Ekonomi

Shtesa e kontratës për koncesionin e kromit në Bulqizë e Burrel është dhënë me premtimin për të investuar atje 24 milionë dollarë. Kontrata e botuar në Fletoren Zyrtare sjell detajet se ku dhe si do të investohen këto para nga koncensionari ACR Holding. "TemaTv"

Qeveria lë të pandryshuar pagën minimale, ndërkohë zbatohet vendimi i gjykatës që rrëzoi vendosjen e pagës së referencës për kontributet e sigurimeve të profesioneve të lira. Ndërkaq, për ata që kanë tituj shkencor, për kuotën e kontributeve vendoset masa 5% e titullit.

"TemaTv"

Para tri ditësh u njoftua nga media lokale se ishte vendosur një linjë trageti Brindizi-Sarandë. Diçka që mendohej të sillte fluks lëvizjeje më të lartë drejt qytetit të jugut. Por sot njoftohet, po nga një media lokale, se Ministria e Transporteve, e drejtuar nga i mirënjohuri Edmond Haxhinasto, ka vendosur anullimin e linjës. “Trageti që filloi linjën Brindisi – Sarandë ka një kapacitet trasporti prej 822 pasagjerësh dhe 140 automjetesh. Por nga burime të Saranda Web mësohet se Ministria e Transporteve, me një pretekst të çuditshëm, ka bllokuar këtë linjë transporti.

Prej 1 shtatorit deri në fund të muajit shkurt reduktohet me 2% taksa për shitjen e banesave dhe trojeve. Aktualisht ky detyrim është 15%, por me ligjin e ri shkon përkatësisht 2% për familjet dhe 3% për bizneset.  Zv.ministrja e Financës, Irena Beqiraj, ka sqaruar mënyrën se si do të funksionojë ligji i ri për vlerësimin e pasurive të paluajtshme, si edhe kategoritë e atyre që mund të përfitojnë nga kjo amnisti.

OSHEE ka kontraktuar për muajin gusht blerjen e rreth 160 megavat energji elektrike me vlere 7,1 milion euro pa TVSH. Cmimi mestar që kanë dhënë kompanitë fituese të tenderit ka qenë 44.47 euro për megavat orë, ose rreth 4 euro më i shtrenjtë se cmimi i Bursës së Hungarisë që është referenca për blerje të tilla, raporton Tema Tv.

Nga janari deri në qershor të këtij viti Kontrolli i Lartë i Shtetit ka paditur në Prokurori 91 persona, asnjë ministër mes tyre. Niveli më i lartë i kallëzuar nga KLSH është Kryetar Bashkie dhe Drejtor institucionesh. Rezulton se ministritë dhe institucionet qëndrore zënë 27% të totalit të auditimeve por mesa duket KLSH nuk ka konstatuar asnjë shkelje duke e nxjerrë administratën të pastër.

"TemaTV"

Qeveria ka ndërmarrë hapin e parë për ndërtimin e një aeroporti të ri në jug të vendit për fluturime ndërkombëtare. Këshilli i Ministrave ka autorizuar Ministrinë e Transportit dhe Autoritetin e Avicionit Civil që të kryejnë tenderimin e projektit për realizimin e studimit të fizibilitetit për ndërtimin aeroportit.

Shitja e Bankers Petroleum te kinezët rrezikon të dështojë. Kompania kanadeze njoftoi se është finalizuar nj shtyrje e transaksionit të koorporatës tek degëte Geo-Jade Petroleum Corporation nëv azhdimësi të marrëveshjes që daton më 19 Mars, 2016. Marrëveshja parashikonte që Geo-Jade të blinte të gjitha aksionet e Bankers përmes degëve të saj me njëçmim prej C$2.20.

Bashkia e Sarandës ka miratuar në mbledhjen e datës 29 korrik pjesëmarrjen e saj në konsorciumin për zhvillimin e rajonit Vlorë – Gjirokastër. Kjo ishte hera e dytë që projektvendimi shqyrtohej në mbledhjen e këshillit dhe kësaj radhe ka kaluar. Në fjalën e saj, kryetarja e Bashkisë, Florjana Koka, deklaroi sse konsorciumi është një formë e partneritetit publik –privat, në të cilin përfaqëismi i saj, pra Bashkisë, do të jetë mee 10% të aksioneve. Koka tha se konsorciumi mundëson marrjen e kredive të mëdha, apo financimin e projekteve, që përndryshe nuk do të mund të realizoheshin.

Marrëveshja e qeverisë shqiptare me Fondin Monetar Ndërkombëtar nuk do të rinovohet. Ajo përfundon më 28 shkurt 2017 dhe sipas Vizion Plus, ministri i Financave, Arben Ahmetaj, ka lënë të kuptohet se nuk do të ketë një firmosje të dytë. “Vizion Plus ka mësuar se qeveria do të mbajë vendin e saj në Fond, por jo me kushtet që ka sot, ku FMN ka rol vendimtar në shumë politika ekonomike që ndërmerren, që nga taksat e deri te mënyra se si shpenzohen paratë në buxhet.