Arkiv-Lajme

Do gazeta të sotme, mes të cilave binte në sy Shekulli, jepnin lajmin se pas tërheqjes së Zaganjorit PS-ja është gati të japë emra. Sipas këtyre të përditshmeve është situata e re ‘post Zaganjori’ që lyp një taktikë të re, e prandaj, sipas këtij versioni, nuk do kish kuptim që opozita të mos kish kandidaturat e saj.

Pas vetë-largimit të Xhezair Zaganjorit nga gara presidenciale, kandidati i vetë-ofruar Fatos Nano, i cili ka marrë njëfarë përkrahje publike nga ambasadori amerikan në Tiranë, u bëri edhe një herë thirrje kryetarëve të partive parlamentare që ta zgjedhin në postin e Presidentit të Republikës, si një figurë që mund të realizojë unitetin e popullit. PD-ja dhe LSI-ja, pa iu referuar drejtpërdrejt Nanos, bënë të qartë në deklaratat e tyre se do të shkojnë në raundin e 4-të të votimit për president me një kandidat tjetër të mazhorancës, që do të zëvendësojë kandidatin Zaganjori.

Ka përfunduar para pak çastesh takimi mes kreut të PS, Edi Rama dhe aleatëve, ku është diskutuar për çështjen e presidentit.
Kreu i Partisë për Ligj dhe Drejtësi, Spartak Ngjela, duke folur pas takimit ka nënvizuar se e drejta e propozimit të kandidatit tashmë i takon opozitës.
“Berishës s’i lejohet më propozimi nëse flitet për konsensus. Tani të drejtën e propozimit të kandidatit e ka opozita”, ka deklaruar Ngjela.

Në deklaratën e tërheqjes së Zaganjorit nga gara presidenciale vihet re se ai ka patur merak të saktësojë që ikja e tij është ikja e tij. “E di që analistët do më paragjykojnë këtë vendim si të marrë nën presion”, tha ai, si të donte të shkurajonte çdo lloj spekullimi. Në fakt, shumë vetë u kapën të papërgatitur nga ky lajm. Menjëherë pasi ai bëri publik vendimin e tij, nuk gjeje dot një njeri që të thosh se “po, e dija, pritej, etj, etj”. Dhe në fakt, edhe pse s’e ka vënë njeri në dyshim, po rezulton se është tamam kështu.

Kandidati presidencial i propozuar nga shumica qeverisëse, Xhezair Zaganjori ka deklaruar sot për Top-channel-in se ka vendosur ta tërheqë kandidaturën e tij. Vendimi i tij është marrë menjëherë pas përfundimit, në fakt dështimit, të raundit të tretë të votimit në parlament.

Bodigardët e fabrikës së çimentos në Fushë Krujë rrahin dhe dhunojnë fizikisht para drejtorisë së policisë së Tiranës gazetarin e njohur të kronikës në gazetën Shekulli, Dashamir Biçakun.
Gazetari u dhunua fizikisht duke u rrahur me grushta nga bodigardët ndërsa ishte duke filmuar para Drejtorisë së Policisë. Drejtues të fabrikës së çimentos në Fushë Krujë po dëshmonin sot në gjykatë lidhur me vrasjen e punonjësit të tij pakistanez Anuar Rizik gjatë një atentati mafioz me bombë në banesën e tij.

Jeni lodhur nga show presidencial, me të cilin ne njerëzit e mass-media-s ju kemi ushqyer mëngjes, drekë, darkë? Ju kanë ardhur në majë të hundës “ngjarjet e ndeshtrashat në fshatin tonë”? Epo mirë, qysh nga ky moment keni me se të merreni. Sot në Varshavë ngrihet sipari i Kampionatit Europian të Futbollit, i cili do të luhet – kështu është vendosur për t’i dhënë pak gjallëri lindjes së kontinentit të vjetër – në Poloni e Ukrainë. Show është i garantuar për ata që janë të apasionuar pas futbollit.

Berisha sot dhe Klani i tij mbrëmë e shtuan trysninë ndaj Edi Ramës për kandidimin e Nanos nga PS-ja për raundin e 4-ët të votimit për Presidentin e Republikës. Berisha tha sot në Kuvend se fakti që PS-ja nuk don të paraqesë kandidat të sajin në garën presidenciale tregon se “lepuri fle te Fatos Nano” Ndërsa Fevziu & co. mbrëmë në TV Klan harxhuan tre orë duke argumentuar se përse PS-ja duhet të kandidojë Nanon për president.

Ky insistim i Berishës dhe Klanit të tij për kandidimin e Nanos ky dy shpiegime racionale: