Basha

Edi Rama dhe Lulzim Basha janë në marrëveshje për ndryshime Kushtetuese pas zgjedhjeve, reformë zgjedhore dhe një qasje të unifikuar qeveri-opozitë për integrimin Europian të vendit. Na u tha se kjo marrëveshje hap një faqe të re në kulturën politike të vendit, ku sipas kryeministrit në detyrë pas zgjedhjeve takimet me kryetarin e opozitës do të jenë periodike dhe informuese në funskion të një zëri të unifikuar për çështjet e afrimit me BE-në.  

Ekipi që Basha hodhi në fushë për ndeshjen e 25 qershorit po pëson rrjedhje. Kandidatë që janë në vendet e poshtme të listës kanë dhënë dorëheqjen. Ramiz Çobaj kryetari aktual i Partisë Demokratike të Shkodrës është tërhequr nga kandidimi. si deputet në listën e PD Shkodër për zgjedhjet e 25 qershorit. Basha e ka vendosur të tetin në listën e kandidatëve, çka nuk është pranuar nga kreu i demoktarëve të Shkodrës Çobaj. Nga sa mësohet Çobaj nuk ka patur kontakte me Bashën pori vazhdon të mbajë postin e kryetarit të PD-së Shkodër deri në zgjedhjet e reja.

Duket se Lista Basha është vërtet kështu: Lista Basha. Sulmet që po i bëhen sot kryetarit të PD-së për kandidatët që ka sjellë për deputetë imponojnë idenë se diçka është thyer në këtë parti mes të vjetërve dhe të rinjve. E me gjasë edhe marrëveshja e 18 majit ishte thjesht vendim personal i Bashës, askujt tjetër.

Me një opinion shumë kritik është shfaqur sot në media edhe Gjergj Lezhja, një njeri i pushtetit të Berishës, këshilltar për Sigurinë i Presidentit të Republikës, sipas të ciit Çadra dhe listat janë marrëzia e fundit e Bashës.

Pa shumë koreografi dhe  tullumbace, Lulzim Basha çeli fushatën e Partisë Demokratike për zgjedhjet e 25 Qershorit. Kreu i PD-së pak a shumë përsëriti ato që ka thënë në çadër për 90 ditë se ka një plan për Republikën e Re, plan mbi të cilin u bazua edhe përzgjedhja e kandidatëve për deputetë të kësaj partie. Ajo që la të kuptohet ishte se në lisitat e kandidatëve për deputetë përzgjodhi njerëz që ishin dhe janë për Republikën e Re.

Lista e kandidatëve të Partisë Demokratike publikuar mbrëmë natën nga kryetari Lulzim Basha ka provokuar debate. Largime të disa personazheve publikë, përfshirje aleatësh dhe emra krejt të rinj. Lista nuk ka sesi të befasojë më shumë sesa emrat e ministrave që Basha propozoi së fundmi. Ata janë ose njerëz të afërt me PD-në, ose ish-drejtorë, pra njerëz të parasë dhe pushtetit financiar të qeveirijes së Berishës, ose zgjedhje personale e kryetarit. Shikoni emrin e Grida Dumës në Tiranë dhe kujtoni për analogji sesi Elisa Spiropali përfshihet në listat e Korçës nga PS-ja.

Ilir Meta përcaktoi një tavan, mbi të cilin asnjë parti shqiptare, sipas tij, nuk do mund të ngjitet në këto zgjedhje. Ky tavan, sipas tij, ishte baraz me 53 deputetë. Kuptohet, jemi në betejën propagandistike të shifrave (nëse këtë tavan do ta linte më të lartë, i binte që të mos mbetej gjë për LSI-në). Është një betejë që do ta bëjnë edhe partitë e tjera. Madje, Partia Socialiste e ka filluar përpara tij. “Synojmë të marrim 71 deputetë”, është dëgjuar Rama të thotë më shumë se njëherë. Dhe është e qartë se kemi të bëjmë me një wishful thinking.

Pas mbylljes së çadrës Basha i është futur me kokë listave të PD-së për zgjedhjet e 25 qershorit. Ai pati dje një takim me kordinatorët e qarqeve për t'u njohur me propozimet e strukturave të PD-së për listat e kandidatëve. Por teksa ky proces nuk është finalizuar, Basha ka përmbyllur "pazarin" e dytë të çadrës. Aleatët e partive të vogla që u futën në çadër do të futen në siglën e PD-së në zgjedhje përderisa në këto zgjedhje nuk garohet me koalicione. Basha u ka siguruar vende të sigrta në listën e PD-së.

Pas tre muajsh protestë të Lulzim Bashës, pas thirrjeve me një gjuhë lufte për shkatërrimin e PS-së dhe Edi Ramës, të dy udhëheqësit e urtë: Lulzim Basha dhe Edi Rama, u bashkuan kokë më kokë, në prani të askujt, në mes të natës dhe, në fshehtësi, ngjizën atë që nuk ia priste mendja kujt e që e quajtën “Marrëveshja Basha - Rama”. Nga mediet u cilësua si historike, disa uruan që ai bashkëpunim i sinqertë PD-PS të vazhdonte, e të tjerë dhanë siguri se ai bashkëpunim do të vazhdonte edhe pas zgjedhjeve.

Një ditë më parë u bë e njohur se me ndryshimet e reja ligjore, shitblerja e votës dënohet me burg. Diçka absurde që i shtohet absurditeti juridik ku po hyn vendi. Një nga deputetët e PD-së, Astrit Patozi, pyese se çfarë dënimi parashikohet nëse një deputet kalon me një parti tjetër, pra nëse e shet mandatin e vet. Në përgjigje të kësaj pyetjeje, gazeta “Panorama” njofton sot përgjigjen e kreut të PD-së, Lulzim Basha, i cili për kujtesë duhet thënë se ka përfunduar studimet për jurisprudencë. Basha sipas “Panorama” ka deklaruar se “Lidhur me pyetjen  shumë të drejtë të z.

Kushtetuta është marrëveshje. Kjo dihet fare mirë. Kushtetuta e Shqipërisë është marrëveshje e dyfishtë, pasi ndryshimi i saj u bë natën, jashtë salle, si pasojë e vendimmarrjes personale të dy njerëzve: Sali BErishës dhe Edi Ramës. Në vitin 2008 kur ndodhi kjo, i pari ishte kryeministër, i dyti kryetar Bashkie dhe partie.