Arkiv-Lajme të përditësuara

Tre vitet e krizës kanë shkaktuar një reduktim të ndjeshëm të numrit të vendeve të punës në ndërtim, industri përpunuese, transport e komunikacion, ndërkohë që punësimi është shtuar në arsim, tregti dhe industrinë e energjisë e ujit. 

Këto janë të dhënat e bëra publike nga statistikat zyrtare që grumbullohen nga administrata dhe raportohen nga Instituti i Statistikave, pasqyruar në numrin e së premtes të gazetës “Shqip”.

Gazmend Oketa e quan një vlerë arkitektonike ndaj shpreh sërish qëndrimin e tij kundër prishjes së Piramidës. Ish-ministri i Mbrojtjes, deputeti i Partisë Demokratike, me profesion inxhinier ndërtimi është shprehur sërish kundër prishjes së Piramidës, një objekti me vlera arkitektonike dhe pikë referimi për takimet e të rinjve. 

BRUKSEL – Dështojnë përpjekjet për ndryshimin e traktatit të Bashkimit Europian, për të zgjidhur krizën në eurozonë. 
27 vendet anëtare të Bashkimit Europian nuk ranë dakord për ndryshimin e traktatit të bllokut, për shkak të kundërshtimeve të Britanisë, e cila vendosi veton kundër këtij traktati.

Duke folur pas bisedimeve të gjata në Bruksel, presidenti Sarkozy u shpreh se 17 vendet anëtare të Eurozonës dhe gjashtë të tjerët do të punojnë për një marrëveshje të veçantë. 

BRUKSEL- Rreziku i shpërbërjes së Europës nuk ka qenë kurrë kaq i madh për Europën. Ka qenë ky paralajmërimi që ka bërë vetë presidenti i Francës Nikola Sarkozi, gjatë fjalimit të mbajtur në kongresin e 20-të të Partive Popullore Europiane. 

Sipas tij, Europa nuk ka qenë kurrë në rrezik kaq të madh. “Europa po përballet me një situatë jashtëzakonisht të rrezikshme. Asnjëherë rreziku i shpërbërjes nuk ka qenë kaq i madh”- tha Sarkozi. Sic tha ai, ekonomitë e eurozonës kanë ende disa javë kohë për të vendosur, por se koha po punon kundër tyre. 

Sekretarja amerikane e shtetit tha sot se bllokimi i rrugëve në Veri të Kosovës nga disa radikalë serbë, e ka vendosur rajonin në një pozicion shumë të vështirë.

“Ne e dënuam dhunën kundër forcave të KFOR-it dhe rikonfirmuam qëndrimin tonë se liria e lëvizjes duhet të rikthehet për KFOR-in, për misionin e Bashkimit Evropian, EULEX dhe të gjitha palët e tjera në Veri”, tha zonja Clinton.

Ballkani ishte një nga temat e takimit ministerial të NATO-s dhe Shtetet e Bashkuara shprehën mbështetjen për KFOR-in, si edhe integrimin euro-atlantik të rajonit.

BRUKSEL- Banka Qendrore Europiane ka ulur normën bazë të interesit për euron në nivelin më të ulët historik prej 1%, ashtu sic pritej edhe nga tregjet financiare ndërkombëtare. Ulja me 0, 25% e kostos së euros ndodh ndërsa kriza dhe recensioni kërcënojnë Eurozonën.

Vendimi i Bankës Qendrore Europiane është marrë pak përpara zhvillimit të samitit të BE-së, ku do të përpilohet një plan për shpëtimin e monedhës europiane. Sytë e të gjithëve do të përqendrohen tek presidenti i BQE-së, Mario Drahgi i cili do të dalë në një konferencë për shtyp pas takimit.

LARISA - Kriza që ka pllakosur Greqinë, i detyron sipërmarrësit dhe biznesmenët të mendojnë mënyra nga të ndryshmet për të mbijetuar, për të zvogëluar sa të jetë e mundur shpenzimet, në mënyrë që të mbrojnë bizneset e tyre nga më e keqja, falimentimi. 

Në kohët e vështira që po jetojnë bizneset greke, idetë janë nga më të cuditshmet, dhe njëra prej tyre është edhe gjetja e mënyrave alternative për të paguar punonjësit. 

Gjermanishtja pritet të futet si gjuhë e dytë në shkollat e mesme dhe universitete. Pas anglishtes, e cila vitet e fundit ka pasur prioritet në politikat arsimore, Ministria e Arsimit po sheh mundësinë e integrimit e gjermanishtes në kurrikulat mësimore. Ministri Myqerem Tafaj tha dje se futja e gjuhës gjermane si gjuhë e dytë në shkollat e mesme dhe në universitetet publike do të jetë një ndër prioritetet e Ministrisë së Arsimit. Ai e cilësoi si të suksesshëm projektin dygjuhësh në shqip dhe gjermanisht, i aplikuar në katër shkolla në kryeqytet.

Indeksi i Çmimeve të Konsumit në terma vjetorë shënoi nivelin 2.9 për qind gjatë muajit nëntor, me një rënie të lehtë në krahasim me tetorin, ka bërë të ditur Instituti i Statistikave dje. 

Çmimet e grupit ushqime dhe pije joalkoolike u rritën me 3.5 për qind në krahasim me një vit më parë, ku çmimet e bukës dhe drithërave shënuan rënien më të madhe me 8.7 për qind, ndërkohë që zarzavatet kanë shënuar një rënie të pazakontë prej 8.6 për qind. 

MOSKË- Kryeministri Rus Vladimir Putin ka akuzuar Shtetet e Bashkuara të Amerikës se qëndrojnë pas protestave që pasuan zgjedhjet parlamentare në vend. 

“Sekretarja amerikane Klinton u dha sinjal aktivistëve të opozitës, ata e dëgjuan këtë sinjal dhe nisën punën aktive”,- deklaroi Putin duke u cituar nga agjencia e lajmeve Reuters. 

Ndërkohë në mbarë vendin kane vijuar protestat dhe arrestimet. Në Shën Petërsburg sipas njoftimeve të agjencive përsëri janë arrestuar të paktën 100 kundërshtarë të qeverisë.