Arkiv-Lajme të përditësuara

Kompania e fluturimeve Albanian Airlines, në një letër të hapur, dërguar për mediat para pak minutash, denoncon atë që e quan një falimentim të detyruar nga shteti. Kompania thotë se asaj i janë ndaluar fluturimet dhe i është këshilluar që pasagjerët të dërgohen tek kompania Belle Air. Gjeni më poshtë letrën e plotë:

Të nderuar partnerë të medias

Katër minoritetet kryesore ne vend, greket, serbet, maqedonasit dhe vllahët nuk do te njohin censusin, duke e cilësuar atë te dështuar. Sipas tyre, legjislacioni i tij kishte si qellim te tkurrte statistikat e pjesëtarëve te etnive.

Spitalet tona kane kosto të ndryshme edhe në trajtimin e të njëjtës sëmundje te pacientët. Instituti i Sigurimeve të Kujdesit Shendetësor vëren, se këto kosto ndryshojnë për shkak të pabarazisë së ndarjes së investimeve, pasi në spitalet ku ka mungesë aparaturash apo mjekët nuk janë shumë të kualifikuar, kostoja e trajtimit të një pacienti është me e lartë.
Shërbimi i Kirurgjisë në një spital bashkiak i kushton shtetit 55 mijë lekë, ndërsa po i njëjti shërbim i kushton 45 mijë lekë në një spital rajonal. Një ndryshim më i madh vihet re në shërbimet e Patologjise.

Në vitin 2002 qeveria shqiptare miratoi një ligj që rriste moshën e daljes në pension me 5 vjet, si për burrat ashtu edhe për gratë.
Sipas ligjit, mosha e daljes në pension rritej gradualisht me 6 muaj në vit për një periudhë 10-vjecare. Ligji kishte dy qëllime. Së pari të lehtësonte buxhetin nga pagesat për pensionet, duke ulur vitet e përfitimit. Dhe së dyti, t'i shtynte në kohë këto pagesa, pasi rritja graduale e moshës përgjysmonte numrin e atyre që dilnin në pension cdo vit.

Kryetari i LSI-së, Ilir Meta kërkoi sot që të nisë puna sa më shpejt për reformën zgjedhore, e cila sipas tij duhet të mbështetet në dy shtylla kryesore, gjithëpërfshirjen dhe transparencën.

“Dua t’i bashkohem thirrjes së ambasadorit të prezencës së OSBE-së në vendin tonë, Eugen Wollfarth, lidhur me fillimin e menjëhershëm të punës për reformën zgjedhore, e cila pritet me mjaft interes edhe nga Bashkimi Evropian. Është koha për të lënë mënjanë retorikën. Për të kthyer fjalët në vepra konkrete, përmes një reformë transparente dhe gjithëpërfshirëse.”- tha Meta.

Policia në Kosovë bëri të ditur se një person ka humbur jetën nga pasojat e plagëve që pësoi bashkë me dy të tjerë në një incident me armë zjarri në një lagje me popullsi etnikisht të përzier në veriun e Mitrovicës. Të tre ata janë të përkatësisë kombëtare serbe, ndërsa njëri prej tyre është pjesëtar i Policisë së Kosovës.

Policia, e cila ka bllokuar vendin e ngjarjes dhe është duke kryer hetimet, nuk ishte në gjendje të jepte më shumë hollësi rreth incidentit i cili kishte pasuar një përplasje ndërmjet grupesh të serbëve dhe shqiptarëve.

Korporata Elektroenergjetike Shqiptare, kompania nën pronësi. shtetërore që kryen furnizimin me energji elektrike të vendit, është aktualisht në vështirësi financiare dhe ka kërkuar trefishim të çmimit me të cilën e shet energjinë, një rritje kjo që duket se është e vetmja zgjidhje.
Sipas gazetës “Shqip”, KESH ka kërkuar zyrtarisht nga Enti Rregullator i Energjisë, t’i rritet çmimi me të cilin shet energjinë te OSSH-ja, nga 1.48 lekë që është për vitin 2010, në 5.03 lekë për vitin e ardhshëm, por vetë drejtori i ERE-së ka deklaruar më herët se nuk ka ndër mend ta rrisë çmimin.

Punonjësit e administratës publike ka gjasa që do të mbeten edhe në vitin 2012 pa pagesë për punën jashtë orarit apo ditëve të pushimit, pasi buxheti i shtetit nuk ka programuar fonde për këto pagesa.
Lajmi bëhet i ditur nga relacioni që shoqëron projektbuxhetin e vitit 2012 dhe që është publikuar nga Ministria e Financave.

Në Shqipëri të gjithë bien dakort se ekonomia shqiptare po vuan tanimë pasojat e krizës ekonomike europiane, veçanërisht asaj greke, e se do të vazhdojë t’i ndjejë ndikimet. Debati që zhvillohet lidhet me masën e këtij ndikimi dhe çfarë përgatitjesh duhen bërë për t’u paraprirë atyre.

Në selinë e Partisë Socialiste mësohet se është mbyllur procesi i numërimit të votave për Asamblenë e re Kombëtare.

Për numërimin e votave ishin ngritur tri grupe pune me nga shtatë anëtarë secili, për të dhënë mundësinë që numërimi të mbarojë sa më shpejt. Pavarësisht kësaj numërimi ka zgjatur me shumë nga çfarë ishte menduar. Të dielën, të nesërmen e Kongresit, komisionet e numërimit të votave nuk punuan për shkak të festës së Kurban Bajramit.