Arkiv-Lajme të përditësuara

Zbulohen themelet e një prej xhamive më të vjetra në qytetin e Shkodrës, Xhamisë së Qafës, e ndërtuar 300 vite më parë. Themelet e kësaj xhamie kanë dalë në dritë, ndërsa Myftinia e Shkodrës po bënte rikonstruksionin e Xhamisë së Plumbit. Myftiu i Shkodrës, Muhamet Syrtari pohoi se kemi të bëjmë me një objekt shumë të rëndësishëm, si nga ana arkitekturore, ashtu dhe nga ana kulturore.

Spitali Rajonal i Lezhës përballon një fluks të lartë pacientësh, jo vetëm ata që vuajnë nga sëmundje të ndryshme apo nga virozat stinore, por edhe urgjencat e aksidenteve si edhe të plagosurve me armë zjarri. Pacientët jashtë kamerave ngrejnë shqetësimin e mungesës së medikamenteve. Lidhur me këtë, drejtori i Spitalit, Novruz Bare shprehet se urgjenca është e furnizuar me kapacitet të plotë gjë që nuk ndodh në pavione.

Banka Botërore, e cila po asiston qeverinë shqiptare për reformën në pensione, ka dhënë sinjal të qartë se rritja e moshës së daljes në pension është një nga zgjidhjet më të mundshme të problemit. Gjatë prezantimit të raportit “Rritja e artë: Rikthimi i shkëlqimit të Europës”, Indermit Gill, kryekonomist i rajonit të Europës dhe Azisë Qendrore në Bankën Botërore u shpreh se duhet pasur kujdes nga skemat e mbrojtjes sociale që tejkalojnë kapacitetet. Ai rekomandoi që me rritjen e jetëgjatësisë të rritet edhe mosha e punës, duke dekurajuar kështu daljen e hershme në pension.

Rritja e shpejtë e çmimit të naftës në nivel rekord nuk është më një kërcënim në horizont, por një pasojë që po jepet efektin e parë në ekonominë vendase. 

Ekspertë dhe përfaqësues të biznesit evidentojnë disa aspekte.

“Në fazën e parë do të kemi një rënie të prodhimit për çdo njësi industrial dhe kjo sjell rritjen e kostove bazë të prodhimit. Kjo gjë përkthehet në largim punonjësish, ndërsa më pas mund të shkojë në mbyllje të industrive që është shumë e rëndë”, shprehet Gjergj Buxhuku, përfaqësues i Konfindustrias.

Mbi 2 mijë aktivistë, personalitete të jetës civile dhe intelektualë marshuan në Shkup për të përcjellë apelin kundër dhunës ndëretnike të kohëve të fundit, më e ashpra që nga koha kur vendi arriti të shmangë luftën civile një dekadë më parë. Në dy javët e fundit, incidente të shumta janë regjistruar nga banda të rinjsh sllavë të drejtuara kundër shqiptarëve, ku ka pasur edhe viktima. 

Kandidati socialist në zgjedhjet presidenciale në Francë, Francois Hollande premton të ndryshojë traktatin e BE-së për buxhetin, e të përfshijë në të, një taksë për transaksionet dhe bono të përbashkëta evropiane për të financuar investimet në sektorin e energjisë, arsimit dhe zhvillimit urban. Deklaratat janë bërë gjatë një takimi të politikanëve socialistë nga i gjithë kontinenti, në Paris. 

Shërbimet Sekrete të Norvegjisë (PST) paralajmëruan të dielën për mundësinë e sulmeve të tjera si ai i Breivik, i cili në korrik 2011 vrau 77 persona, nëpërmjet një bombe në Oslo dhe sulmit me armë automatike në një kamp rinor. 

”Është e mundur që një tjetër person, i nisur me qëllimet e Breivik, të arrijë të ketë sukses në realizimin e sulmeve të llojit terrorist”, pranoi shefi i PST-së, Roger Berg.

Kryeministri spanjoll, Mariano Rajoy, ka thënë se Spanja nuk e njeh pavarësinë e Kosovës, edhe pse atë e kanë bërë shumica e partnerëve të saj evropianë, sepse kjo është në favor të interesave të përgjithshme të spanjollëve.

 Rritja e jetëgjatësisë të papullatës së Europës dhe ulja e moshës së daljes në pension po rrisin shpenzimet nga qeveritë e këtyre vendeve, duke diktuar nevojën për rishikimin e skemës së pensioneve. 

Një raport i fundit i Bankës Botërore mbi modelin e ri ekonomik në këtë kontinent nxjerr në pah se impaktet e fiskale të plakjes në sistemet e pensioneve dhe kujdesit shëndetësor po mungojnë në vendet kandidate të BE-së dhe ato të partneritetit lindor. 

"Kërkoj një apartament të vogël me qira". Kjo është kërkesa më e madhe e qindra të rinjve, por edhe emigrantëve, të cilët janë kthyer kohët e fundit në Shqipëri. 

Perfaqesuesit e agjencive te ndryshme pohojne se kerkesa per apartamentet e vogla brenda Unazes, por edhe jashte saj eshte rritur, çka ka ndikuar edhe ne rritjen e cmimit te ketyre banesave.

"Eshtë rritur kërkesa për apartamentet të lirë dhe ekonomikë. Për pasojë është rritur edhe çmimi i apartamenteve me sipërfaqe të vogël", thotë Alpens Fila, nga Agjencia "Inf '93".