OKB

Izraeli ka njoftuar zyrtarisht Kombet e Bashkuara për ndërprerjen e marrëdhënieve me Agjencinë e Kombeve të Bashkuara për Refugjatët Palestinezë (UNRWA).

Njoftimi u bë i ditur nga Ministria e Jashtme izraelite pas miratimit javën e kaluar të dy projektligjeve që ndalojnë UNRËA-n të veprojë në Izrael.

 “Në emër të ministrit, Israel Katz, Ministria e Jashtme ka njoftuar OKB-në për anulimin e marrëveshjes ndërmjet Shtetit të Izraelit dhe UNRËA-së”, thuhet në njoftimin e ministrisë.

Ajo që forcat izraelite po bëjnë në Gazën e rrethuar gjatë luftës së tyre të vazhdueshme kundër Hamasit nuk mund të lejohet të vazhdojë. Joyce Msuya, zyrtarja më e lartë për çështjet humanitare e Kombeve të Bashkuara paralajmëroi në një postim në Twitter se “e gjithë popullata e Gazës veriore është e rrezikuar nga vdekja”.  

Beniamin Netanyahu ka vënë në diskutim të gjithë kauzën morale hebreje të pas Luftës së Dytë Botërore. Hebreu i sotshëm është infektuar në imazhin e vet nga politika e një kasapi që shpall se po i bën luftë mbarë tiranisë. Bilanci: Vetëm në Gaza mbi 16 000 fëmijë të vrarë.

Sekretari i Përgjithshëm i OKB-së, Antonio Guterres, denoncoi përshkallëzimin e tensioneve në Lindjen e Mesme, veçanërisht midis Iranit dhe Izraelit.

"Unë dënoj zgjerimin e konfliktit në Lindjen e Mesme me përshkallëzim pas përshkallëzimi," shkroi Guterres në X.

Duke kërkuar që përshkallëzimi "duhet të ndalet", Guterres tha: "Ne kemi absolutisht nevojë për një armëpushim".

Asambleja e Përgjithshme e Kombeve të Bashkuara miratoi të dielën Paktin për të Ardhmen, një tekst 42 faqesh që përcakton sfidat me të cilat do të duhet të përballet komuniteti ndërkombëtar për një të ardhme paqeje dhe prosperiteti. Dokumenti është rezultat i një negocimi që filloi nëntë muaj më parë dhe u udhëhoq nga Gjermania dhe Namibia.

Asambleja e Përgjithshme e Kombeve të Bashkuara ka miratuar rezolutën që  shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë.

Rezoluta e iniciuar nga Gjermania dhe Ruanda kaloi me 84 vota pro, 19 kundër dhe 68 abstenime.

Shqipëria, Mali i Zi, Maqedonia e Veriut dhe Kroacia votuan pro, ndërsa nga vendet e BE-së votoi kundër Hungaria. Greqia, Sllovakia dhe Qiproja abstenuan.

Kundër votuan edhe Kina, Rusia, Bjellorusia, Kuba dhe Nikaragua.

Gati 282 milionë njerëz në 59 vende u përballën me urinë akute në vitin 2023. Rripi i Gazës është territori me numrin më të madh të njerëzve që kanë vuajtur nga uria vitin e kaluar, sipas një raporti të OKB-së.

Raporti konstaton se në vitin 2023 numri i njerëzve që përballen me urinë akute u rrit me 24 milionë krahasuar me vitin 2022 për shkak të përkeqësimit të fortë të sigurisë ushqimore, veçanërisht në Rripin e Gazës dhe Sudan.

Eksperti kryesor i klimës në Organizatën e Kombeve të Bashkuara (OKB) thotë se njerëzimi ka dy vjet kohë për të zbutur efektet më të këqija të ngrohjes globale.

Sekretari Ekzekutiv i OKB-së i Konventës Kuadër të Kombeve të Bashkuara për Ndryshimet Klimatike, Simon Stiell, e bëri këtë deklaratë në një event publik në Londër.

"Kush ka saktësisht dy vjet për të shpëtuar botën? Përgjigja është çdo person në këtë planet", citohet ai. 

Këshilli i Sigurimit i OKB-së kërkon "armëpushim të menjëhershëm" në Gaza, pasi SHBA nuk vuri veton ndaj masës për të lëvizur nga pozicioni i mëparshëm. Në mbledhje u kërkua lirimi i menjëhershëm dhe pa kushte i të gjithë pengjeve.

Kjo është hera e parë që këshilli bën thirrje për ë armëpushim që nga fillimi i luftës në tetor, pas disa përpjekjeve të dështuara. Lëvizja e SHBA-së sinjalizon se ka divergjencë në rritje midis saj dhe Izraelit lidhur me ofensivën e Izraelit në Gaza.

Në Kubë, mungesa e ushqimeve bazë e ka detyruar qeverinë t’i kërkojë ndihmë OKB-së. Qeveria e Havanës ka pranuar për herë të parë se i mungon mielli i grurit për të garantuar furnizimin e shportës së subvencionuar deri në fund të muajit dhe ka kërkuar ndihmë "urgjente" nga Programi Botëror i Ushqimit për të garantuar shpërndarjen e të paktën një litër qumësht në muaj për të gjithë fëmijët nën 7 vjeç.