droga

Marrëveshja e 18 Majit la disi në hije çështjen e trafikut të drogës, që mesa duket merret si argument vetëm për qëllime politike. Rastësisht ose jo, paqja në politikë po shoqërohet me konseguenca pozitive në çështjen e drogës. 
Ish kreu i antimafias italiane në Leçe,  Cataldo Motta thotë se situata e trafikut të drogës mund të thuhet se është nën kontroll dhe vlerëson skuadrën e përbashkët të hetimit që u ngrit në dhjetor.

Sot është publikuar një lajm sipas të cilit Policia Mbretërore Holandeze do të trajnojë policët dhe punonjësit e aeroportit “Nën Tereza”. Arsyeja jepet pak a shumë kështu:

Agjencia doganore, që ka kryer procedurat e tranzitimit në Shqipëri të kamionit që vinte nga Maqedonia dhe që është bllokuar me 8 ton drogë në Ankona të Italisë në shkurt të këtij viti, rezulton se është ne pronesi te bashkëshortes së kryetarit të Bashkisë së Elbasanit, Qazim Sejdini.

12 tonë drogë në Përmet dhe 5 tonë në Skrapar, zona këto që nuk kanë qenë edhe aq prezente për kultivimin dhe trafikun e kanabisit, provojnë atë situatë të gjysëm ligërimit që shoqëroi drejtimin nga Sajmir Tahiri të Ministrisë së Brendshme. Në Skrapar u njoftua edhe kapja e një laboratori, ndërkohë që vetë magazinimi I një sasie të këtillë kërkon kohë, njerëz, angazhim, lëvizje. Të gjitha janë pra gjurmë eventuale për një hetim policor që duket se nuk ka ecur. Sado që kryeministri u përpoq të mbronte ministrin e larguar, kapjet e tanishme, ofrojnë një pamje krejt tjetër.

Ish-kryeministri Sali Berisha ka pritur sot në zyrën e vet ambasadorin amerikan në Tiranë, Donald Lu. Raportimin mbi takimin e bën vetë Berisha që shkruan në profilin e vet në Facebook se takimi ishte me natyrë informative mbi qëndrimet e opozitës. Berisha ka bërë një ekspoze për arsyet se përse PD-ja është në protestë, për drogën që ka mbuluar vendin dhe ka krijuar fondin e financimit elektoral. Në pasazhet e veta, Berisha ka akuzuar hapur edhe Lu si mbështetës të politikës së kanabizimit, duke mbështetur Edi Ramën kryeministër, të cilin ai e krahasoi me Manuel Noriegën e Panamasë.

Një tjetër ambasador është shfaqur sot në media me dosjen e vet për shqiptarët. Ky është ambasadori i Britanisë së Madhe, Duncan Norman. Ai ka thënë se shqiptarët kanë ecur jo keq në aktivitetet ekonomike kriminale në Britani dhe kjo është një nga arsyet pse shqiptarët dhe Shqipëria paskan rëndësi për Londrën zyrtare.

Shqipëria mbetet një ndër vendet prodhuese më të rëndëishme për marjuanën por edhe rrugë tranziti për kokainën dhe heroinën e destinuar për tregun europian. Ky është vlerësimi që jep Departamenti Amerikan i Shtetit në raportin për vitin 2016 mbi ludtën kundër prodhimit dhe trafikimit të drogës. Në raportin e sapopublikuar vërehet se vitin e kaluar pati shtim të plantacioneve me kanabis në vend, pavarësisht se autoritetet shqiptare raportuan rritjen e numrit të të arrestuarve dhe rasteve të shkatërrimit të plantacioneve me kanabis. 

Droga dhe krimi i organizuar – këto janë sipas përfaqësuesit amerikan në Tiranë, dy pritmëritë për ministrin e ri të Brendshëm, Sajmir Tahiri.

“Nëse zoti Xhafaj punon në mënyrë agresive kundër narkotikëve dhe krimit të organizuar, ai do të ketë mbështetjen tonë të plotë. Ne kemi punuar ngushtë me zotin Xhafaj si kreu i komisionit të ligjeve të kuvendit dhe për reformën në drejtësi”, tha për Zërin e Amerikës, ambasadori Donald Lu.

Ndërkombëtarët, apo një pjesë e rëndësishme e tyre, po certifikojnë më në fund realitetin e kanabizimit të vendit. Dy ditë më parë ambasadori i OSBE-së, Bernd Borchardt deklaroi në një intervistë në Ora Neës, se janë në qarkullim 2 miliardë euro nga droga që mund të përdoren për zgjedhje.

Koncesioni i skanimit në dogana po rezulton në një prej skandaleve më të mëdha, për koston e madhe, por edhe evidentimin tanimë të provuar se droga në Shqipëri është çështje politike. 
10 tonë u kapën sot në Ancona të Italisë, në një kamion, shoferi i të cilit, shtetas shqiptar, është arrestuar. Marijuana ishte fshehur poshtë pjesëve metalike dhe këtu del në dritë vlera e supozuar e skanerëve që duhet të zbulojnë kalime të kësaj natyre në doganat shqiptare.