Politikë

Lulzim Basha është i detyruar të pranojë se partia që ai drejton është në krizë të rëndë. Jo përmes një deklarimi të vet, pasi duket se nuk e disponon këtë stof lidershipi, as përmes Edmond Spahos, i vetëstërvitur për skriptet politike të kryetarit. Por përmes faktit se qëndrimet e sotme të Sali Berishës në intervistë për “syri.net” janë në thelb arsyetimi dhe apologjia e munguar për situatën e krijuar.

Presidenti serb, Aleksandër Vuçiç ka shpjeguar para serbëve arsyet pse këshilloi Listën Serbe t’i bashkohet qeverisë së Ramush Haradinajt. Në një konferencë për shtyp edhe pse e quajti Haradinajn kriminel ai la të kuptohet se për serbët ish-komandanti i UÇK-së është e keqja më e vogël në kushtet e një opozite si Vetvendosja që kërkon bashkim me Shqipërinë.

Kristaq Xharo, që prezantohet si pedagog për çështjet e sigurisë në Universitetin Europian të Tiranës shkruan sot në gazetën “Mapo” një opinion mbi nevojën e debatit për rikthimin e shërbimit të detyrueshëm ushtarak. I shfuqizuar në vitin 2008, shërbimi në fjalë është parë si një rudiment i Luftës së Ftohtë dhe me lëvizjet e mëdha demografike, rënien ekonomike, heqja e tij, ishte në realitet formalizim i një gjendjeje fakti. Por Xharo mendon se rikthimi i shërbimit të detyrueshëm ushtarak nuk duhet parë thjesht në planin e ushtrisë, por më gjerë.

Ajo që u tund si fitore e demokracisë dhe konsensusit politik nuk ishte asgjë tjetër sesa një letër që Edi Rama dhe Lulzim Basha do e përdorin me sa duket për nevoja të tjera, shumë më praktike sesa shpëtimi i demokracisë. U diskutua shumë rreth faktit se çfarë fshihej pas marrëveshjes së 18 majit, por në fund rezultoi një akt pa produkt dhe pa përmbatje dhe një tjetër shfaqje “karagjozllëku” që na rezervuan të parët e politikës. Me argumentin se ndihet i tradhëtuar Lulzim Basha deklaroi fundin politik të marrëveshjes së 18 majit dhe rikthimin në llogoret e mëparshme.

Dy votat e “djathta” që shkuan për Gramoz Ruçin, kanë provokuar një situatë të trazuar në Partinë Demokratike. Lulzim Basha, kryetari me vulë i saj, tha pas votimit se kush shet votën do të përjashtohet nga Grupi Parlamentar. Por sipas Jozefina Topallit, një nga drejtueset e dikurshme të partisë, ka patur dy mbledhje të PD-së pas votimit, në të cilat nuk është folur fare për atë që ka ndodhur. Shkruan ndër të tjera Topalli në Facebook:

Ne mbrojtje te se vertetes.  Dje Basha pas mbledhjes se grupit shperndau ne media nje deklarate qe kishte dhe fjaline:

Një orë i mjaftoi kryeministrit për t'i dhënë përgjigje pyetjeve të LSI-së lidhur me prioritetet e qeverisë së ardhshme. Pa ndonjë siklet të madh Rama nuk paraqit ndonjë. Program revolucionar, për më tepër që shmangu përgjigjet mbi përqindjet e sakta të shpenzimeve publike që do shkojnë në sektorin e Shëndetësisë, Arsimit dhe Bujqësisë.

Kryeministri Rama prezantoi në kuvend atë që quhet program politik i qeverisë për mandatin e ardhshëm 4-vjeçar. Ndryshe nga 4 vjet më parë, kryeministri socialist u shfaq më pak arrogant, reflektues dhe i hapur për bashkëpunimin me opozitën në funksion të së ardhmes së vendit.

Partia Demokratike konfirmon situatën "kashtë e k....qe" ku ndodhet dhe ka reaguar shkurt me një deklaratë për zgjedhjen një ditë më parë në kuvend të Gramoz Ruçit si kryetar i Parlamentit. PD flet për dy variante që çuan në rrjedhjen e votave të saj, manipulim i Edi Ramës ose shitje e deputetëve të saj. Në çdo rrethanë përgjegjësia bie mbi Lulzim Bashën, i cili mori përsipër personalisht hartimin e listës së kandidatëve për deputetë.

Doli nga çadra vetë. Pa pyetur njeri dhe duke bërë llogaritë e veta. E hartoi listën e kandidatëve për deputetë po vetë dhe e shpalli natën vonë. I mbrojti kandidatët e vet që nuk dihet kush janë. Sot sërish dy prej tyre, deputetë të Partisë Demokratike kanë votuar Gramoz Ruçin për kryetar Parlamenti.

Menjëherë pas kësaj, Lulzim Basha i është bashkuar një gjoja proteste para Kuvendit për të thënë se “ky është një turp”. “Do jemi në krahun tuaj dhe vlerat që përfaqësoni. Do jemi çdo ditë me qytetarët dhe kundër krimit e korrupsionit” ka vijuar z. Basha.

Gramoz Ruçi është zgjedhur kryetar i Kuvendit të Shqipërisë. Seanca e parë e kësaj legjislature është hapur me votimin e fshehtë për zgjedhjen e kreut të Kuvendit që në këtë rast ka marrë 80 vota pro, 40 kundër, 1 abstenim, ndërsa të tjerët nuk morën pjesë në votim. Ruçi vjen kështu në epilogun e karrierës me detyrën e dytë në hierarkinë shtetërore. Ai e nisi politikën si ministër i Brendshëm në vitin 1991.