Ekonomi

Ministria e Transporteve shpalli si ofertë të preferuar, për dhënien me koncesion të Rrugës së Kombit konsorciumin turk “Vendeka Bilgi Teknolojileri”. Turqit që marrin shfrytëzimin dhe mirëmbajtjen e rrugës me koncesion për 30 vjet kanë kërkuar 5.6 milion euro në vit subvencion nga shteti.

Ofertat

Dje Parlameti shqiptar miratoi me 84 vota pro, 1 abstenim dhe 55 deputetë pa votuar,  projektligjin për nisjen e negociatave për ndërtimin e portit dhe zonës ekonomike mbështetëse në Karpen të Kavajës. Është bërë e njohur se investimi në total shkon 5 miliardë dollarë dhe e gjithë zona do të kapë 1700 ha.

Kompania "Bankers Petroleum" ka njoftuar se autoritetet kineze kanë shtyrë me një muaj miratimin e shitjes tek "Geo-Jade Petroleum Corporation". Por në njoftimin e kompanisë thuhet se të dyja shoqëritë, "Bankers" dhe "Geo-Jade" janë të angazhuara për përfundimin e transaksionit.

"TemaTv"

Ministria e Financave po shqyrton uljen e kufirit të pataksueshëm për blerjet on line, nga 150 euro në 45 euro. Statistikat e Shoqatës Shqiptare të Bankave thonë se janë mesatarisht mbi 120 mijë transaksione mujore për blerje online gjatë katër muajve të parë të këtij viti. Niveli më i lartë i tyre ka arritur në prill, me mbi 130 mijë transaksione on line. Monitor raporton se  volumi i transksioneve online është mbi 150 milionë euro në muaj. Një volum të konsiderueshëm e zënë dhe veshjet e ndryshme.

Nëse do të bësh një blerje online mbi 6000 lekë do të duhet të paguash edhe 22.4% më shumë taksa (TVSH plus taksë doganore). Sipas burimeve zyrtare nga Ministria e Financave është vendosur tashmë që kufiri i pataksueshëm për blerjet online të ulet nga 150 euro në 45 euro. Më parë ishte planifikuar që ky kufi të ulej në 22 euro, që u rrit me pas në 45 euro, aq sa sipas financave është dhe kufiri i lejuar i vendeve të Bashkimit Europian.

Ministri i Financave Arben Ahmetaj tha në një konferencë për shtyp se ekonomia po performon pozitivisht dhe se më këto rritme do të kemi një rritje ekonomike mbi 3.4 % në fund të vitit. Ai tha se të ardhurat e 6 mujorit janë 150 milionë $ më shumë se një vit më parë, ndërsa nënvizoi se kemi një rritje të konsumit dhe kjo e konfimruar edhe nga INSTAT, Banka e Shqipërisë dhe Ministria e Financave.

"TemaTv"

Komiteti për Zhvillimin e Rajoneve në 5 vendime të marra së fundi ka vendosur të japë rreth 17 milionë euro për më shumë se 30 projekte të infrastrukturës. Në vendimet e marra, ku nuk mungojnë as gabimet në përllogaritje, bie në sy mungesa e plotë e përfshirjes në financime të bashkive të veriut të vendit.

"TemaTv"

Qeveria ka në plan lejimin e ndërtimit të një porti të thellë, një projekti kompleks e gjigant me vlerë 5 miliardë dollarë. Gjithçka zbulohet në projektligjin i cili kërkohet të miratohet nga Kuvendi me procedurë të përshpejtuar për të mundësuar lidhjen e kontratës, me kompaninë ndërkombëtare “Star Bridge Port Developments Limited”.

"Tema Tv"

Gjykata Kushtetuese shfuqizoi ligjin nenin e ligjit që u përcakton pagën profesioneve të lira dhe mbi këtë pagë trefishoi pagesat e kontributeve. Me ndryshimet e bëra, 23 profesione të lira do të paguanin kontributet mbi pagën, e cila varion nga 40.500 lekë deri në 88.800 lekë. Për përcaktimin e nivelit të pagës u morën parasysh 6 kritere, duke nisur nga lloji i profesionit, zona, vitet e punës, paga për të njëjtin profesion në sektorin publik dhe statuti i profesionit.

Qeveria shqiptare ka vendosur t’u falë borxhet bizneseve, shuma e të cilave shkon në total në rreth 400 milionë dollarë.

Burimet nga Ministria e Financave bëjnë me dije se do të falen borxhet që bizneset kanë në tatime dhe dogana para vitit 2011. Projektligji parashikon të fshijë të gjitha gjobat, kamatvonesat dhe detyrimet, nga data 31 dhjetor 2011 dhe poshtë, pra 2011, 2010, 2009, 2008”.