Politikë

Gazeta Express i ka marrë një intervistë ish-kryeministrit të Maqedonisë, Nikolla Gruevski lidhur me zhvillimet në vendin fqinj, por më interes paraqet këndvështrimi i tij në raport me shqiptarët dhe kërkesat e tyre.  I pyetur për të drejtat e tyre dhe kërkesat e përfshira në marrëveshjen e fundit të partive shqiptare Gruevski thotë se nuk ka vend në rajon dhe ndoshta as në Evropë, i cili u ka dhënë më shumë të drejta komuniteteve më të vogla etnike sesa Maqedonia dhe se pas qëndrimeve të shqiptarëve qëndron multimiliarderi amerikan George Soros.

Bashkimi Demokratik për Integrim ka me zgjedhjet e fundit një deputet shqiptar ortodoks. Branko Manojlovski, nga Reka, aty ku ka shqiptarë të besimit Kristian në Maqedoni të cilët po zgjohen për të deklaruar identitetin e tyre. Është një nga dramat e heshtura që ka përshkruar kombin shqiptar elitat e të cilit jo rrallë kanë kushtëzuar këto shkëputje identitare. Në një intervistë për “Faktor 24”, Manojlovksi shpjegon se ka ardhur nga SHBA dhe do të dëshironte të ishte në seancën e parë konstituive të Parlamentit.

Ben Blushi ka zhvilluar sot një bashkëbisedim me gazetarët ku është përqendruar në çështjet e reformës zgjedhore. Blushi tha se ka kohë për votimin elektronik dhe një nga arsyet pse LIBRA, partia që ai drejton e kërkon këtë është edhe se një numër i madh anëtarësimesh në të, bëhen online. I pyetur për koalicionet Blushi tha se kjo është një çështje që do të vendoset nga anëtarësia në të ardhmen, ndërkohë që shtoi se “Shqipëria nuk ka opozitë”.

Partia Demokrattike ka ngritur disa pikëpyetje mbi një udhëtim me çarter sipas saj të kryebashkiakut Erion Veliaj dy ditë më parë.  Kordinatorja e marrëdhënieve me Publikun, Grida Duma sqaroi se:

Ambasada e Rusisë në Tiranë ka reaguar sot rreth raportimit që media shqiptare i bëri deklaratave të ministrit të Jashtëm rus, Sergej Lavrov mes të cilave u veçua apeli i tij që në Veri të Kosovës të mos ketë prezencë të forcave shqiptare të sigurisë. Ambsada deklaron se deklaratat e Lavrov janë nxjerrë jashtë kontekstit dhe me këtë rast përcjell të plotë mesazhin e tij për këtë çështje:

"AbcNews" raporton se prokuoria e Tiranës ka pezulluar hetimet për pajisjen e përgjimit që gjet në paradhomën e ministrit të Brendshëm Sajmir Tahiri.

Tri ditë më parë, “reporter.al” publikoi një lajm sipas të cilit Ilir Meta ka paguar një firmë lobimi në SHBA për të mundësuar marrëdhënie të nivelit të lartë me administratën e re amerikane duke paguar një shifër prej 15 mijë dollarësh në muaj.Në një intervistë të djeshme në “News24”, Meta replikoi duke thënë se “nuk merrem me media të Sorosit, apo pranë Sorosit”, mënyrë kjo për të zhvlerësuar lajmin pa dhënë përgjigje.

Aleanca e Konservatorëve dhe Reformistëve të Europës, një lëvizje e re që është shtrirë në 24 vende të Bashkimit Europian, njofton se do të zhvillojë një samit për dëmet e komunizmit në Shqipëri. Samiti parashikohet të mbahet në datat 7-9 prill 2017 në Tiranë dhe siç bëhet me dije në njoftimin zyrtar, aty pritet të marrin pjesë rreth 200 aktivistë, politikanë, ministra dhe drejtues qeverish. 

Ambasada ruse njoftoi se ambasadori i saj në Tiranë, Aleksandër Karpushin mbajti të hënën një takim me zv/ministren e Zhvillimit Ekonomik, Turizmit, Tregtisë dhe Sipërmarrjes së Shqipërisë, dhe njëherazi Bashkëkryetaren e Komisionit Ndërqeveritar Rusi-Shqipëri për Tregtinë, Bashkëpunimin Ekonomik dhe Tekniko-Shkencor, Adela Karapici.

Në mënyrë krejt të papritur,  ministri i Jashtëm i Shqipërisë, Ditmir Bushati, ka vizituar Teheranin ku është takuar me krerët e Republikës Islamike. Në njoftim zyrtar, Ministria e Jashtme iraniane, bënë me dije se është rënë dakord për zhvillimin e takimeve dypalëshe me qëllim fuqizimin e marrëdhënieve tregëtare.

“Është koha dhe kushtet për zgjerimin e bashkëpunimit dypalësh në fusha të ndryshme me Iranin dhe kjo është arsyeja që Shqipëria ka vendosur të rihapë ambasadën në Teheran”, thuhet në njoftimin e Ministrisë së Jashtme iraniane.