opozita

Parlamenti grek hodhi poshtë mocionin e mosbesimit të paraqitur nga opozita konservatore ndaj qeverisë së kryeministrit Aleksis Cipras. 153 vota votuan kundër, ndërsa 128 ishin pro. Votimi u parapri nga një debat i ashpër mes kryeministrit Aleksis Csipras dhe liderit të opozitës Kyriakos Mitsotakis.  Krerët e opozitës shprehën kundërshtimin e tyre ndaj marrëveshjes për emrin e ri të Maqedonisë.

Ish-kryeministri socialist i Greqisë, George Papandreu lëshoi kritika të ashpra ndaj qëndrimit që po mban opozita greke për marrëveshjen e emrit me Maqedoninë. Pa mohuar vetkënaqësinë e qeverisë së Aleksis Cipras dhe mungesën e një fryme  të pajtimit kombëtar, Papandreu thotë se marrëveshja e propozuar është një pikënisje dhe një mundësi reale për zgjidhjen përfundimtare të konfliktit, duke nënvizuar faktin se "qeveria pro-evropiane e Shkupit e kupton se pa kompromis të ndërsjelltë nuk mund të ketë zgjidhje."

Sot gazeta “Panorama” nxori lajmin e survejimit të kreut të PD-së, Lulzim Basha. Gazeta citonte burime të vetat, pa sqaruar se cilat janë të paktën arsyet e survejimit nga njësi të policisë operacionale.

PD-ja e mori lajmin dhe e bëri fakt të axhendës së saj ditore. Sipas saj, audiopërgjimi i vëllait të Fatmir Xhafës ka çuar në këtë survejim. Se për çfarë nuk sqarohet. Fundja Babalja nuk mbylli asnjë Pazar hashashi, nga Tragjasi në Vlorë, ndaj edhe nuk është se ka prishur ndonjë të tillë. Pse atëherë ky survejim? Dhe mbi të gjitha kush druhet nga z. Basha, kush kërkon ta sulmojë?

Lajmi i vetëm që prodhoi në pamje të parë protesta e opozitës ishte pjesëmarrja disi më e tkurrur se masa e njerëzve që dolën në rrugë në 27 Janar.

U bënë forografime nga kënde të ndryshme të protestës, u ofruan pamje në miniaturë të filmuara nga lart si provë për mbështetjen që gëzon sot opozita dhe kauzat e saj.

Bazuar mbi këto përshtypje Edi Rama foli për bojkot të demokratëve ndaj “babale-protestës” siç e quajti ai.

Partia Demokratike mbajti Kuvendin Kombëtar, ku legalizoi ndryshimet në statut. Një hap më shumë drejt kontrollit të plotë të Partisë nga Lulzim Basha. Tjetër gjë mund të pritej nga një opozitë që ka përballë një qeveri me shumë defekte, aq më tepër në mandatin e saj të dytë. Zërave që mendojnë ndryshe nga Lulzim Basha delegatët iu përgjigjën me fishkëllima, gjest që mesa duket vazhdon të jetë konstituimi filozofik i partive politike, përfshi edhe i Partisë Demokratike që sot përfaqëson opozitën e vendit.

Seanca e kësaj të enjte në parlament u shoqërua me tension pas vendimit të PD-LSI për të përshkallëzuar qëndrimet ndaj kryeministrit.

Deputetë të opozitës bllokuan foltoren e kuvendit me kërkesën për lirimin e 11 protestuesve kuksiane që mbahen të arrestuar  si dhe përjashtimin e Edi Ramës nga seanca për fyerje të deputetëve në kuvend. Pas disa ndërprerjesh dhe përjashtimin e tre deputetëve të opozitës, Flamur Noka, Klevis Balliu dhe Ervin Salianji që hodhën miell dhe shishe me ujë ndaj kryeministrit kuvendi mbylli punimet.

Mbledhja e përbashkët PD-LSI vendosi mosbindje civile dhe protesta kundër taksave arbitrare të qeverisë. Aksioni i ri opozitar do nisë të martën me praninë e deputetëve në sallën e gjyqit ku do të jepet masa e sigurisë për 23 të ndaluarit e protestës në Kukës. “Të vendosim cilat janë hapat e parë, duke nisur me praninë masive të opozites në sallen e gjyqit, sepse ata janë simboli i mosbindjes civile.

Ka dy taktika opozitarizmi brenda Partisë Demokratike dhe në media kundër Lulzim Bashës. Të dyja i mëshojnë më shumë fjalës dhe kultivimit të perceptimit sesa ndonjë aksioni politik të mirëfilltë. Ideja e parë është ajo se Lulzim Basha është një ushtar i Sali Berishës, një kukull e tij. Por me marrëveshjen e majit dhe me zhvillimet e mëvonëshme politike, kjo tezë po humbet terren në lëmin e arsyetimit objektiv. Ndaj është kaluar me vrull tek ideja e dytë që ka një përhapje të natyrshme: Lulzim Basha nuk ja thotë për atë punë. Është I dështuar, nuk di, e ca më keq, ai nuk ngjit.

Ka një shtim të fjalorit të personalizuar kundër kryeministrit shqiptar. Thuajse nga të gjitha drejtimet opozitare, term për kuptimin e të cilit duhet të biem dakord të gjithë: opozitarë quhen jo ata që përfaqësojnë një alternativë, por ata që kanë hesape apo pakënaqësi me pushtetin dhe angazhohen për këtë qëllim. 
Përpjekja për demonizimin, stigmatizimin, karikaturizimin e Edi Ramës, ka marrë me vete edhe njerëz si Ylli Manjani, që vetëm ushtar apo të pagdhendur nuk mund ta quash. 

 Tashmë është e qartë se Partia Demokratike po kërkon të bëjë kauzë te marrëveshja e re detare me Greqinë. Në parantezë duhet thënë se kryetari I saj, Lulzim Basha nuk është prononcuar për këtë çështje, ku si protagonist ka dalë ish-kryeministri Sali Berisha e së fundmi ish-presidenti Bujar Nishani.