Arkiv-Lajme të përditësuara

Korrupsioni, moskoordinimi i punës mes institucioneve, por dhe pengesat e tejskajshme procedurale çuan në dështimin e plotë të procesit të legalizimeve. Kështu pohon Kryeministri Edi Rama, ndërsa sjell dhe njëherë në vëmendje gjithë shkeljet dhe situatën e rënduar të konstatuar nga kreu i ri i Agjencisë së Legalizimit, Urbanizimit, Integrimit të Zonave të Ndërtimeve Informale, Artan Lame. Rama rendit 7 arsyet e këtij dështimi të cilat nuk do të përsëriten më nga qeveria e re.

Prokuroria e Tiranës ka në dorë dosjen e referuar nga Task-Forca e Krimit Ekonomik në Polici për ish-Zëvendësministrin e Brendshëm, Ferdinand Poni, në lidhje me veprat penale të dyshuara “shpërdorim detyre” dhe “korrupsion”. Kreu i të djathtëve në Këshillin Bashkiak të Tiranës, akuzohet se kur ka ikur nga posti, nuk ka lënë të rregullt inventarin e Gjendjes Civile. Bëhet fjalë për pajisjet dhe automjetet e blera për llogari të Gjendjes Civile dhe Regjistrit Civil, të tenderuara vite më parë.

Drejtuesit e partive demokristiane kanë themeluar sot Unionin Demokristian Shqiptar, i cili do të drejtohet nga Zef Bushati. Në bazë të statutit të krijimit të Unionit, drejtimi do të jetë me rotacion, me mandat 1-vjeçar. Sipas Zef Bushatit slogani i Unionit do të jetë “të bashkuar do të jemi më të fortë”. I pyetur nga News 24 në cilën anë do të radhitet Nard Ndoka tashmë që demokristianët janë bashkuar në një union, Bushati u përgjigj: “Nuk ka asgjë për tu shqetësuar nëse njëri prej vëllezërve të familjes sonë është në mazhorancë dhe një tjetër në opozitë.

INUK ka marrë në dorëzim mesditën e sotme kompleksi ‘Jon’ tek Uji i Ftohtë i cili do të shpërthehet me eksploziv brenda pak ditësh.

Në bazë të afatit të lënë nga INUK, banorët janë larguar sot deri në orën 12:00 nga ambientet e apartamenteve të tyre, çka do të thotë se ndërtesa është tashmë në duart e INUK dhe xhenios që do të bëjë të mundur shpërthimin e kontrolluar të kompleksit.

Forcat e xhenios kanë nisur përgatitjet për të vendosur piketat me eksploziv, të cilat për shkak të përmasave të kompleksit mendohet të jenë mbi 1 mijë.

Dy shqiptarë dhe një efektiv i policisë greke mbetën të vrarë të dielën, gjatë një përleshje me armë zjarri të ndodhur në kufirin shqiptaro-grek. 

Lajmi u raportua gjatë mëngjesit gjerësisht prej mediave greke, të cilat iu referuan një komunikate të policisë së Selanikut.

Shtetasit shqiptare jane identifikuar si vellezerit Melsi dhe Klevis Çollaku, nga fshati Shuec i Korces, ndersa polici grek ishte 43-vjeçar, baba i nje vajze 12-vjeçare.

TIRANE- Prej datës 9 dhjetor Shqipëria do të jetë anëtare e Europol. Marrëveshjen e cila do të nënshkruhet  nga Saimir Tahiri me Zyrën e Europol në Hagë, është cilësuar nga ministri i Brendshëm, historike.

Që diçka kishte ndryshuar, u kuptua vetëm mëngjesin e 20 tetorit të shkuar, ditë e diel.

Të gjithë televizionet informative po transmetonin direkt një ndërtesë katërkatëshe në periferi të Tiranës.

Në orën 13:11, një zhurmë u dëgjua, kamerat u dridhen, më pas tym dhe pluhur. Struktura ishte ende sërish në këmbë. Misioni shkoi deri në gjysmë, më pas ishin fadromat që e shkatërruan godinën.

Por në këtë cep të vogël të Evropës, kjo është një risi.

Plaga e ndërtimeve pa leje

Çfarë po bëhet me premtimet e mëdha të qeverisë për ekonominë, shëndetësinë dhe drejtësinë? Sipas Panaritit, ndëshkueshmëria e politikanëve ka nisur me nxjerrjen në gjyq të kreut të Bashkisë së Vlorës dhe do të vijojë edhe me emra të tjerë.

Bashkëshortët - Në një pjesë të madhe të rasteve, përfaqësuesit e drejtësisë kanë gjithashtu bashkëshortët e tyre pjesë të këtij sistemi. Këtu mund të përmendet rasti i Xhezair Zaganjorit, bashkëshortja e të cilit është notere, por edhe ai i Neshat Fanës, ku e shoqja është anëtare e Gjykatës së Lartë.

Bizneset - Përfaqësuesit e sistemit të drejtësisë deklarojnë se përkrah me detyrën e tyre si dhënës drejtësie, zhvillojnë dhe biznese të ndryshme, të cilat nisin nga aksionet në kompani ndërtimi dhe përfundojnë deri te fermat bujqësore dhe bletaria.

Policia e qytetit të Elbasanit ka ekzekutuar pasditen e së shtunës një operacion të koduar me emrin “Rruga e Fundit”, gjatë të cilit janë arrestuar katër persona për trafik mjetesh luftarake. 

Lajmin e bëjnë të ditur burime policore lokale, sipas të cilave të arrestuarve iu është sekuestruar 110 kilogramë eksploziv i tipit amonit dhe rreth 650 kapsolla.