Politikë

Parlamenti i Shqipërisë është duke shqyrtuar disa ndryshime që prekin profesionet e noterit dhe juristit, ndërkohë që në procedurë është edhe projektligji “Për organizimin dhe funksionimin e Policisë Gjyqësore”.

Siç mund të lexohet në drafte e iniciuara nga një grup deputetësh, ndryshimet janë me rëndësi. Kështu në projektlgjet për profesionin e juristit dhe të noterit, mendohet që të hyjë në fuqi si hallkë përcaktuese për ecurinë e mëtejshme në karrierë Provimi I Shtetit – për rastin e juristit – dhe Provimi i Pranimit për rastin e noterit.

Katalonja zhvilloi sot referendumin për pavarësinë. Kërkesa për pavarësi e një komuniteti është çështje shumë komplekse, ku ngërthehen faktorë historikë, socialë, politikë, ekonomikë, humanë, racorë dhe fetarë. Pavarësimi pra është një kërkesë e brendshme që nuk mund të arsyetohet me përfitimet e një sistemi politik. Nga kjo pikëpamje, zgjidhja që sot Spanja demokratike i jep krizës së saj të brendshme, është miope dhe priret të acarojë situatën edhe kështu të ndezur.

Ambasadori amerikan është shfaqur jo pak optimist me situatën si po shkojnë gjërat në Shqipëri.

Në një takim me të rinjtë në Rrëshen ai foli për ndryshime të mëdha që po vijnë për vendin tonë. Duke bërë për një paralelizëm mes Kalifornisë dhe Rrëshenit, Lu kërkoi nga të rinjtë që të këmbëngulin për liritë personale, ashtu siç ndodh në SHBA.

Partia Demokratike doli nga zgjedhjet e 25 qershorit me 200 mijë vota minus dhe duket se halli i vetëm që ka është të mbetet në lojën e pushtetit, qoftë edhe duke mbajtur qoshen e opozitës. Ajo që kuptohet është se qëndrimet nuk nisen nga premisa demokratike për të vendosur një raport sa më të drejtë të përfaqësimit opozitar në parlament, por nga llogari personale që nisin nga kryetari dhe dhe përfundojnë  deri tek enturazhi që hyri qoftë edhe rastësisht në politikë.

Ministri i Jashtëm boshnjak, Igor Crnadak ka bërë një deklaratë kategorike për mosnjohjen e pavarësisë së Kosovës. Ai është shprehur për këtë çështje për agjencinë “Fena” të cilës i ka zbuluar se kërkesa për njohje i është bërë nga kryeministri I ri kosovar, Ramush Haradinaj.

“Çështja e pavarësisë së Kosovës as nuk do të konsiderohet brenda fundit të këtij mandate të Këshillit të Ministrave”, tha Crnadak.

Ministri i Jashtëm i Shqipërisë Ditmir Bushati, ka deklaruar sot gjatë një interviste në Top-Story se Shqipëria dhe Greqia janë shumë afër gjetjes së një mirëpkuptimi të ri për çështjen e ligjit të luftës.

“Është një çështje që nuk do të doja të prodhoja lajm, por me bindje të plotë them sonte që për ligjin e luftës jemi shumë herë më afër zgjidhjes seç kemi qenë para një apo dy vitesh”, tha Bushati. 

Kryeministri Edi Rama ka folur sot në Parlament për propagandën e ulët që sipas tij zhvillon Partia Demokratike pranë të huajve që monitorijnë Shqipërinë.

Qendra për Studime të Sigurisë në Zyrih publikon së fundmi një studim që ka si temë Ballkanin Perëndimor. Punimi është hartuar nga disa autorë dhe është në thelb një përmbledhje e raportimeve të shumta mbi atë që po ndodh në rajonin tonë. Integrimi, ngadalësia e tij, BE dhe NATO nga njëra anë dhe Rusia, Turqia dhe vendet e Gjirit Persik nga ana tjetër. Dy narrativa që po konkurojnë në një zonë tampon, mesa duket në kufi të identiteteve të mëdha. 

Materiali është më shumë me karakter përshkrues sesa analitik, por ai ka rëndësi sepse shfaqet në faqen e një qendre jo pak të njohur. 

Kryeministri Rama priti këtë të mërkurë një delegacion të qeverisë së Kosovës të kryesuar nga kryeministri Ramush Haradinaj.

Në konferencën për shtyp Rama theksoi se nis një etapë e re në marrëdhëniet mes dy vendeve që do të konkretizohet me lehtësimin e kalimit në kufi, bashkimin doganor dhe atë konsullor sipas një modeli të vendeve të Bashkimit Europian.

Dy qeveritë vendosën  të mbajnë një mbledhje të përbashkët më 27 nëntor në Korçë dhe të kordinojnë punën për vitin e përbashkët të Skënderbeut.

Presidenti serb Aleksandër Vuçiç ka deklaruar se qëndrimi aktual i Serbisë synon drejt zgjidhjes “njëherë e mirë” të raporteve serbo-shqiptare.

“Dua t’u them serbëve se ne jetojmë në një realitet, në një të shkuar mitike. Por ne nuk kemi humbur gjithçka. Realiteti qëndron larg këtyre dy pozicioneve. Është e rëndësishme që të zgjidhen çështjet serbo-shqiptare njëherë e mirë”, tha ai.