Basha

Ka ndryshuar tonin e të folurit, ankohet për mediat, kritikon pyetjet. Por duket më i vendosur. Lulzim Basha, kryetar i PD-së, ka deklaruar në emisionin "Opinion" se ai është gati të marrë vendime edhe më të vështira sesa largimi i disa personaliteteve nga lista e kandidatëve. Ai ka deklaruar se do të ketë reforma kushtetuese të thella, diçka që ju mor kryeministrit në marrëveshjen e 18 majit. Basha ka deklaruar se roli i SHBA në këtë që po ndodh është thelbësor. Basha është shprehur se do të marrë përgjegjësitë për listën, duke refuzuar të thotë diçka për koalicionet paszgjedhore.

Dje është dhe dhe sot është sot. Kjo thënie e Ilir Metës vlen edhe për stofin e politikës që përfaqësohet nga dy të mëdhenjtë dhe në veçanti kryetari i PD-së, Lulzim Basha. Ky i fundit ka vijuar sulmet ndaj LSI-së dhe Ilir Metës gjatë një takimi që pati në Krujë, madje duke e etiketuar LSI-në si SHPK-në e Presidentit të zgjedhur.

Duke iu referuar Shekspirit dhe batutave që Rama tha para paktit se iu lut më shumë se Romeo Xhuljetës, dhe ironisë që bëri pas kësaj LSI-ja, Basha kujtoi se ka edhe një tjetër vepër Shekspiri, “Tregtari i venedikut”.

Lulzim Basha ka nisur fushatën elektorale duke patur si qendër sulmi LSI-në e Ilir Metës. Basha bërtet me të madhe duke bërë të qartë se koha e kalimit majtas dhe djathtas ka ikur. Në këtë qëndrim të tijin shtohet edhe qëndrimi I kryeministrit dhe PS-së që po këmbëngulin përditë e më shumë për “timonin që e ngasin një palë duar”.

Kryeministri Rama ka lënë të kuptohet se është kundër një debati televiziv me kryetarin e Partisë Demokratike, Lulzim Basha. I pyetur në emisionin Opinion për ftesën e kreut të opozitës, Rama i devijoi përgjigjes së drejtëpërdrejtë, duke bërë një interpretim jashtë thelbit të pyetjes.
“Debatet unë i bëj me ty. Ti je përfaqësues i kontinuitetit. Je Saliu dhe Luli bashkë”, tha Rama, mesa duket duke refuzuar kështu ftesën e Bashës. Kryetari i PD-së i ka bërë thirrje të vazhdueshme kryeministrit të ballafaqohen në një debat televiziv por këtë mesa duket nuk do ta shohim. 

Bujar Nishani në ditët e fundit si president ka dhënë disa konsiderata për zhvillimet politike në Shqipëri që kanë të bëjnë me akuzat ndaj Lulzim Bashës. Ai flet për një sulm të sofistikuar mediatik dhe politik kundër kryetarit të Partisë Demokratike për të goditur sipas tij jo vetëm Bashën si person por opozitën në Shqipëri.

Dita e sotme ishte e rëndësishme sa i përket stabilitetit të ekipit drejtues të PD-së. Hamendësimet e shumta të ardhura nga një takim lokali, disa tërheqje kandidatësh, apo edhe spekullimet mbi një lojë të dyfishtë të Berishës, në finale nuk imponuan asgjë në vendimmarrjen e kryetarit Lulzim Basha.

Duhet të nënvizojmë disa momente të cilat parashihen që sot si rrugë eventuale të zhvillimit politik apo ngaqë shpjegojnë këto që ndodhën.

Reagimi i emrave që u lanë jashtë listës së Partisë Demokratike vërtetoi inkoherencën e tyre në raport me politikën si instrument në shërbim të demokracisë dhe shfrytëzimit për ofiqe personale. Pyetja themelore është pse Jozefina Topalli, Arben Imami apo Majlinda Bregu folën pasi u lanë jashtë listës dhe nuk e bënë këtë gjë pas ardhjes në krye të patisë të Lulzim Bashës. Heshtja është miratim, dobësi, apo llogari dhe s’ka pse të merret si e mirëkuptuar për njerëz që u futën në politikë njësoj si Lulzim Basha, nga dora dhe dera e Sali Berishës.

Astrit Patozi ka sqaruar sot “kafenë” e përbashkët me të larguarit e tjerë nga lista e kandidatëve. Patozi lë të kuptohet se do të ketë një lëvizje në PD për të rikthyer legjitimitetin e forumeve, diçka për të cilën dikush po kujtohet më në fund, por ai ka shtuar në një status në Facebook se “deri me 25 qershor duhet te qendrojme ne mbeshtetje te cdo demokrati dhe te Partise Demokratike”.

Emrat që Basha la jashtë listës së Partisë Demokratike janë 25 deputetë të grupit parlamentar të Partisë Demokratike. Jo të gjithë kanë reaguar dhe kanë shprehur pakënaqësinë ndaj vendimit të Bashës, por bërthama që po del publikisht kundër është një grupim prej 10-12 ish-deputetësh dhe ish- ministrash në qeverinë Berisha, që kanë ndërmarrë një aksion politik opozitar kundër Partisë së tyre pas lënies jashtë listës.

Lulzim Basha është i rremë. Ai duhet shkarkuar. Ky është thelbi i deklaratës së ish-nënkryetares së PD-së, Jozefina Topalli dhe deputetit themelues të PD-së, Arben Imami. Përmes një konference për shtyp ata kërkojnë mbledhjen e forumeve dhe largimin e Bashës që sipas tyre e ka kthyer PD-në në një ndermarrje personale.