veliaj

Edi Rama na thotë mirëmëngjes. Por edhe Erjon Veliaj e ka nisur këtë zanat. Të dy harrojnë të na thonë natën e mirë, por të paktën na kënaqin sytë me foto të bukura. Vetëm se Veliaj, nga ëndrrat që ka për Tiranën, ndodh që ta ngatërrojë me ndonjë vend tjetër. Të paktën këtë vërejtje ja bëjnë në Facebook me një foto që ai e di në Tiranë, ndërkohë që siç duket është në një kontinent tjetër. Sigurisht që po të klikoni linkun që ju çon në profilin e Veliajt, ku ishte postuar foto, ajo nuk ekziston më.  Sepse që Tirana të bëhet SHBA duhet edhe një mandat tjetër…

Sot paradite syve të lexuesve të mediave online u është ngjitur në sy një përkthim I një shkrimi të Alastair Campbell, ish-këshilltar i kryeministrit Tony Blair. Fjalë të sheqerosura për Shqipërinë, drejtuar britanikëve që duhet të heqin dorë nga paragjykimet për vendin tonë dhe të vijnë e të pushojnë këtu. Fjalët përfshijnë mrekullinë e brigjeve shqiptare që sipas shkencës morfologjikisht, gjeologjikisht dhe për numër ditësh me diell, janë thuajse identikë me ato të Malit të Zi, Kroacisë dhe Greqisë.

Një ditë pasi u luajt teatri PS-LSI në këshillin Bashkiak të Tiranës për tarifën e re të ujit të pijshëm, vjen edhe një surprizë e vockël për kryebashkiakun Erjon Veliaj. Enti Rregullator I Ujit, publikon në faqen e vet një deklaratës sipas të cilës sqarohet se Bashkia e Tiranës, zyrtarisht pas ndërmarrjes UK Tiranë ka dorëzuar aplikimin për tarifat e reja më 30 qershor. Ndërkohë dëgjesa e Bashkisë me banorët u bë vetëm dje, pra pas miratimit të tarifës së re në shkelje prcedurash.

Erjon Veliaj, kryetar i Bashkisë së Tiranës ka dalë sot në emisionin “Koha për t’u zgjuar” në “News24” për të sqaruar arsyen e rritjes së çmimit të ujit të pijshëm. Njësoj si në vendosjen e takës së arsimit që është antikushtetuese, kryebashkiaku e ka jusitifikuar çmimin e ri me nevojën e Bashkisë për të marrë kredi në funksion të investimeve për të sjellë 24 orë ujë te konsumatorët.

Dardha e ka bishtin mbrapa dhe kështu mund të thuhet edhe për kryetarin e Bashkisë së Tiranës, Erion Veliaj dhe fushatën e tij për të kursyer ujin e pijshëm dhe ndërprerë lidhjet e paligshme. Këshilli Bashkiak i Tiranës do të mblidhet ditën e mërkurë për të miratuar tarifat e reja të ujit të pijshëm. Çmimi propozohet të rritet nga 45 lek/ m3 në 65 lekë/m3 për familjarët dhe nga 135 lekë/m3 në 190 lekë/m3 për bizneset. "Panorama" zbardh vendimin që propozon Bashkia Tiranë për Këshillin Bashkiak, ku janë parashikuar të gjitha tarifat e reja.

Agjencia Kombëtare e Mjedisit publikoi raportin mbi situatën mjedisore në Shqipëri ku janë me interes tre gjetje. Niveli i ndotjes në Tiranë, menaxhimi i mbetjeve pas ndarjes së re territoriale dhe sasia e gjenerimit të mbetjeve.

Historia e çarjes së murit të ambasadës gjermane në vitin 1990 është e njohur tashmë. Njeriu që ndërmori aktin e guximshëm është Ylli Bodinaku. Më tej, ambasada gjermane u bë pika e hapjes për atë që quhet Ngjarjet e Ambasadave, kur 5200 qytetarë u larguan nga Shqiipëria.

“Ishin 38 vetë që vranë frikën, jo vetëm unë. Unë vrava tmerrin, që do të çaja murin! Ja ku është muri, timoni…Zoti desh që ne të jetonim dhe jetuam. Dhe jam shumë i lumtur që e theva atë regjim” tha Bodinaku.

27 vite më pas është menduar një ceremoni dhe një përkujtim i veçantë.

Në 2-vjetorin e inagurimit si kryebashkiak i Tiranës, Erion Veliaj tha se ka bërë 800 punë në 800 ditë. Ky bilanc mbetet gjithsesi i diskutueshëm për aq kohë sa lista është ekskluzivitet i bashkisë që mund të quajë punë edhe ndërrimin e letrave në banjot e bashkisë, pamvarësisht se mund të paragjykohet për rendimentin apo impaktin që ka kjo në mbarëvajtjen e punëve të Tiranës. 

Erion Veliaj është në avenirin e tij politik, pasi ka në dispozicion gjithë makinerinë e pushtetit për prerë shirita një herë në dy ditë dhe mbuluar me spektakël investimet publike. Rasti më i fundit ai i “Sheshit” Skëndërbej, ku një opozitë serioze do të kërkonte me ngulm transparencën e kostove dhe shpenzimeve që kapën shifrën e 16 milionë euro.

Fushata elektorale po shkon drejt përfundimit dhe mbi të do të nxirren disa përfundime të përgjithshme. Asaj nuk i mungoi demagogjia dhe largimi nga përgjegjësitë; fushata ka qenë më tepër ping –pong akuzash dhe shumë pak vend i është lënë debatit për programet. Nga kjo perspektivë, pra ajo e angazhimit në sulme politike, duhet të heqim mënjanë kryebashkiakun e Tiranës, Erjon Veliaj.