OKB

Turqia përsërit thirrjet për demilitarizimin e ishujve të Egjeut Lindor. Me anë të një letre dërguar sekretarit të përgjithshëm të OKB-së, Antonio Guterres, përfaqësuesi i përhershëm turk në këtë këtë organizatë, Feridun Sinirlioglu akuzon Greqinë për shkelje të dispozitave të çmilitarizimit të Lozanës të vitit 1923 dhe Traktatet e Paqes në Paris të vitit 1947.

Ngrohja globale duket se ka mbërritur për disa aspekte në pikën e moskthimit pavarësisht masave që mund të ndërmarrin qeveritë e vendeve të zhvilluara. Një raport i miratuar nga Paneli Ndërqeveritar mbi Ndryshimin e Klimës në OKB, vë në dukje se rritja e temperaturave me 1.5 gradë Celcius në shkallë planetare do të arrihet rreth vitit 2050, duke krijuar kushte për paparashikueshmëri klimaterike. Thatësira të mëdha, përmbytje, valë të nxehti, këto janë pasojat imediate që pritet të prekin planetin si pasojë e emetimit të karbonit.

Fuqitë botërore mblidhen sot në Berlin për të diskutuar mbi Libinë, një takim i organizuar nga OKB.

Përfaqësuesit e qeverisë së përkohshme të Libisë do të takohen me sekretarin amerikan të Shtetit, Antony Blinken, si dhe me ministrat e Jashtëm të disa prej vendeve më të fuqishme të botës.

Takimi i sotëm pason atë të janarit të vitit të kaluar, po në Berlin, mbi të njëjtën temë.

Disa nga destinacionet më të njohura turistike në botë rrezikojnë të zhduken plotësisht deri në fund të këtij shekulli nëse nivelet e detit vazhdojnë të rriten me ritmin aktual.

Një raport i ri i hartuar nga Paneli Ndërqeveritar i Kombeve të Bashkuara mbi Ndryshimet Klimatike (IPCC) ka zbuluar se niveli i detit pritet të rritet me 25 për qind deri në vitin 2100.

Janë 27 mijë fëmijët që duhet të riatdhesohen, për t’iu larguar jetesës në kushte të vështira që ofron kampi në verilindje të Sirisë. Shumica e tyre janë fëmijë të ekstremistëve të Shtetit Islamik, që dikur kontrollonin pjesë të mëdha të Irakut dhe Sirisë.  

Sekretari i Përgjithshëm i Organizatës së Kombeve të Bashkuara, Antonio Guterres, ka kërkuar sot nga qeveritë që të shpallin gjendjen e emergjencës klimaterike. Duke folur gjatë një samit virtual, pesë vjet nga marrëveshje e Parisit për klimën, Guterres ka tërhequr vëmendjen se nëse njerëzimi nuk ndryshon kurs, atëherë në fund të shekullit ai do të përballet me një katastrofë globale të rritjes me 3 gradë Celcius të temperaturave.

Është zhvilluar dje në zonën e ndërmjetme në Nikozia të Qipros takimi i parë informal mes presidentit të Qipriotëve greke, Nicos Anastasiades dhe presidentit Eris Tartar të Qipriotëve Turq. Takimi është zhvlluar nën ndërmjetësinë e Elizabeth Spehar, kreu i Forcës Paqeruajtëse të OKB-së në Qipro dhe ai ka zgjatur dy orë.

Turqia ka regjistruar në sekretariatin e OKB-së marrëveshjen e delimitimit të ujërave me Libinë që është në themel të problemeve që kanë lindur në Mesdheun Lindor. Ankaraja ka nënshkruar dokumentin me qeverinë e njohur ndërkombëtarisht të Tripolit, duke shpallur se ajo është në shinat e legjitimitetit, ndërkohë që disa vende janë duke mbështetur një qeveri paralele me seli në Tobruk.

Në një intervistë për revistën gjermane “Spiegel”, zyrtarja kryesore e OKB-së për Çarmatimin, Izumi Nakamitsu, paralajmëron se bota ndodhet më pranë se kurrë një lufte bërthamore. Sipas saj mungesa e dialogut mes shteteve ka provokuar krijimin e një situate jashtëzakonisht të rrezikshme duke vënë gishtin sërish mbi fy fuqitë kryesore nukleare, SHBA dhe Rusia.

Rreziku i përdorimit të armëvë bërthamore, i qëllimshëm apo aksidental, është më i larti që nga ditët më të errëta të Luftës së Ftohtë. Por rreziku më i madh është megjithatë keqllogaritja

Një studim i ri i publikuar së fundmi ka ndryshuar projeksionet demografike të parashikuara nga OKB për vitin 2100. Sipas këtij studimi në fillim të shekullit të ri, popullsia e botës mendohet të jetë 2 miliardë më pak nga projeksionet e deritanishme, diku te 8.8 miliardë njerëz. Vende si Japonia, Italia, Tajlanda, Portugalia dhe Polonia mendohet se do të kenë një popullsi të përgjysmuar në raport me tani.