Arkiv-Lajme të përditësuara

Presidenti sirian, Bashar al-Assad u shfaq sot në publik në një xhami në Damask me rastin e Bajramit, ndërkohë që opozitarët protestuan në rrugë kundër regjimit, bënë të ditur sot burime mediatike siriane. 

Presidenti sirian u fal në një xhami në Damask me rastin e festës së Bajramit, ndërsa opozitarët protestuan në rrugë kundër regjimit. 
Për këtë festë, që shënon fundin e Ramazanit, televizioni zyrtar transmetoi pamjet e kreut të shtetit duke u falur për Bajramin në xhaminë al-Hamad bashkë me kryeministrin, Wael al-Halaqi si dhe me kreun e parlamentit, Jihad Lahham. 

Bulqiza është një nga qytetet me problemet sociale më të mëdha në vend dhe së fundmi banorët vuajnë edhe mungesën e ujit të pijshëm. 

Prej një muaji ata nuk furnozohen me ujë dhe më problematike situata është në lagjet Minatori dhe Gjelogu. 

Banorët akuzojnë ndërmarrjen e ujësjellësit, e cila nuk është në gjendje të menaxhojë situatën pasi sipas tyre është e para herë që në këto 20 vite përballen me një situatë të tillë, që në qytetin e Bulqizës të mos ketë ujë kur ai zotëron burime të bollshme uji. 

Hakera të panjohur sulmuan faqen në ueb te gjykatës ruse, e cila dënoi me nga dy vite burg tri anëtaret e rock-bendit “Pussy Riot”. 

Në faqën e internetit të gjykatës Kamovniçeski të Moskës, hakerat postuan slogane në mbështetje të “Pussy Riot”, komente të ndryshme dhe një video-klip të këngëtarit homoseksual të Bullgarisë, Azis. 

Një zëdhënës i gjykatës konfirmoi sulmin bërë faqes. 

Buxheti i shtetit ka grumbulluar më pak të ardhura nga tatimi mbi vlerën e shtuar që është taksa që tregon konsumin dhe tatimin mbi fitimin, që dëshmon për gjendjen financiare të biznesit. Nga të dhënat e fundit të Ministrisë së Financave rezulton se gjatë shtatë muajve të parë të këtij viti, taksa kryesore, që është tatimi mbi vlerën e shtuar siguroi të ardhura në vlerën e 64.6 miliardë lekëve, ose rreth 1.6% më shumë se një vit më parë. 

Buxheti i shtetit ka grumbulluar më pak të ardhura nga tatimi mbi vlerën e shtuar që është taksa që tregon konsumin dhe tatimin mbi fitimin, që dëshmon për gjendjen financiare të biznesit. Nga të dhënat e fundit të Ministrisë së Financave rezulton se gjatë shtatë muajve të parë të këtij viti, taksa kryesore, që është tatimi mbi vlerën e shtuar siguroi të ardhura në vlerën e 64.6 miliardë lekëve, ose rreth 1.6% më shumë se një vit më parë. 

Zbatimi i reformave strukturuese në vendet periferike të zonës euro, si Greqia, Irlanda, Portugalia dhe Spanja, ka përmirësuar por nuk ka zgjidhur tërësisht ekuilibrat e brendshëm të zhvilluar nga këto vende para krizës. 

Kështu thotë agjencia ndërkombëtare e kreditimit “Moody’s”, e cila nënvizon se korrektimi është plotësuar deri në gjysmë të rrugës dhe mund të kërkojë vite të tjera për të përfunduar. 

Agjencia e vlerësimit të kreditimit, Moody’s vlerëson se reformat e miratuara nga Greqia, Irlanda, Portugalia dhe Spanja kanë ndihmuar për të përmirësuar situatën ekonomike në këto vende, por zgjidhja përfundimtare e problemeve të tyre do të zgjasë shumë vite. 

"Zbatimi i një numri të caktuar reformash strukturore në vendet e eurozonës si Greqia, Irlanda, Portugalia dhe Spanja, ka përmirësuar situatën, por ende nuk ka zgjidhur disekuilibrat e jashtëm që u zhvilluan në këto vende para krizës", thotë Moody’s në një deklaratë për shtyp. 

Nisi këtë të hënë punën taskë-forca kundër produkteve të duhanit. Grupi i punës do të inspektojë deri në datën 1 shtator baret dhe restorantet në të gjithë vendin. Masa e parë për çdo shkelës të këtij ligji do të jetë paralajmërimi. Pas rikontrollit, që do të vijojë pas 1 shtatorit nuk do të kursehen gjobat, që nisin nga 50 mijë lekë. Nese ato nuk do të paguhen brenda 10 ditësh, do të jetë përmbarimi vjelësi i tyre. Çdo ditë që kalon nga pas 10 ditëshit, që pritet gjoba, ajo do të paguhet me kamatë vonesë.

Europa qëndrore është përfshirë nga temperaturat e larta të cilat për disa vende janë të pazakonta. 
Jugu i Francës njihet për verën e nxehtë, por jo edhe Parisi. I nxehti në kryeqytetin francez arriti kulmin ndërsa kjo ndodhi edhe në kryeqytetin e Belgjikës, Bruksel. 
Ndërkohë mediat britanike bënë të ditur se vapa ia kishte kaluar edhe Karaibeve, megjithatë i nxehti në këtë vend as që mund të krahasohej me të Gjermanisë, ku temperatura në shumë rajone shkoi në 40 gradë Celsius. 

Numri serbëve që mbështesin anëtarësimin e vendit në Bashkimin Evropian, ka rënë nën 50%, tregon një anketim i opinionit i publikuar sot. Nëse referendumi për pranim në BE do të mbahej tani, 49% e votuesve do të thonin "po", 25% do të ishin kundër, ndërsa 19% do të abstenonin. Sipas këtij hulumtimi, 8% e të anketuarve ende nuk e dinë se si të votojnë.

Hulumtimi është realizuar nga Byroja për BE e qeverisë së Serbisë dhe janë anketuar 1034 persona, në fund të muajit qershor, ka njoftuar Zyra për shtyp e qeverisë së Serbisë.