Politikë

Shtetet e Bashkuara të Amerikës diskreditojnë edhe publikisht atë që sot mban detyrën e Kryeprokurorit të Përgjithshëm të Republikës së Shqipërisë, shkëlqesinë e tij, Adriatik Llalla. Ambasadori amerikan Donald Lu foli pa dorashka për kreun e organit të akuzës në Shqipëri, zyrtarin e parë të piketuar nga ndërkombëtarët që ka vepruar kundër reformës në drejtësi.

Në Komisionin Hetimor për CEZ ishte thirrur për të dëshmuar djali i ish-kryeministrit Berisha, Shkëlzen Berisha, emri i të cilit sipas deputetit Taulant Balla ishte përmendur në email-et e shtetasit Nue Kalaj, në llogarinë bankare të të cilt është gjurmuar një transfertë e dyshimtë prej 7 milionë eurosh. Kjo shumë dyshohet se i ka kaluar Kalajt si pagesë për ndërmjetësimin mes qeverisë shqiptare dhe kompanisë çeke CEZ për privatizimin e Kompanisë së Shpërndarjes.

Komisioni i punëve të jashtme të Parlamentit Europian aprovoi me 52 vota pro, 6 kundër dhe 4 abstenim draft -rezolutën e raportuesit Knut Fleckenstein për Shqipërinë. Në këtë draft-rezolutë njihet roli deçiziv i zgjedhjeve të përgjitshme të qershorit në hapjen e negociatave tê anëtarësimit të Shqipêrisë në Bashkimin Europian. Vetë raportuesi Knut Fleckenstein është shprehur pas aprovimit tê draftrezolutës, se hapja e negociatave mund të ndodhë vetëm pas zgjedhjeve dhe sapo të zbatohet ligjit i Veting.

Pas akuzave të Ylli Manjanit dhe shkarkimit të tij si ministër Drejtësie, u duk sikur partia e Ilir Metës distancua nga retorika e ish-ministrit, në emër të stabilitetit të vendit siç tha vetë kryetari i LSI-së. Përtej këtij qëndrimi njerëzit e LSI-së nuk e kanë ulur ritmin e sulmeve ndaj ministrit të Brendshëm, Sajmir Tahiri, duke denoncuar lidhjet e policisë shqiptare me krimin edhe në mediat e huaja. Ndonëse Ilir Meta foli mesditën e së martës për zgjidhje institucionale dhe jo shfaqje televizive, boritë e LSI-së vazhdojnë me aksionin kundër Sajmir Tahirit.

Skënder Gjinushi i ka dhënë një intervistë Report Tv në të cilësn është shfaqur si analist politik, Obsesioni me Sali Berishën, patologjia me LSI-në, ja boshti i analizës që mandej lejon edhe ndonjë predikim krejt ëndërrimtar si ai i “të majtës së shëndetshme”, diçka që me përkufizim nuk ka shanse të ekzistojë.

Gjithsesi Gjinushi thotë se edhe pa LSI-në, PS-ja me elektroatin e vet fiton. Por për këtë duhet të rikthejë besimin. Dhe një nga këto shenja është edhe përfshirja në listat e kandidatëve e tij dhe ndonjë të majti tjetër që ka ca vota.

Ilir Meta e ka braktisur sot ministrin e Drejtësisë të sapo shkarkuar Ylli Manjani. Ai i ka cilësuar shashka akuzat e Manjanit, duke dashur kështu të ftohë situatën e ndezur në koalicionin qeverisës që është në krizë permanente. Por kreu i LSI-së ka bërë edhe këtë vërejtje, në kontekstin e deklaratës se “arresimin e Balilit ma kërkuan në Departamentin Amerikan të Shtetit”.

Ambasadorët e SHBA në Ballkan do të mbajnë postet e tyre, përfshi edhe ambasadorin amerikan në Tiranë, Donald Lul. Në dhjetor të vitit të kaluar  New York Times raportoi se President i zgjedhur i Shteteve të Bashkuara të Amerikës, Donald Trump, kishte lëshuar një urdhër që u kërkonte ambasadorëve të emëruar politikisht të të linin postet e tyre menjëherë pas Ditës së inaugurimit të tij si President. Kjo shkaktoi një pështjellim të madh në komunitetin diplomatik dhe mediat globale.

Paradoksi i qëndrimit në qeveri të LSI-së edhe pas deklaratave të forta të ministrit të Drejtësisë, Ylli Manjani deligjitimoi çdo arsye që Edi Rama dhe Ilir Meta të vazhdojnë të qeverisin këtë vend sikur nuk ka ndodhur asgjë. Vetë LSI tha se nga dy opsionet atë të shkarkimit të kryeministrit dhe largimit të ministrit Manjani zgjodhi shkarkimin e ministrit të saj.  Askush nuk ka pse të habitet nga standarti i të bërit politikë i LSI-së, për aq kohë sa negociatorë të këtyre standardeve janë Ilir Meta dhe Edi Rama.

Foli për drogën, për hashashin e Sajmir Tahirit, foli edhe për përgjimet preventive të kësaj qeverie dhe iku nga detyra. Ministri Ylli Manjani duket se nuk do të jetë më ministër Drejtësie. Atë e zëvendëson mjeku Petrit Vasili, pasi kryeministri ka bërë shkarkimin dhe propozimin. Natyrisht që Manjani foli për llogari politike, por në fakt disa të vërteta i tha, pavarësisht se fshehu disa të tjera. Petrit Vasili ministër Drejtësie?! Çfarë nuk ndodh në këtë vend, sidomos kur LSI-ja deklaron se për president ka shumë figura, por nuk gjeti dot një jurist tjetër përtej Manjanit. 

Prej disa ditësh po shohim shfaqjen kombëtare PS-LSI, dy parti që kanë bërë bashkë Ilir Metën me Edi Ramën, dy personazhe që 4 vjet më parë hodhën firmën për të rilindur Shqipërinë. Bazuar mbi asnjë princip tjetër veç pazarit për transformuar qeverisjen Meta - Berisha në një rikonfigurim Meta-Rama, tradhëtia e 85 mijë zemrave opozitare u vulos nga "tradhëtia e shuplakave", një telenovelë e njohur që gjithsesi u gëlltit pa probleme nga populli socialist.