Politikë

Me ndihmën e Gjyaktës Tom Doshi doli i palagur nga atentati që i kishte inskenuar vetes, për të cilin akuzoi Ilir Metën. Ndonëse Prokuroria kishte kërkuar dënim me 1 vit burg për kallëzim të rremë, Gjykata e Tiranës e shpalli atë të pafajshëm, ndërkohë që vendosi 1 vit burgim për ish deputetin Mark Frroku, por për shkak të gjykimit të shkurtuar i mbeten 8 muaj burg.

Ministri i Brendshëm i Italisë i ka deklaruar luftë mafias, duke thënë se do u sekuestrojë deri brekët. Në një shfaqje atipike për një ministër të Brendshëm, Salvini  u vetëfimua në pishinën e sekuestruar të një bosi të mafias me premtimin se do do godasë mafian dhe organizatat kriminale.
 

Shumica kaloi në Komisionin e Ligjeve ndryshimet në Ligjin për Avokatinë që u mundëson të gjithë gjyqtarëve dhe prokurorëve që nuk e kaluan vetting-un itë kenë mundësinë të ushtrojnë profesionin e avokatit.

Çdo kritikë ndaj qeverisë, edhe kur takimet e kryeministrit dalin nga skenari, personazhet që kanë denoncuar raste të korrupsionit apo mosfunksionimit të administratës janë rekrutuar më vonë nga zyrat e propagandës për të rehabiltuar imazhin e qeverisë.
 
Rasti  më i fundit është ai i Bukurije Brakës nga Cërriku që në dëgjesën me kryeministrin u ankua për zvarritjet në dhënien e një çertifikatë pronësise. Kryeministri që shkarkoi me një të rënë të lapsit gjithë drejtorët e hipotekave nuk po arrin të bindë se funksionimi i administratës ka ndryshuar realisht. 

Arkitekti Maks Velo ka deklaruar në protestën e djeshme se pjesëmarrja e PD-së në mbrojtje të Teatrit Kombëtar nuk ka shumë besueshmëri. Velo madje ka deklaruar se ka patur një fond që nuk është shpenzuar ndërkohë që ka kërkuar prononcimin e Sali Berishës për këtë çështje(minuta 19:30). Sipas Velos projekti parashikon një kalim të lirë poshtë godinës që ka sipërfaqe kontakti të reduktuar. 

Teatri është në ajër 

tha ai. 

Partia Demokratike ka publikuar sot njollën hipotekore, mbi të cilën shtrihet Teatri Kombëtar dhe zonën ku parashikohet të ndërtohen kullat e kompanisë Fusha sh.p.k. Përkundër pretendimeve të qeverisë dhe bashkisë se në projektligjin për Teatrin është marrë parasysh kërkesa e artistëve për të mos u prekull trualli, deputetja Albana Vokshi tha se vërtetimi hipotekor dhe projekti tregon të kundërtën.

Ritmet e ulëta të zhvillimit apo shifrat e papunësisë, kryeministri i ka shpjeguar gjithmonë me bindjen e tij empirike se punë ka, por s’ka profesionistë. Deri diku e vërtetë, por kjo nuk përjashton as vetë shpikësin e këtij sllogani të hyjë brenda këtij kostumi.  Nën drejtimin e tij, Shqipëria ka humbur disa raunde të hapjes së negociatave. Edhe në këtë rast analizat janë të tepërta. Vetë kryeministri na tha se ka 12 muaj punë përpara pa na premtuar vezën e kuqe. Ai dhe qeveria e tij mesa duket nuk e kanë bërë punën që duhej për hapjen e negociatave.

Vendi më skeptik për hapjen e negociatave me Shqipërinë, Holanda është faktori që po flet më hapur se çfarë duhet të bëjë qeveria për të përfituar dritën jeshile nga Bashkimi Europian. Nuk lidhet as me esadistë dhe as me dallgë siç përpiqet ta justifikojë kryeministri, por me detyra të qarta që duhen përmbushur. Ndëshkim zyrtarëve të nivelit të lartë dhe një reformë në drejtësi jo për sy e faqe.

Marrëveshja për detin që po diskutohet mes Shqipërisë dhe Greqisë është mbërthyer nga një turbullirë pretendimesh që vijnë si nga mungesa e transparencës së qeverisë për bisedimet që po zhvillohen, por edhe nga aktorët që janë aktivë në denoncimin e këtij pakti me argumentin se po i falet det Greqisë. 

Një vit kohë ka Shqipëria për të treguar prova konkrete në luftën kundër krimit të organizuar dhe korrupsionit. Të paktën ky ishte pretendimi i Holandës dhe Francës, dy prej vendeve që kundërshtuan hapjen tani të negociavate të anëtarësimit me vendin tonë.Qeveria e ka hedhur topin e përgjegjësisë sa te opozita të cilën e etiketon esadiste, aq dhe te mosmarrëveshjet e brendshme në gjirin e BE-së.