deklarata

Vota dhe fitorja janë përgjegjësi e madhe. Me këtë shprehje kryeministri Edi Rama hapi siparin e mandatit të dytë të tij në qeveri duke i qëndruar besnik demagogjisë dhe manipulimit. 

Presidenti i zgjedhur Ilir Meta ka qenë sot sërish në një emission televiziv për të përsëritur mesazhet politike ndaj kryeministrit. Në “Koha për t’u zgjuar” në "News24", Meta që ngjan së fundmi vetëm si kryetar i LSI-së, ka deklaruar se për ditën e zgjedhjeve përgjegjësi mbajnë Rama dhe drejtori i Policisë.

Greqia ka bllokuar deklaratën e BE-së në OKB që kritikonte Kinën për shkeljet e të  drejtave të njeriut. Ky vendim, sipas diplomatëve evropianë minon përpjekjet  e Brukselit për të adresuar shtypjen e disidentëve dhe aktivistëve nga Pekini.
Në mënyrë të veçantë, BE e cila synon të promovojë lirinë e fjalës për t'i dhënë fund dënimint me vdekje në mbarë botën, do ta adresonte këtë deklaratë javën e kaluar në Këshillin për të Drejtat e Njeriut në Gjenevë, por nuk arriti të fitonte aprovimin e nevojshëm nga të gjitha vendet anëtare të BE-së.

Partia ka nevojë profesori përgjigjet. Servet Pëllumbi, djali i të cilit kandidon me PS-në ka dhënë një dorë në menaxhimin e problemit Ilir Meta. Në një prononcim për gazetën "Panorama", Pëllumbi ka paralajmëruar Metën me publikimin e " fakteve të padëshirueshme" nëse Meta vijon të deklarojë se ai ka qenë në përballje si askush me Berishën. Duket se presidenti i zgjedhur ka prishur ca nerva derisa ka shkundur edhe moralistin e PS-së që po u thotë shqiptarëve se për Metën ka dosje të cilat ai i njeh. Cila është vlera e këtij morali, e këtij racionalizimi sekretesh dhe shantazhi?

Është pak t’i quash skandaloze deklaratat e Shpëtim Idrizit se nuk do të pranonte transfuzion gjaku nga një qytetar grek në rast nevojë për jetën. Aq më tepër që ky personazh i gërshetuar në rastin konkret mes politikës dhe estradës përfaqëson Kuvendin e Shqipërisë, është nënkryetar i parlamentit. Edhe nëse nuk do ishte nënkryetar i parlamentit, por vetëm kryetar i një partie politike në çdo rrethanë pohimet e tij janë të papranushme dhe përjashtuese për normat demokratike të bashkëjetesës dhe të drejtave të njeriut.

Zgjidhja e asaj që mund të quhet krizë politike në Shqipëri erhdi nga ndërmjetësimi amerikan. Këtë e ka konfirmuar Zëvendës Ndihmës Sekretari amerikan i Shtetit, Hoyt Brian Yee, në një seancë për rajonin në Senat, ku rreshtoi një sërë zhvillimesh që u ndikuan nga politika amerikane.

Banka e Shqipërisë ka dalë dje me një deklaratë të posaçme përmes së cilës jep versionin e saj pëër rikonstruksionin e hotel “Dajti”. Rikonstruksion që sipas saj do të kushtojë 16 milionë euro, në sajë të rivlerësimeve që iu bënë shifrës fillestare prej 18 milionë eurosh.

Kina dhe Bashkimi Evropian premtojnë unitet në luftën kundër ndryshimeve klimatike, një ditë pasi presidenti Donald Trump njoftoi tërheqjen amerikane nga marrëveshja klimatike Parisit. Kryeministri kinez dhe zyrtarë të lartë evropianë firmosën një deklaratë të përbashkët me mbështetjen e të gjitha shteteve anëtare të BE-së, sipas të cilit BE-ja dhe Kina angazhohen për zbatimin e plotë të Marrëveshjes së Parisit  për Klimën.

Kur pashë sot në mëngjes, në shtypin online, deklaratën e Arben Imamit thënë dje në emisionin “Opinion” të Gazetarit Blendi Fevziu, rreth grave që nuk kanë bërë asgjë, por kanë lindur nga dy tre fëmijë dhe janë futur në listat e kandidatëve, menjëherë mendova nënën time që ka lindur katër fëmijë dhe një i pestë që nuk arriti të jetonte më shumë se pak orë. Po e citoj deklaratën të plotë për korrektësi sikurse ishte në video: “Nuk mund të hiqet Jozefina Topalli nga listat. Ai hoqi Topallin nga Listat dhe vuri në listë shtëpiake që s’kanë bërë asnjë punë se kanë pjellë nga 3-4 fëmijë”.