkisë pas konfirmimit se shkrimi në gjobën që bashkia e Tiranës i vuri Partisë Demokratike per protesten e 8 dhjetorit ishte i falsifikuar.

Bashkia e Tiranës dhe kryetari i saj, Erion Veliaj janë zyrtarisht objekt i një hetimi për një vepër penale që ka konsumuar aparati drejtues i policisë bashkiake, me aprovimin e eprorëve. Prokuroia pritet të thërrasë për të pyetur disa zyrtarë te bashkisë pas konfirmimit se shkrimi në gjobën që bashkia e Tiranës vuri Partisë Demokratike per protesten e 8 dhjetorit ishte falsifikuar. Burime nga akzua e kryeqytetit konfirmojnë se do të merren në pyetje i gjithë zinxhiri drejtues i policisë bashkiake, duke filluar nga kryeinspektori dhe drejtori i saj Ermal Kapllani.

Në kampin Auschwitz vdiqën më shumë se një milion njerëz, të vrarë në dhomën e gazit, të rraskapitur nga kushtet e pamundura të punës, ekzekutimet e shumta, rrahjet dhe torturat nga agjentët.
Viktimat ishin kryesisht hebrenj, rusë, polakë dhe rom. Kampet e vdekjes, vendet e terrorit u çliruan më 27 janar 1945. Momentet e shpresës, në të cilën u gjetën rreth 7 mijë të burgosur ende gjallë, njerëzimi i kujton ende sot, në ditën e përkujtimit të Holokaustit. ‪

Prokuroria ka tejkaluar afatin e rekursit për çështjen e ish guvernatorit të Bankës së Shqipërisë Ardian Fullani, duke mos e dërguar atë në Gjykatën e Lartë. Zyrtarisht prokuroria e Apelit pohoi për Top Channel se nuk ka depozituar rekurs në Gjykatën e nivelit të tretë, për të kundërshtuar vendimin e pafajësisë të shpallur më 23 dhjetor nga Kolegji Penal i kësaj gjykate.

Afati për ta kryer këtë veprim ishte deri më 23 janar, ndërkohë që në tejkalim të kësaj periudhe proceduriale meqënëse nuk pati asnjë reagim nga prokuroria, vendimi i pafajësisë për Fullanin merr formë të prerë.