Arkiv-Lajme të përditësuara

Autobusi i linjës Tiranë-Korçë dhe 3 autobusë që bënin linjën Tiranë-Elbasan janë goditur me gurë mesditën e sotme, teksa udhëtonin në afërsi të zonës së Mulletit.

Autobusi i linjës Tiranë-Korçë, me targa TR1839T ishte i mbushur me pasagjerë në momentin e goditjes, por fatmirësisht asnjë prej tyre nuk është lënduar.

Mësohet se nga goditja me gurë e autobusëve janë thyer xhamat e tyre. Policia bën me dije se ende nuk ka identifikuar personat që qëlluan në drejtim të autobusëve. Ndërkohë që në vendngjarje kanë nisur tashmë hetimet.

Të paktën katër automjete janë përplasur mes tyre ditën e sotme në një aksident të ndodhur në Lushnje. Ngjarja ka ndodhur rreth orës 13.40. POlicia ka thënë se nga përplasja e katër automjeve kanë mbetur të plagosur disa persona.

Një avion ka dalë nga pista në SHBA duke shkaktuar frikë dhe panik. Një nga gocat e një avioni te US Airways me 154 pasagjerë dhe ekuipazhi në bord mendohet se ka qene shkak i ngjarjes.
Avioni ka dale jashte pistës në aeroportin ndërkombëtar Filadelfia të enjten , duke bërë pilotin që të ndërprese  fluturimin.
Nuk pati raportime për lëndime të rënda në incidentin e ndodhur ne oret e hershme të mbrëmjes. Nje zyrtar i aeroportit Philadelphia tha se dy pasagjerët u shtruan në spital , një me një plagosje të vogël dhe një me një sëmundje të vogla .

Kryeministri Edi Rama vizitoi të premten në Ditën e Verës , Panairin e hapur në qytetin e Elbasanit. “Ky qytet është graviteti i Ditës së Verës, dhe është kënaqësi të jesh në këtë qytet në këtë ditë feste”, deklaroi kryeministri Rama.
Ajo që mësova me kënaqësi, tha Kryeministri në fjalën e tij, është se shumë emigrantë shqiptarë të kthyer kanë filluar të bëjnësipërmarrje të suksesshme .

Një skelet i nje njeriu qe mendohet se ka gjetur vdekjen kohe me pare, është gjetur mëngjesin e sotëm pranë Urës së Koshovicës në Fier. Policia bën me dije se mbetjet njerezore  u gjeten nga banorët e zonës dhe dyshohet se i përket një mashkulli.Sipas policisë personi dyshohet të jetë mbytur në kanalin vaditës. Nga hetimet paraprake mendohet se ngjarja ka ndodhur para 5 muajsh.

Gjykatësi Sandër Simoni pritet tu komunikojë sot masën e sigurisë katër të pandehurve të tjerë të cilët janë arrestuar të dyshuar si pjesëtarë të një ‘celule’ terroriste. Konkretisht, gjykata jep sot masën e sigurisë për të pandehurit Astrit Tola, Verdi Morava, Orion Reçi dhe Edmond Balla.

Fillimisht, gjykatësi Simoni i komunikoi masën e sigurisë “arrest me burg” të pandehurve Astrit Tola  dhe  Orion Reçin, ndërsa  po zhvillohen një nga një seancat edhe për 2 të pandehurit e tjerë, Verdi Morava dhe Edmond Balla.

Një kilogram kokainë është bllokuar sot nga policia shqiptare në kufi me Greqinë në Kakavijë.

Burimet zyrtare nga policia kanë thënë së droga u sekuestrua në autobusin e linjës Tiranë-Athinë.

Sipas njoftimeve nga burimet e policisë, mesohet se kokaina u gjet në 1 çantë me mbishkrimin F.S.

Përplasje mes policisë së shtetit dhe policisë bashkiake në kryeqytet gjatë përgatitjes së festimeve për Ditën e Verës. Shkak është bërë vendosja e një platforme në formën e minifushës së futbollit ku pritet të mbahen aktivitete gjatë ditës së sotme. Në orët e para të mëngjesit të sotëm, vendosja e tendave në bulevardin ‘Dëshmorët e Kombit’ ka tensionuar situatën, pasi policia nuk ka lejuar punonjësit e bashkisë të vijojnë punën. Bashkia e Tiranës, policia ka shoqëruar 2 punonjës të Policisë Bashkiake ndaj të cilëve është ushtruar edhe dhunë fizike.

Vrasja ne deren e shtepise ne Proptisht te Pogradecit, ka sjellë shoqerimin e 13 personave, por ende nuk ka nje autor per ngjarjen.
Nga hetimet e para mesohet, se ka qene vetem nje person, ai qe ekzekutoi me automatik 47-vjecarin Shkelqim Topalli.
Dyshohet ,se viktima ka patur konflikte personale me autorin, i cili dyshohet se eshte banor i zones.
Ai u vra naten ne pragun e shtepise, ku i thirren me nje emer tjeter. Gruaja dhe dy femijet degjuan bresheri automatiku dhe me pas pane trupin e gjakosur te kryefamiljarit.

Pas një hetimi intensiv për tre muaj, Inspektorati Policor i Kosovës, ka arrestuar një zyrtar policor të stacionit Qendra – Drejtoria Rajonale e Prishtinës.
Operacioni i koduar me emrin “Rekruti” është realizuar në bashkëpunim me Drejtorinëpër hetimin e trafikimit me qenie njerëzore të Policisë së Kosovës.
Arrestimi i zyrtarit policor është bërë me dyshimin se i njëjti ka kryer veprat penale: trafikim me njerëz, keqpërdorimi i pozitës apo autoritetit zyrtar, kanosje, sulm dhe ndërprerje e palejuar e shtatzënësisë.